OUR❤️ ( One Useless Rebirth) 1

Chapter 26- three in one part 4

Unicode

တိဘီရန်မျက်နှာ မှုန်မှိုင်းသွား၏။ တိချိုးဟယ်ကို  ကျောပုတ်ပေးရင်း ဆိုဖာပေါ် ထိုင်လိုက်ကြကာ သက်ပြင်းချသည်။
" အဖေလဲ ဒီလောက်ကြီးဖြစ်လာမယ်မှန်း မထင်ထားခဲ့ဘူး.. အဲ့ဒီလိုဖြစ်စေနိုင်မယ့်လူကို အိမ်ခေါ်လာမိတာ အဖေ့အပြစ်တွေပါ.. တကယ်လို့ အထင်လွဲရုံသက်သက်ပဲဆို ကိစ္စမရှိဘူး... မဟုတ်ရင်တော့ ချိုးဟယ်... အ​ဖေ မင်းရဲ့ အကူအညီလိုတယ်.."

ချိုးဟယ်က ကြင်နာတတ်သည့် အဖေဟန်ဆောင်နေသော သူ့အဖေကို မော့ကြည့်ရင်း စိတ်ထဲမှ လှောင်ရယ်လိုက်ပေမဲ့ အပြင်ဘက်တွင်တော့ လေးစားသမှုနှင့် ကြည့်နေ၏။
" ပြောပါအဖေ... ကျွန်တော်ကူညီနိုင်တာမျိုးဆို အစွမ်းကုန် ကြိုးစားပါ့မယ်..."

တိဘီရန်က အားရဝမ်းသာနှင့် ကြည့်ရင်း သက်ပြင်းချသည်။
" မင်းက ကလေးဘဝထဲက ဉာဏ်ကောင်းခဲ့တာ...မင်းအမေလိုပဲ... အခု ဟွမ်ဒူမှာက ချင်လီ့ရဲ့ အမျိုးတွေ အတော်များနေပြီ.. မင်းပြောသလို အဖေလဲ ကူညီချင်ပေမဲ့ စိတ်ထင်တိုင်း လုပ်လို့မရတဲ့ အခြေအနေရောက်နေပြီ..ဒါပေမဲ့ အဖေ​ပြောလို့ရတာတစ်ခုက ဒါကိုကူညီပေးရင် သူတို့တွေအကုန်လုံးကို လက်စားချေနိုင်မှာ"

" ကျေးဇူးပါ အဖေ"
တိချိုးဟယ်က မျက်လုံးများရဲတက်လာရင်း ထပ်မေးလိုက်၏။
" ကျွန်တော့်ကို လာတွေ့တာ အန်တီချင် ဘာပြောလိုက်သေးလဲ... ဒါနဲ့ ကျွန်တော် အိမ်ကထွက်လာတုန်းက ချွန်းဟွာနေမကောင်းဖြစ်နေတာမလား.. သူရော သက်သာသွားပြီလား... ပြီးတော့ နိုင်ငံခြားမှာစာသွားသင်နေတဲ့ ရှားဆုန်းရော အဆင်ပြေရဲ့လား... ကျွန်တော့်ရဲ့ ကောလဟလတွေက သူတို့ကိုတော့ မထိခိုက်စေလောက်ပါဘူးနော်...."

တိဘီရန်က သူ့ကို မသက်မသာကြည့်သည်။
" ဒီကောင်လေး.... အခု ပြဿနာဖြစ်နေတာက မင်းလေ... အဲ့ဒါတောင်မှ သူတို့ကို တွေးပူနေရသေးလား... စိတ်မပူပါနဲ့ အဖေလာတွေ့တာ ဘယ်သူမှမသိဘူး.. ဒါနဲ့ ချိုးဟယ် .. မင်းတကယ်ပဲ မြို့ကနေ ထွက်သွားတော့မလား"

တိချိုးဟယ်က ခေါင်းညိတ်ကာ အားတင်း၍ ပြုံးလိုက်သည်။
" ဒါက အကောင်းဆုံးပဲအဖေ.. ကျွန်တော်က အဖေ့သားဆိုတဲ့ သတင်းက ပြန့်နေပြီ...အဲ့ဒီတော့ ကျွန်တော်နဲ့ပတ်သက်တဲ့ သတင်းတိုင်းက အဖေ့ကို ထိခိုက်နေတော့မှာ.. ပြီးတော့ ဟွမ်ဒူကိုရောပဲ.. အဲ့ဒါကို ကျွန်တော် မမြင်ချင်ဘူး.. ဦးလေးကျန်းက ဇာတ်ကားအသစ်တစ်ကားရိုက်မယ်တဲ့ ကျွန်တော့်ကို မင်းသားနေရာက ရွေးထားတယ် ရှိုးဝမ်နဲ့ ကျွန်တော်နဲ့ ဆက်ဆံရေးကရှိနေတော့ ကျွန်တော် ငြင်းလို့မရဘူး... အခုချိန်မှာ ဇာတ်ကားရိုက်ရင်း လူမြင်ကွင်းက ခဏပျောက်သွားတာ ပိုကောင်းမှာပါ"