සියපත්

20 කොටස

රන්දුණු POV

"මැණික් අහල තියෙනවද අධිකාරි ජෙම්ස් ගැන...."

"ම්හූ නෑනෙ මහත්තයා...."

ඇත්ත....මම අහල තියෙනවද ඇහුවට මැණික් කොහෙ ඒවා ගැන දැනගන්නද....ටීවී එකක්වත් ගෙදර නැති ස්මාට් ෆෝන් එකක් ආසාවට අල්ලල නැති එයා ලෝකෙ ගැන දන්නෙ බොහොම ටිකයි....රේඩියෝ එකෙන් ඉස්කෝලෙ ගිහින් ඉගෙන ගත්ත දෙයක් විතරයි....එක අතකට මේ වගේ දුෂ්කර ගමක මලක් වගේ හැදුන පොඩි කොල්ලෙක්ගෙන් ඊට වඩා දෙයක් බලාපොරොත්තු වෙන්න බෑ....

"මැණික් ගෙ මහත්තයා තමයි ඒ කම්පැනි එකේ ඊලඟ අයිතිකාරයා....අපි බිස්නස් කරන්නෙ මැණික් එක්ක....තේරෙන විදිහට කිව්වොත් අපේ තාත්තා මැණික් ව්‍යාපාරිකයෙක්....ලංකාවෙ ලොකුම ජෙම් බිස්නස් එක අයිති අපේ තාත්තට...."

"මහ...ත්තයා...."

මං බලාගෙන එයාගෙ ඇස් ලොකු උනා....කටහඬත් ගිලිලා ගියා....මං ඕනිවට වඩා කියවලා එයාව බය කරාද මන්දා....ඒත් ඉතිං මගෙ මැණික්ට මම ගැන දැනගන්න ඕනි කිව්වා ඉතිං ඕක තමයි මගෙ පවුල් පසුබිම....

"මගෙ අම්මිව මට නැති වුණේ මට වයස අවුරුදු විස්සෙදි....අම්මි නැතිවුණ ගමන් තාත්තා මාව කැනඩා යැව්වා...ලොකු නැන්දා ගාවට....ඉගෙනගන්න වැඩ ඉවර කරල මම ආපහු ලංකාවට ආවෙ අවුරුදු විසිහතරෙදි....එතනින් පස්සෙ තාත්තගෙ බිස්නස් වලට සපෝට් කරපු එක තමයි මම ගොඩක්ම කරේ...."

"මහත්තයා එතකොට අපේ ගමට ආවෙ...."

"ඒකට නම් හේතුව සිරිසෝම මහත්තයා....ඒ ආව හින්දනෙ මට ඔයාව මුණගැහුනෙ...."

"කවුද මේ අපේ මුදලාලි මාමා....."

ම්ම් මුදලාලි මාමා තමයි....ඔය ඔයාලගෙ මුදලාලි මාමා දවසක් ගලක් අරගෙන අපේ බ්‍රාන්ච් එක්කට ඇවිත් තිබුණා....ඒක මැණික් ගලක්ද කියල ශුවර් එකක් මනුස්සයටත් තිබිලා නෑ....සැකේටයි අරන් ඇවිත් තිබුණෙ....කොහොමහරි චෙක් කරල බලනකොට ඒක සෑහෙන වටින පද්මරාගයක්....

"අපේ ගමේ කොහෙන්ද මහත්තයා මැණික්....වෙන්න බෑනෙ...."

"ඒක තමයි බබා මම මෙහෙට එන්න හේතුව උනෙත්....සිරිසෝම මහත්තයට ගල හම්බුණ පැත්ත ගැන ඇහුවම අපිත් පුදුම වුණා....මැණික් හම්බෙයි කියල කීයටවත් ගෙස් කරපු පැත්තක් නෙවෙයි මේක....අනික පද්මරාගයක්....දන්නවද මැණික් මේ පද්මරාග ගොඩක් දුර්ලභයි....ලෝකෙ වෙන රටවල මේවා හම්බුණත් වටිනාකම වැඩි නියම ඔරිජිනල් පද්මරාග හම්බෙන්නෙ ලංකාවෙන් විතරයි කියල මම අහලා තියෙනවා....මේ ගැන විස්තර හොයද්දි තාත්තට ඕනි උනා මේ පැත්ත කැණීම් කරල බලන්න....ගමේ අයව අවුස්සන්නෙ නැතුව පාඩුවෙ වැඩේ කරන්නයි තාත්තට ඕනි උනේ....ඒකට ගමෙන් ඕනි සපෝට් එකට සිරිසෝම මහත්තයා දෙද්දි රජයෙන් කැණිම් වලට අවසර අරන් ඒ වැඩ බලන්න තමයි තාත්තා අපිව මෙහෙට එව්වෙ....කාටත් අපි ආව හේතුව කියන්නත් ගමේ අය එක්ක ඇයි හොඳයියක් තියා ගන්න එකත් අපිට තහනම් කරලමයි වැඩේට එව්වෙ...."