Unicode
ဒုတ်ဒုတ် ဒုတ်ဒုတ်...
မမျှော်လင့်စွာ သူ့နှလုံးခုန်နှုန်း မြန်လာပြန်သည်။ တစ်ဖက်မှ ပြောနေသူ၏ မျက်လုံးလေးနှင့် အဖြူအမဲ မသဲကွဲသော နောက်ခံကိုသာ မြင်ရတာတောင် နှလုံးခုန်နှုန်းက ပိုပို၍ပင် မြန်လာ၏။
ဟောပိုင်က မျက်ခုံးများကို တွန့်ချိုးကာ ကင်မရာကို နည်းနည်းချိန်၍ နေရာပြောင်းထိုင်လိုက်သည်။ ထို့နောက် အသက်ဝဝရှူကာ ကင်မရာ ပြန်လှည့်ရင်း ဟောပိုင်က အသံတိုးတိုးနှင့် မေး၏။
" ရိုက်ကွင်းဘယ်လိုအခြေအနေရှိလဲ... ဂရုစိုက်နော် မထိခိုက်စေနဲ့ဦး"
" အဆင်ပြေပါတယ်"
တိချိုးဟယ်က ကင်မရာပေါ် ပေါ်လာသည့် ဟောပိုင်ကို ငေးကြည့်နေသည်။ ဟောပိုင်က ညအိပ်ဝတ်စုံဝတ်၍ မဖြီးသင်ထားသော ဆံပင်နှင့် အိပ်ရာထဲ လှဲနေ၏။ တိချိုးဟယ်မှာ ထိုပုံစံလေးကို အသည်းယားလွန်း၍ လမ်းပေါ်မှ ဆွဲမိဆွဲရာ ခဲလုံးတစ်လုံးကို ကောက်ကိုင်မိသွားသည်။
" တုံ့နီက ရိုက်ကွင်းအဖွဲ့နဲ့ အသားကျနေပြီဆိုတော့ အရင်ကလို သူ့ကြောင့် ရိုက်ကွင်းနှေးတာတွေ မရှိတော့ဘူး...ဒီမှာ ရိုက်ကူးရေးပြီးတာနဲ့ J နိုင်ငံကို တန်းသွားကြမှာ.. အကုန်လုံးအဆင်ပြေတယ်ဆိုရင် ခရစ်စမတ်မပြီးခင် ပြန်လာလို့ရတယ်"
ဟောပိုင်မှာ တိချိုးဟယ်မျက်နှာကို ကြည့်နေရင်းနှင့်ပင် ခေါင်းညိတ်ရင်းက နားရွက်ဖျားများ ရဲတွတ်လာ၏။ ထူးထူးဆန်းဆန်းဝင်လာသည့် အတွေးများကိုဖြေဖျောက်ရန် စားပွဲပေါ်မှ ရေဘူးကိုယူ၍ သောက်လိုက်ရသည်။ တိချိုးဟယ် ဒီလောက်ချောတာ ဘာလို့ အခုမှ မြင်မိပါလိမ့်...
ဟောပိုင်မျက်နှာကိုအသေးစိတ်စောင့်ကြည့်နေသော တိချိုးဟယ်မှာ နားရွက်ဖျားလေးရဲသွားသည်က အစ သတိထားမိလိုက်၏။ အရမ်း စချင်လာသဖြင့် မနေနိုင်ပဲ မေးလိုက်သည်။
" ပိုင်.. မင်းရော ကိုယ့်ကို အများကြီး လွမ်းနေတာမဟုတ်လား"
ဟောပိုင်က ရေသီးသွားကာ ချက်ချင်းငြင်းလိုက်သည်။
" လုံးဝပဲ.. ကိုယ့်ကိုကိုယ် အရမ်းတွေ အထင်ကြီးမနေနဲ့"
တိချိုးဟယ်က ရေဘူးကိုဆွဲညှစ်ထားသော လက်ဖျားလေးများ ဖျော့တော့နေသည်ကိုကြည့်သည်။ ထို့နောက် ပန်းသွေးရောင်ရဲနေသော နှုတ်ခမ်းဖူးဖူးလေးများကိုကြည့်ရင်း ပြုံးနေသည်။
" ကိုယ့်ကို လွမ်းလို့ရပါတယ် ခွေးပေါက်လေးရဲ့.. မင်းကို ကိုယ် လွမ်းခွင့်ပြုပါတယ်"
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...
