Oops! This image does not follow our content guidelines. To continue publishing, please remove it or upload a different image.
"RISING HUNTER remains undefeated for Summer League! Wow! What a performance from Geecko! Binuhat niya talaga ang buong Rising Hunter hanggang sa Finals! Waiting na lang sila sa makakalaban nila sa kung sino ang mananalo sa Lower bracket!" pare-parehas kaming nadismaya sa standby area noong malaman na ang Rising Hunter ang nanalo laban sa ALTERNATE.
"Tangina! Bakit natalo sina Sandro?" inis na sigaw ni Gavin sa standby area. "Babatukan ko talaga 'yan, pagbalik sa backstage. Kung hindi namatay tank nila agad, kaya 'yon, eh."
"Bobo, bakit ka naiinis na natalo ang ALTERNATE? Kalaban din natin 'yan." binatukan siya ni Oli at napatawa kami.
"Ay kalaban pa ba natin 'yan? Buti nga sa ALTERNATE, talo. Pangit na nga ng logo, pangit pa ng gameplay." pang-aasar ni Gavin.
Matapos ang laban ng ALTERNATE at Rising Hunters ay nagkaroon nf lunch break at magre-resume ang program ng ala-una.
Nakaupo kami sa harap ng long table habang nilalatag ni Sir Greg ang mga pagkain namin. Lutong-bahay ni Manang Martha ang ulam namin ngayon na sobeang ikinatuwa ko. Promise, ang sasarap magluto ng mga kasama namin aa Boothcamp.
Nakalagay sa tupperware ang ulam at kanin. Bistek ang pagkain namin ngayon at mukhang makakarami ako ng kain.
"Oh, Dion, alam ni Manang Martha na hindi ka kumakain ng Bistek." nilatag ni Sir Greg sa lamesa ang pagkain ni Dion at siya lang ang may ulam ng pritong manok.
"Hindi ka kumakain ng bistek?" tanong ko.
"Hindi. Hindi ako nasasarapan." sagot niya sa akin. OMG, hindi ko alam na may mga taong may ayaw sa bistek. Ang top tier kayang ulam pinoy no'n!
"Okay, kids, kumain kayo ng marami dahil may laban pa kayo mamaya. Malapit na nating makuha ang championship. Kaunting tiis na lang." pagpapalakas ni Sir Greg ng loob namin habang nakangiting nakatingin sa amin.
"Yes, Sir!" we answered.
"Sige na, kumain na kayo."
Bumaling ulit ang tingin ko sa katabi ko. "Bakit ayaw mo sa bistek? Ang sarap kaya nito!"
"Anong masarap diyan? Ang weird kaya ng lasa." reklamo niya. "Ang asim na mapait tapos ang dami pang sibuyas."
"Ang weird nang panlasa mo."
"Ikaw nga nilalagyan mo ng calamansi 'yong extra hot na pancit canton. Para kamo maging chilimansi, sinong mas weird sa atin?" nakangising sabi ni Dion.
"Hindi mo kasi gets, mas maanghang kasi kapag ganoon." I explained habang kumakain kaming dalawa.
Napatingin ako sa harap at nakita ko na namang jina-judge ako ng singkit na mata ni Liu. "Alam ninyo, dati natutuwa ako kapag nagbabangayan kayo pero ngayon para kayong laging magsusuntukan na dalawa. Bistek lang pinag-aawayan ninyo pa."
