ធ្មេញលើក្រោមប៉ះគ្នាខាំសង្គ្រឺតទៅមកជាប់ដោយម្ចាស់វាកំពុងព្យាយាមទប់កំហឹងឆេះឆួលនៅក្នុងចិត្តដែលមិនច្បាស់ទេថាវាកើតឡើងដោយសារអ្វី? មនុស្សអារម្មណ៍ល្អសុខៗហេតុអ្វីស្រាប់តែមកខឹងមួម៉ៅភ្លាមៗទាំងគ្មានមូលហេតុច្បាស់លាស់ឬសមស្របណាមួយដែលអាចឱ្យគេខឹង។
"ឯងគឺ..."កាលបើបានឃើញជីមីនចេញមុខមកឈរបាំងរាងតូចបែបនេះកំលោះសង្ហាសុងហូក៏ចាប់ផ្តើមជ្រួញចិញ្ចើមចូលគ្នារកនឹកមើលថាប្រុសម្នាក់នេះជាអ្នកណា គេដូចជាមានអារម្មណ៍ថាធ្លាប់ស្គាល់ធ្លាប់ជួប។
កែវភ្នែកមុតមាំសម្លឹងទៅជីមីនទាំងចម្ងល់ព្យាយាមរកនឹកទើបខួរក្បាលចាប់ផ្តើមដំណើរការដើរថយក្រោយស្វែងរកអ្វីដែលគេចង់បាន....
.....................
"ឯងធ្វើស្អីនឹង?!"
"ធ្វើអី? យើងមកទទួលមិត្តស្រីយើងត្រឡប់ទៅវិញខុសដែរហេស?..."
"ឯងយកនាងទៅណា?"
"កុំមាត់កច្រើនបើចង់នៅធ្វើការក្នុងក្រុមហ៊ុនបន្ត..."
.....................
ខួរក្បាលចាប់បង្ហាញទិដ្ឋភាពមួយចំនួនឡើងមកជារូបភាពនៅថ្ងៃដែលគេជូនម៉ូលីយ៉ាទៅផ្ទះទើបគេចាំបានថានេះប្រុសម្នាក់នេះហើយដែលចូលខ្លួនមកយកម៉ូលីយ៉ាទៅនៅថ្ងៃនោះ។
"ឯងជាម្នាក់ដែលនាំម៉ូលីយ៉ាទៅមែនទេ?! យប់នោះឯងនាំនាងទៅណា?"គ្រាន់តែនឹកឃើញភ្លាមថាប្រុសចំពោះមុខនេះជាអ្នកនាំម៉ូលីយ៉ាទៅនៅថ្ងៃនោះសុងហូក៏រហ័សចាប់កញ្ឆក់ទាញកអាវអ្នកកំលោះដោយកំហឹង។រូបភាពដែលជីមីនទាញនាងតូចទៅទាំងបង្ខំវានៅពេញខួរក្បាលគេនៅឡើយ នេះពេលនោះគេនាំនាងទៅណា? គេមានធ្វើបាបនាងឬក៏អត់? អាចទេដែលគេគឺជាដើមហេតុធ្វើឱ្យម៉ូលីយ៉ាមិនបានមកធ្វើការ?
គិតហើយសសៃបារម្ភប៉ោងឡើងនៅមិនសុខពិតមែន។
"សិស្សច្បង"ឃើញបែបនេះម៉ូលីយ៉ាភ្ញាក់ផ្អើលមិនស្ទើរទេរហូតមិនដឹងគួរធ្វើអីត្រូវ។កាយតូចហៅសុងហូតិចៗរួចដើរមកយកដៃតូចច្រឡឹងរបស់ខ្លួនចាប់ដៃសុងហូថ្នមៗបំណងដកដៃគេចេញពីកអាវជីមីនតែអ្នកម្ខាងទៀតបែរជាមិនព្រមនៅតែចាប់ក្របួចកអាវជីមីនជាប់ដូចដើម។
YOU ARE READING
ម៉ាក់ចុងជាទីស្រលាញ់
Romanceក្តីស្រលាញ់មួយដែលកើតឡើងចេញពីការស្អប់មើលងាយដៀលត្មេះសព្វគ្រប់បែបយ៉ាង ក្នុងកែវភ្នែកគេនាងជាមនុស្សស្រីស្មោគគ្រោក ជាក្មេងដែលហ៊ានលះបង់គ្រប់យ៉ាងសូម្បីតែខ្លួនប្រាណឱ្យទៅមនុស្សប្រុសគ្រប់គ្នាដើម្បីតែប្តូរយកទ្រព្យសម្បត្តិនិងភាពរស់នៅស្រណុកសុខស្រួល។ តែទង្វើគ...
