Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
MILAN
"NAGAWA ninyo pala na matapos nila Clyde 'yong dungeon sa loob ng 17 minutes?" Tanong ni Kuya Brooklyn sa akin habang sabay-sabay kaming nag-a-almusal. Buti na lang talaga at hindi kami nag-jog ngayong araw kung kaya't napahaba ang tulog ko. Naintindihan naman din daw nila dahil um-attend nga ako ng Webinar kagabi.
Wala na rin sina Mom at Dad dahil pumasok na sila sa trabaho. Oatmeal ang almusal naming tatlo na si Kuya Brooklyn ang nagluto, hindi ko nga alam kung bakit Software Engineer ang trabaho niya, puwedeng-puwede siyang maging cook sa isang mamahaling restaurant dahil sa sarap ng mga luto niya.
"We managed to beat the record," pagmamalaki ko sa kanila. "Unluckily, after four hours ay na-beat ng Black Dragon ang record namin. Hindi man lang pinatagal sa amin ang title." Reklamo ko.
"Atleast, nagawa ninyong ma-beat ang record ng Battle Cry. Pasalamat ka sa akin dahil nag-livestream ako para sa 'yo. Sabihin mo, salamat Kuya kong pogi." Kuya London flexed his biceps.
Napairap ako sa ere. "Asa ka."
Yup, hindi naging ganoon ka-big news ang pagka-beat namin sa record ng Battle Cry dahil natalo rin naman kami ng Black Dragon agad. Hindi nga alam ng lahat ng players sa Hunter Online na may mga independent hunters ang naka-beat sa record.
"Black Dragon is really a strong team, isipin mo, late sila lumipat sa Peninsula Server but they managed to clear Ogre Raid fastly." Manghang-mangha na sabi ni Kuya Brooklyn.
"As expected, professional players. Binabayaran sila para mag-excel sa laro." Paliwanag ni Kuya London bago kumain ng oatmeal. "Ah, pupunta nga pala akong mall mamaya, mamimili ako ng gamit para sa Ilocos trip natin. Baka may ipapasabay kayo."
"Isabay mo nga akong ibili ng bagong earphone," sabi ni Kuya Brooklyn.
"Sakto, bibili din akong bagong nerve gear." Kuya London smirked.
"Kuya, ang aksayado mo sa pera. Bili ka nang bili ng nerve gear." Reklamo ko sa kanya.
"Ikaw nga bili nang bili ng libro, hindi mo rin naman binabasa." Ganti niya sa akin.
Well, to be honest, may point si Kuya. May mga libro akong nabibili na hindi ko pa nga natatanggal 'yong plastic at hindi ko pa nababasa. Paano ba naman kasi, kapag nadadaan ako sa bookstore at nagbabasa ng mga teaser ng libro ay napapabili ako lalo na kapag maganda ang book cover at teaser ng kuwento.
"Eh, magkano lang naman 'yon."
"Milan, hayaan mo na 'yang si London. Pera niya naman 'yang ginagastos niya." Dinilaan ako ni Kuya London dahil kumampi sa kanya si Kuya Brooklyn. "Sumama ka na rin kay London sa pamimili. Baka may mga kailangan kang bilihin para sa swimming. Ikaw pa naman si 'Girl Convenience store' sa tuwing nasa biyahe dahil sa dami nang nakakalimutan."
"Alam ninyo, ang bully na ninyo na naman sa akin. Umagang-umaga, ha," reklamo at natawa ang dalawa kong kapatid. "Mag-jogging kayong dalawa bukas. Hindi ako sasama."
