بارت٩
المغرب دخّلو الخيول ورجعو البنات للفيلا يتسبحون بعد ماركبوا الخيل
اصيل اخر وحده طلعت من الشاور ترجف: المويا ثلجج
لين: اييه هنا برد جففي شعرك
اصيل: احب اخليه يجف لحاله
ليان: اصيل ليه ماعلمتينا انك خيّاله من قبل
ضحكت اصيل: مو خياله عاد بس كنت افرغ ضغوط الجامعه بالحديد والخيل
زينه: وش تخصصك؟
اصيل: طب
زينه: ماشاءالله الله يوفقك
اصيل وقفت تبخر شعرها: صدق انتو وش تخصصاتكم ماقد تكلمتوا عنها
مهره: انا تخرجت ادارة اعمال بس مالي خلق اتوظف صراحه مفكره اكمل ماجستير
ليان: انا ادارة مخاطر والخطر الوحيد الي احسه الحين ان جيوبنا الانفيه بتلتهب من بخورك وعطوراتك
ضحكوا البنات وقالت اصيل: اذا ماصرت فواحه مااحس اني تسبحت بس خلاص لاتهاوشيني ماعاد بتبخر
نجد: اجل يلا خلونا ننزل نتقهوى انا مصدعه صراحه
نزلوا البنات كلهم لحوش المزرعه عند الكبار
اول ماجلسوا وفتحت مهره جوالها فتحت رسالة معاذ
عقدت حواجبها وناظرته
اول ماشافها معاذ فتح جواله ينتظر ردها
ارسلت له مهره: وش فيه بتال؟
معاذ: اوعديني كل الي بقوله لك يبقى بيننا مايطلع لأحد
مهره: وعد
معاذ: بتال يحب اصيل ولا عارف كيف يقول لها او يلمح لها لانها مو طايقته بعد الي سواه
مهره: مستحيل!
معاذ: اليوم هو قال لي
كمل معاذ كلامه: اعتقد حبك لبتال بيخليك تساعدينه وتلمحين لأصيل عشان تلين شوي عليه
مهره: بتال واصيل مستحيل يجتمعون بعلاقه افهمني😂!
معاذ: الحب يغير يامهره صدقيني بتال بيلين معها زي ماتغيرت انا وتجرأت اعترف لك
ابتسمت مهره لكلامه وقفلت جوالها ووجهها احمر
اصيل كانت حاطه رجل على رجل وجالسه على جوالها
الجده عفراء كانت تخز فستان اصيل الميد ورجولها الي طالعه
الجده: اصيل مارباك احد على الستر وعلمك ان عيب تجلسين بين العايله بهذي الملابس
اصيل بدون ماترفع عينها عن جوالها وبكل برود: لا
عصبت الجده من برودها ووقاحتها وخزت سيف: عاجبك؟ ورا ماتعلمها وتربيها؟
سيف انزعج من الي صار: امري يمه الي تبينه يصير
الجده رجعت وجهت كلامها مره ثانيه لأصيل: واذا مو عاجبتك عاداتنا وقوانين العايلة تقدرين ترجعين للمكان الي جيتي منه ولا تروحين لخوالك
نزلت اصيل جوالها وردت بنفس البرود وعينها بعين جدتها: تتوقعين انا جالسه قدامك وانا راضيه؟ لو بيدي ماقابلتك دقيقه وحده ورجعت لحياتي المريحه بعيد عنكم
الكل كان ملاحظ وقاحة اصيل مع جدتها مؤخرًا بس محد قادر يلومها بسبب محاولات الجده المستمره لاحراجها
سيف بنبره بان فيها الغضب من كلام امه: اصيل خلاص بابا
اصيل تأففت وقامت وتركت الكل يحاول يرقع الجو المشحووون
معاذ بهمس لبتال: حبيبة القلب مزاجيه مفلوته ولسانها طويل، الطيور على اشكالها تقع
بتال بابتسامه ماقدر يخفيها من قوة اصيل: انا كم مره اقول لك سد حلقك ماتفهم
مهره لاحظت نظرات بتال وابتسامته لأصيل وتأكدت من كلام معاذ
قام سيف ورا اصيل الي دخلت الفيلا: ماقدرتي تسيطرين على لسانك شوي؟
اصيل انفجرت بوجهه: اذا علمت امك انها مو وصيه علي واني مو ضرتها عشان تستقعد لي على الطالعه والنازله، بعدين لحظه انت جايبني هنا عشان الي عنده ضغوط وعقد يفرغها فيني الاقيها من تدخلاتهم ولا نظراتهم القذره؟؟ جبتني وانا مو راضيه تحمّل اي تصرف مني لاتتوقع تجيبني برضاك وتقمعني بعد
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
