صحت اصيل من النوم مصدعه وراسها ثقيل بعد ليلتها الصعبة كثييير ، جلست على سريرها واخذت ريموت المكيف طفته تمغطت ومسكت جوالها وحصلت رد من رعد
" اهلين حبيبتي ، ماعليك كل الأوقات مناسبة خليك جاهزه قبل العصر ان شاءالله امرك عشان تقضين اليوم عندنا "
ابتسمت وقامت اخذت شاور وبدت تتجهز وهي متوترره وتفكر ب ردة فعلهم وهل راح يستقبلونها بحُب او لأ ، اتصلت على شهد وحطت الجوال على الطاولة وبدت تحط ميكب
ردت شهد: ياهلاا بحب حياتي
اصيل: اهليين شهودي طمنيني عنك
شهد: اصيل حلقك يعورك زيي؟
ضحكت اصيل: من الصراخ والبرد احسه مجرووح
شهد: حتى انا من صحيت أشرب اشياء ساخنه
اصيل: قدامك العافية ياقمري
شهد: وش تطقين فيه انتِ ازعجتيني
ابتسمت أصيل: جالسه اتجهز بروح لخوالي
شهد: وكيف المعنويات؟
أصيل: اف ماأدري شهد احس اني متوتره وخايفه يكونون نفس ردى اعمامي
شهد: واذا طلعو اردى منهم ماقامت الدنيا ولا قعدت ماتعرفينهم ولا انتي مضطره تواجهينهم كل يوم
سكتت اصيل شوي: مفكره اعيش عندهم شهد
شهد بأنفعال: اييشش! اصيل انتي وش فيك تتخذين قراراتك بهذي السرعة وبدون تفكير
دمعت عيونها: تدرين ليه بابا اتصل وقال لي ارجع امس؟
شهد: ليه؟
اصيل: واصلته صورة وانا بحضن بتال! تخيلي ان انا وبتال قدام كل اعمامي وجالسين يحاسبوننا!
شهقت شهد: وش صار؟
اصيل: فصلت على بابا شوي وخلاص انقلب الموضوع لصالحي احس ، الحمدلله جتني القوة وقدرت اتكلم لاني خففت بالبداية
شهد: وبتال وش سوا؟
اصيل: وانتي تنتظرين تصرف من هذا البليد؟ قال غلطه وتبنا عنها
شهد: يييعع يع اقسم بالله الغلطه الوحيده انك حبيتيه وش شوفة النفس هذي قطيعه
ضحكت اصيل: ماعلينا منه الحين ، صدق انا ماعاد اتحمل جنون وتناقضات بابا ولا أتحمل بتال المريض ولا اعمامي ولا بيتهم خصوصًا بعد الي صار لاأتكلم لك عن الضغط الي راح اعيشه
جلست شهد على الكنبه وبدت تفكر وتتكلم بجديه: طيب أسمعي ، خلينا نقول انهم اشخاص كويسين كيف بتفتحين مع ابوك موضوع انك تبين تبقين عندهم؟
اصيل: اصلًا رعد قال لي ودك تبقين عندنا؟ ف احس لو صرت ابي هو بيتصرف مع بابا
شهد: ولو ماطلعو كويسين وش خيارك الثاني؟
تنهدت اصيل: ماأدري ، لو وصلت حدي منهم راح ارجع لندن بدون مااسأل ورا رضا بابا
شهد: لا ، لو صحّت مخاوفك ومارحتي لخوالك ناخذ انا وانتي الشقه الفاضيه ببيتنا نأثثها ونجلس فيها
اصيل: شهد مستحييل ماراح ابقى في بيت احد! امك واهلك مب مضطرين يستقبلوني ببيتهم عشان الي انا عايشه معهم مب صاحيين
شهد: اصيل انتي تدرين ان امي تعشقك مره وراح تفرح لو جيتي عندنا
اصيل: والله حتى انا احبها ياشهد بس لا ابدًا مو ضمن خياراتي اني اعيش عند احد
تنهدت شهد: طيب خلاص انا مابخليك لو سمحوا اهلي بنستأجر شقه انا وأنتي لكن مابسمح لك ترجعين لندن
ابتسمت اصيل ودمعت: راح تبكيني من كثر ماأحبك
ضحكت شهد: يووه اصيل لاتقلبينها دراما
الساعه ٣ اتصل رعد على بتال
رد بتال وهو يلهث: هلا
رعد: بسم الله عليك وش فيه صوتك؟
ضحك بتال: بالنادي
ابتسم رعد: يلا ياوحش كمل تمرينك
بتال: لا تعال وش كنت تبي امرني
رعد: ابد والله كنت بمر بيتكم وبشوف لو كنت موجود
بتال: انا خلصت تمرين بتسبح ربع ساعة واكون بالبيت
رعد: حلو نتقابل هناك اجل
نزل بتال سماعته ودخل دورة المياة فتح المويا ووقف تحتها وهو يفكر معقول رعد عرف ب الي صار امس وعن علاقته بأصيل ويبي يتكلم معاه؟ تأفف من هذي السالفة الي مايدري من وين طلعت له وكمل شاور اخذ اغراضه وطلع لسيارته متوجه للبيت ، وهو داخل قال للعاملات يجهزون مجلس الرجال وقال للقهوجي يجهز القهوة ودخل بيتهم شاف امه ومهره بالصاله
باس راسه امه وجلس: مساء الخير
ام فيصل ومهره: مساء النور
ام فيصل: وين كنت؟
بتال: بالنادي
ام فيصل: ماتفكر ترجع تفتح مكتبك وتشتغل؟
بتال: ويين يمه بعد الي صار مستحيل
ام فيصل بأستغراب: وش الي صار؟
تورط بتال وتذكر ان اهله مايدرون ولحسن حظه اتصل عليه رعد يبلغه انه وصل
وقف بتال: رعد وصل بطلع له ، تجلسون بالعافية
التفتت ام فيصل لمهره بحده: تعرفين وش الي صاير معاه؟
تورطت مهره وبان على ملامحها: شدعوه يمه كيف بعرف يعني ماتدرين ان بتال مستحيل يتكلم
ناظرتها ام فيصل بشك ورجعت تناظر المسلسل
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
