Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
HINDI pa rin ako makapaniwala na officially ay tapos na ang Summer Vacation namin. Aware akong maraming nangyari sa buong two months na bakasyon. Madami akong mga tao na nakilala, and in a snapped ay nagbago ang takbo ng buhay ko. That was a long Summer Vacation pero feeling ko ang bilis ng lahat.
Pinagmamasdan ko ang sarili ko sa salin habang suot ko ang school uniform ko. Ang weird lang suotin ng school uniform kapag start ng klase.
Noong na-satisfy na ako sa hitsura ko ay lumabas na ako ng kuwarto at nadatnan ko si Dion at si Kuya na nagkukuwentuhan sa sala. "Back to reality ka na, ah." Nakangising sabi sa akin ni Kuya.
"Kaya nga, eh, feeling ko mas lalo akong mai-i-stress sa mga subject ko ngayon." Ang daming math and programming subjects this sem. Kaunti lang ang minor subject na kino-consider kong pahinga ko sa sakit ng ulo. I saw Dion took a picture of me at hinarang ko ang kamay ko sa camera. "Huy, huwag mo akong kuhanan ng picture."
"Back to school na si Nene." he chuckled.
"Tingnan mo nga ako, Dion, sakto pa rin ba 'tong uniform ko o kailangan ko nang bumili ng bago? Feeling ko talaga tumaba ako." Mabagal akong umikot sa kaniyang harap para makita niya ang hitsura ko.
"Ayos lang," seryosong sabi niya habang pinagmamasdan ako maigi. "Huwag ka nang bumili. Kasya pa naman."
"Sure ka?"
"Tatanungin mo ako tapos hindi ka maniniwala. Awit sa 'yo." Napailing si Dion at napasandal sa sofa.
"Milan, pangit ka pa rin. Kumain ka na at umalis ka na." Pag-e-epal ni Kuya at napairap ako sa ere. Kaya ayokong hinihingi ang opinyon nito kasi aasarin niya lang ako. Knowing Kuya London's personality, gustong-gusto niya akong nakikita na naba-badtrip.
"Dadaanan daw ako ni Clyde. Sabay kaming papasok." I informed them at kumuha ng tinapay sa dining table at pinalamanan ito ng peanut butter.
"Bakit ka dadaanan?" Tanong bigla ni Dion.
Natawa naman si Kuya London. "Selos ka naman agad."
"Hindi ako nagseselos, baliw. Curious lang ako." Depensa ni Dion.
"Curious mo mukha mo. Ulol, 'wag ako." Natatawang sabi ni Kuya London.
"Alam mo, huwag mong pinagpapansin 'yang si Kuya. Ma-issue na tao 'yan." Inis akong tiningnan ni Kuya at dinilaan ko lang siya. "Sabay kaming pumapasok ni Clyde since malapit lang ang bahay niya rito sa village. Tapos iisang school lang naman ang pinapasukan namin, less hassle pa sa akin since may kotse si Clyde." Although, minsan ako ang sumasagot ng pampa-gas.
"Kay Kuya Brooklyn ka magpaliwanag." Epal ni Kuya. "Nga pala, I already received the money from other players. 67,580 pesos ang total na kinita ninyo sa buong araw na live."
"Ang laki." Bulong ko habang kumakain ng sandwich.
Sobrang naging successful ang ginawa naming Pagkakaisa para sa Nueva Ecija project dahil ang daming tao na nag-send ng stars sa livestream at 'yong mga stars na iyon ay nako-convert into cash. Marami ring professional players ang nag-share ng live namin kung kaya't mas malaking audience ang na-reach namin which is sobrang thankful ako kahit hindi ko sila kilala lahat.
