صباح اخر ثقيل وكأنه سنه على قلوب كثير من العائلة
في بيت عمه هند جالسين في الصاله العمه حصه وهند وبناتهم يفطرون
نجد: الله ي ماما مابي ترجع الدوامات احب اجواء الصباح بالبيت
زينه: تكلمي عن نفسك ماصدقت اطلع من الثانوي ابي اداوم بكوب قهوة وايباد هرمت وانا انتظر
نجد: ايييه ماشفتي شيء من قرف الجامعه بتكرهين اللحظه الي مسكتي فيها ايباد
حصه: نجد وجع وش فيك على البنت حطمتيها خليها تنبسط
دق جوال هند وكان سيف ردت عليه: هلا حبيبي
سيف: هلا فيك كيفك؟
هند: الحمدلله بخير وانت؟ اصيل شلونها الحين؟
سيف: ماعلينا الحمدلله، وينكم ماجيتو؟
هند: والله ملينا كل يوم ببيت ابوي انا وحصه اجتمعنا ببيتي اليوم حياك
سيف: لا مااقدر اترك اصيل لحالها كنت بكلمكم تجون عندي نفطر
هند: كيف صارت اليوم؟
سيف تنهد: والله ياهند ماادري مقفله غرفتها ولا تبي تكلمني لااكلت ولا خلتني اتطمن عليها
هند: هونها وتهون سهالات ان شاءالله عطها وقتها وبترجع لك احسن بأذن الله
سيف: بأذن الله
هند: خلاص ترا انا وحصه بنزورك العصر عاد بكيفك اذا تبي تكلم احد يجي ولا تبي لحالنا
سيف: لا ماني عازم احد وضع البيت مايساعد للحين بس تعالوا انتوا حياكم
هند: خلاص براحتك الله يبقيك
قفلت هند ووجهت كلامها لحصه: ترانا بنروح لسيف العصر كلمني وواضح انه متضايق على بنته
زينه: كيف صارت؟
هند: للحين ماندري ماتبي تشوفه ولا تكلمه
نجد: ياالله مسكينه قطعت قلبي امس
حصه: الله يهديه بتّال والله قلب الدنيا امس
هند: الله يهديه بس، وانتو يابنات لاتتركونها وحيده كذا تراها بنتنا ومالها غيرنا من جت امي والعيال ضيقو الدنيا بوجهها
زينه: والله ياعمه نبيها بس هي كانها مو متقبلتنا
هند: ماراح تتقبلكم بيوم وليلة خصوصًا بعد تعاملهم معها عطوها وقتها
في بيت ابو فيصل .. تحديدًا شقة فيصل وانتصار
فيصل واقف يتبخر قبل يطلع دوامه
انتصار طالعه من الشاور: شربت قهوتك حبيبي ولا اجهز لك تاخذها؟
فيصل: لا تقهويت ، وش رايك نطلع الليلة نتعشى برا؟
انتصار: اي والله احس الدوام ماخذك مني
ابتسم فيصل وباس راسها: ماياخذني منك شيء خلاص تجهزي الليلة وبكلمك بموضوع بعد
انتصار: الله يستر من مواضيعك وش فيه؟
ضحك فيصل: مافي الا كل خير ماعليك يلا بطلع لااتأخر
انتصار ابتسمت بحب: الله معاك
اما عائلة ابو معاذ جالسين يفطرون عند الجد خليفه والجده عفراء
ووسط كلامهم المعتاد عن الشغل
ليان: جده للحين ماوافقتي تطلعين معي يوم التأسيس؟
الجده: ليان لو ماتفكيني من هالسالفه اسست لك سجن بالبيت يوم التأسيس
معاذ: اي والله ياجده خليها تنثبر اشغلتنا
ام معاذ: والله ياعمه تسوين خير ذهبي عليه خطر
ليان: ياجده يرضيك يستلموني وانا ابيك تنبسطين؟
الجده: تستاهلين حلاة البنت بحياها وركادتها مو طايره من مكان لمكان اثقلي واعقلي
لين بهمس: مليون مره اقول لك سوي الي تبينه وانتي ساكته
قاطع كلامهم دخول مُهره عليهم اول ماشافت معاذ طلعت بسرعه تحجبت ودخلت : صباح الخيير
ارتفع ترحيب الجد خليفه لها: هلا والله ببنتي هلا بمهرتي شيخة البنات
لين: لنا الله ياجدي
الجد خليفه: كلكم بناتي حبيباتي الغاليات الله لايحرمني منكم
ليان: كلنا بناتك بس ماترحب فينا كذا
مهره ضحكت وجلست جنب ليان: ياشين الحسد بس
الجده: سيف وراه ماجا يفطر؟
ابو معاذ: احد كلمه؟
الجد خليفه: مايبي له عزيمه ومكالمه يجي على طول
ابو معاذ: مايدري يايبه خلني اكلمه
اتصل ابو معاذ على سيف وقال له يجي يفطر معهم
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
