Votes, comments, and sharing the story is highly appreciated. Thank you!
Oops! This image does not follow our content guidelines. To continue publishing, please remove it or upload a different image.
PAGKAPASOK ko sa laro ay isang pamilyar na lugar ang tumambad sa akin. Hindi lang sa akin, panigurado ay aware din ang kahit sinong players sa Map na ito ng match—ang Silanya Town. Once na mag-log in ka sa laro ay itong bayan na ito ang sasalubong sa 'yo as a newbie player of the game. Dito sa lugar na ito nagsimula ang lahat.
"Okay, hindi ako mahihirapan dahil kabisado ko ang pasikot-sikot sa lugar na ito." Wika ko sa sarili ko habang nagtago ako sa likod ng isang fruit stand. Dahil nga mag-isa ako ay kailangan ay maging maingat muna ako sa bawat galaw ko. Lalo na't Black Dragon ang katapat namin. Alam nila kung paano kami biglaang mahahawakan sa leeg.
[Orient Crown] Shinobi: I am in Public Market area near the port. Sino ang malapit dito?
[Orient Crown] Rufus: Malayo ako.
[Orient Crown] Shinobi: Okay lang, kung sino ang malapit sa area ng core ay agad ninyong puntahan si Rufus. We need to protect our damage-dealer sa early part ng competition.
Nabigla ako noong may isang palaso ang rumaragasa padaan sa mata ko. Mabilis akong napaatras at napadikit sa pader. Okay, nawala saglit ang awareness ko sa map dahil sa biglaang pagbigay ko ng command sa team.
"Eyes on me, Captain," Tumingin ako sa isang player na nagsalita na nakadungaw mula sa balcony ng isang tindahan.
[Black Dragon] Lightyear Level: 85 Class: Nova
LightYear is one of the greatest marksman sa mundo ng Hunter Online. Ang sabi rin sa akin ni Sandro ay asintado lagi magpakawala ng palaso itong si LightYear at masakit ang damage na binibigay nito. Sinadya nitong hindi patamain ang palaso sa akin.
"Okay, this is bad." Mabilis akong tumayo at tumakbo papaalis sa public market. Tumalon pababa si LightYear at patuloy na nagpakawala ng palaso tungo sa direksyon ko.
Noong may mga palasong muntik tumama sa binti ko ay mabilis kong hinitak patumba ang isang food stall dahilan para doon bumaon ang mga ito. "Ito lang ba ang kayang ipakitang laro ng Captain ng Orient Crown?" He shouted.
Lumiko ako sa isang kanto at dire-diretsong tumakbo. Paglingon ko ay may palasong bumubulusok sa direksyon ko. I immediately jumped in the right side of the road. Nagpagulong-gulong ako ngunit mabilis ding bumangon para makatakbo. "Akala niya yata ay maaapektuhan ako sa mga pang-ta-trashtalk niya sa akin." Mahina kong bulong sa aking sarili habang palingat-lingat sa likod upang tingnan kung nakasunod pa siya sa akin. "Paano ko siya papalagan kung support role ako at damage role siya? Bulag ba siya?"
Habang tumatakbo ako ay nabalutan ng puting usok ang buong paligid. Smoke bomb? Trap ba 'to? Hindi ako agad nakagalaw at mas naging aware ako sa paligid ko. Inilabas ko ang sword ko at naghanda sa mga biglaang pag-atake.
