ام معاذ: وش فيك جالس هنا؟
معاذ: باسل وبتال قالو بنطلع وشكلهم ناموا، ونواف جاني الحين
ام معاذ: الله يهديك نام انت بعد ارتاح
معاذ بضحكه: حراام عليك يمه خميس وتبيني انام؟
ام معاذ: والله اني داريه انت وخواتك وش يرجعكم البيت اليوم
معاذ: وينهم؟
ام معاذ: والله مدري قالو بيروحون يتقهوون
معاذ: طيب وش رايك نطلع انا وانتي بعد لاتجلسين لحالك
ام معاذ: صدقني اجلس لحالي ولا اتحمل الزحمه
معاذ: نروح مكان هادي
ام معاذ: لا حبيبي روح انبسط انت
طلع معاذ لنواف وركب السياره: سيارة بتال مو هنا يعني مو نايم
نواف: حتى انا اتصلت عليه مايرد
معاذ: مب طبيعي هالانسان
نواف: وين ودك نروح؟
معاذ: بكيفك اختار اي كوفي قهوتهم حلوه ماتقهويت زين اليوم
دخل بتال الكوفي يدور بعيونه وشاف شهد جالسه وتوجه لها
بتال: سلام
شهد الي ميييته توتر وخوف: وعليكم السلام
جلس بتال: وش تشربين؟
شهد: مب جايه اشرب شيء وش فيها اصيل
ناظرها بتال بحده: وانا مب جايبك اقهويك وبس اخلصي وش تبين
شهد تنهدت وهي سامعه بعناد بتال كثير: ايس امريكانو
طلب لهم بتال والتفت لها بيتكلم بس تورط! مايدري وش يبي، لايقدر يقول انه يبيها ومهتم لها ولا يقدر يرقع الموضوع خلاص
وترته نظرات شهد الي تنتظره يتكلم بفااارغ الصبر وقالت: لاتخوفني اكثر وش صاير؟
بتال: مو صاير شيء خليني اتكلم
ناظرته بأهتمام
تنهد وقال: ماادري وش فيها انا بعد بس اعرف انها مو بخير وقبل شوي شفتها رايحه بيتهم تبكي
شهد: ليه تبكي؟
بتال: ماأدري، انا مااقدر اكون جنبها بس انتي خليك معها وضعها مايطمن
شهد حست ان واجبها تخليهم يرجعون لبعض وقررت تحاول: اذا هي فعلًا تهمك المفروض انت الي تكون معها ماتطلب من احد يكون بمكانك
انصدمت من نظرات بتال الجاااامده والحاده لها وكملت بعدم اهتمام: لاتناظرني كذا، انت تركتها بالوقت الي المفروض توقف معها فيه، تدري اول مره اصيل تبعد عن ابوها؟ غير نفسيتها المتدمره من زواجه يعني
كمل بتال سكوته
وكملت شهد كلامها: اذا صدق تهتم لأصيل خليك قد كلمة انك تحبها وتبيها ووريها هالشيء هذي فرصتك وصدقني لو خسرتها مره ماعاد بتلاقيها ابدًا
قبل تمشي شهد تذكرت ورجعت جلست: وترا ماكانت تدري عن خطبة عبدالعزيز لما جت بتقول لك شافتك مبلكها
بتال حاول يسحب منها كلام: كيف ماكانت تدري والعايلة كلها تدري؟
شهد: ابوها قال لأم عبدالعزيز انه موافق وباقي ردها وهم توقعوها بتوافق وش دخلها تزعل منها هي؟ شوف عدد المواقف الي احتاجتك فيها وانت مو معاها
مهما حاول بتال يدّعي اللامُبالاه لكلامها كان فعلًا ندماااان من تصرفاته الأخيره معها
شهد: عمومًا اكيد انا مابتركها وبكون معها
بتال: يعطيك العافيه
شهد: الله يعافيك، طلعت بتروح لأصيل وانصدمت بوجود باسل عند سيارتها عيونه حمرااء مليانه غضب ودموع وعتاب بس اكتفى بأنه يناظرها بحسره ويمشي
لحقت وراه شهد مسكت يده: باسل تعال بتكلم معك
دفها بقوه وقال: هذي صديقتك الي كنتي عند بيت خوالي عشانها؟؟
شهد دموعها بدت تنزل: لاا وربي انت مو فاهم
باسل: انا ماكنت فاهم وتوني افهم، انتي ماتستاهلين اي شيء سويته عشانك ولا تستحقين اكون بحياتك حتى، مشى وتركها
ركبت السياره وحركت وهي تبكي وتفكر كيف تحل مشكلتهم
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
