Unicode
ဟောပိုင်: ခင်ဗျား အဆင်ပြေရဲ့လား.. ဆေးစွဲနေတယ်ဆိုတာကရော ခင်ဗျားလွှင့်တဲ့သတင်းပဲမလား.. ဘယ်လိုဖြေရှင်းဖို့ စဉ်းစားထားလို့လဲ...
တိချိုးဟယ်: ပါပီလေး ကိုယ့်ကို လွမ်းနေတာလား...
ဟောပိုင်: ...
ဟောပိုင်: အရင် စိတ်ငြိမ်အောင် နေလိုက်ဦး... ပြီးမှ ဆက်ပြောတော့မယ်
ဟောပိုင်က မျက်နှာသေကြီးနှင့် ဖုန်းကို အံဆွဲထဲ ထည့်ကာ ကွန်ပျူတာကို ပိတ်၍ စာထဲ စိတ်နှစ်နေလိုက်သည်။
နာရီဝက်လောက်ကြာတော့ မနေနိုင်တော့သည်နှင့် ဖုန်းပြန်ထုတ်ကာ Weibo ထဲ ဝင်ကြည့်ပြန်၏။
ဟောပိုင်: ခင်ဗျား အဲ့ကိစ္စကိုကျဘယ်လိုဖြေရှင်းမှာလဲလို့... ခင်ဗျားရဲ့weibo အကောင့်ကို ဖျက်လိုက်ရုံနဲ့ ပြီးမှာတဲ့လား...
Weibo ပေါ် ပြန့်နေသော သတင်းအားလုံးက တိချိုးဟယ် ဖန်တီးထားသည်ကိုလဲ သူသိသည်။ အနစ်နာခံခဲ့ရသော သူများအားလုံးကိုလဲ တိချိုးဟယ် ချုပ်ကိုင်နေသည်ကို သူသိနေတာတောင်မှ စိတ်ပူနေခြင်းကို တားမရပေ။
တိချိုးဟယ်: မင်း ကိုယ့်အတွက် စိတ်မကောင်းဖြစ်နေတာလား....
ဟောပိုင်က စိတ်ငြိမ်အောင် ရေအေးအေးလေး သောက်ရမည်ဟု တွေးလိုက်၏။
တိချိုးဟယ်: ကိုယ့်ကို ထပ်ပြီး ပစ်ထားဦးမှာလား...
တိချိုးဟယ်: ပါပီလေး... မင်းက အရမ်းရက်စက်တတ်တာပဲ...
တိချိုးဟယ်: သတင်းတွေက မကြာခင် ငြိမ်သွားတော့မှာပါ..
တိချိုးဟယ်: ကိုယ့် weibo အကောင့်ထဲ ဝင်ကြည့်ကြည့်လေ...
ဟောပိုင်က ကြောင်သွားကာ weibo ထဲ ဝင်ရန် ကွန်ပျူတာပါ ဖွင့်လိုက်၏။
တိချိုးဟယ်၏ အကောင့်ထဲ သွားကြည့်တော့ ရက်ပေါင်းများစွာ ပို့စ်အသစ်မတက်ပဲ ဗီဒီယိုလေးတစ်ခုတက်နေသည်ကို တွေ့လိုက်ရသည်။
ထိုဗီဒီယိုလေးကို မျှားနှိပ်လိုက်၏။
" အားလုံးပဲ မင်္ဂလာပါခင်ဗျ... ကျွန်တော်က ဟွမ်ဒူကုမ္ပဏီ ဥက္ကဋ္ဌတိဘီရန်ရဲ့ သားအကြီးဆုံး တိချိုးဟယ်ပါ..ဟွမ်ဒူရဲ့ သရုပ်ဆောင်ဟောင်း ဟွမ်ဒူနဲ့ လက်တွဲသရုပ်ဆောင်ဖူးသူလဲ ဖြစ်ပါတယ်....
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...