في الليل وقف بتال يناظر تصوير الكاميرات بضيق وهو يفكر لو الي فبالهم صح وش الي بيشفي غليله وقهره على باسل؟ وش بيسوي فيهم عشان يقدر ينام يرتاح؟
انتبه لسيارة فيصل الي وقفت وقت طويل ومانزل منها احد وراح له بتال
وقف عند شباك سيارة فيصل وطقه
فتح فيصل الباب نزل له وهو يكلم ومبتسم: هلا بتال
بتال: وش فيك تأخرت مانزلت من السيارة جيت اتطمن عليك
فيصل: مافيني شيء بس كنت اكلم الحين جاي
سمع بتال صوت بنت من جوال فيصل تسأله لو مشغول
بتال طاارت عيونه بصدمه: تكلم بنات وانتصاار على ذمتك؟؟
قفل فيصل جواله بسرعه قبل تسمع البنت وخزه: شفيك انت؟ صارخ خلي الجيران يسمعون بعد
بتال: مستحي من الجيران لكن مااستحيت من نفسك
فيصل سند ظهره للسيارة وتكتف: ايه صحيح انت شايف انتصار بحياتي وانا جالس اخونها
بتال: مو عشانها مو ببيتك يحق لك تكلم غيرها، اذا براسك طيش ماطاح طلقها وسوي الي تبيه
فيصل مسك راسه بقل صبر: بتال انا مو مضطر اوقف عمري على انسان بايعني ولاتتكلم كأن ابوي بيسمح لي اطلق بنت اخته ف لاتشغلني
بتال باستهزاء: وتخونها؟ هه جبان
دخل للحديقه واتصل على نواف
نواف: هلا بتال
بتال: وينك؟
نواف: توني طالع من البيت بروح دانكن اخذ قهوة
بتال: حلو مرني
نواف: يلا تراي قريب
قفل وجلس ينتظر وخلال انتظاره طلعت اصيل
ناظرها باستغراب: وين بتروحين؟
اصيل بمزح: ودك نتهاوش؟ ماحب احد يسألني
بتال بجديه: لا جد ماسمعتي ابوي واعمامي وش قالو؟
اصيل عقدت حواجبها باستغراب: وش قالوا؟
بتال: اذا مافي شيء ضروري محد يطلع
اصيل بنظرة استهزاء: وليه؟
بتال: شاكين ان احد يترصد للبيت وصدمة سيارتك تحذير
اصيل: يوه كلام، شهد تنتظرني بطلع لها
عصب بتال لأنه واصل مرحلة يبي يحمي كل احد بالعايلة بس مابيده شيء، تنهد وطلع وراها لنواف
اول ماطلع قالت اصيل بابتسامه: وش الأهميه الي خلتك تقابل نواف الحين
ضحك بتال رغم عصبيته لانه برضو طالع: اخاف عليك اكثر من خوفي على نفسي
اصيل وهي رايحه لشهد: خاف على نفسك لو تبي ارتاح
ركب سيارة نواف وهو مبتسم ونواف متنح بوجهه مصدوم
بتال التفت له واستغرب: خير؟
نواف: هذي حبيبتك؟
بتال: ايه!
نواف: كيف تتكلم معها عند باب البيت؟ لو شافك ابوك؟
بتال تنهد وسند ظهره: عادي محد بيحس بشيء يحسبونا نتهاوش
نواف بعد ماحرّك: لاتفهمني غلط، بس ماتوقعت بترضى حبيبتك تطلع كذا
ضحك بتال: حتى انا ماتوقعت بس يخرب بيتها ياقو ابليسها مايقدر عليها الا ربها
ابتسم نواف: يلا شكل مابيروضك ويفكنا من جنونك غيرها
بتال: حشم وسد فمك لااتوطاك
نواف: معاذ وينه ماجا؟
بتال: تصدق نسيت اكلمه
نواف: كلمه قبل نبعد
اتصل بتال على معاذ
بتال: وينك؟
معاذ: بالبيت ليه
بتال: انا ونواف طالعين نمرك؟
معاذ ناظر ابوه بزنقه: لا
بتال: ليه وش عندك
معاذ: جالس مع اهلي
ضحك بتال: اها مزنوق من ابوك، خلاص تمام
ضحك معاذ وقفل
أول ماقفل وصلته رسالة من مهره: ادق جوالك مشغول مع مين؟
معاذ: دق علي بتال
مهره: اها
استغرب معاذ: وش فيك؟
مهره: ولاشيء
طلع معاذ لغرفته ودق عليها: وش فيك حبيبي
مهره بصوت زعلااان: مافي شيء
معاذ: الا فيه شيء قولي لي
مهره تنهدت: متى اخر مره كنت بعلاقه قبلي؟
معاذ باستغراب: اكثر من سنه، ليه؟
مهره: ومين الي مغرقين بعض هدايا انت وهي؟
معاذ يحاول يستوعب: انا؟ مين الي اهديتها
مهره ارتفع صوتها: ايه انت؟ تتوقع انك بتستغفلني بسهوله يعني؟
معاذ بهدوء: مهره لاترفعين صوتك، قولي لي وش صاير خليني افهم
مهره: مايحتاج تفهم المهم انا فاهمه
معاذ بقل صبر: اسمعي ترا ماني ناقص اي نكد هالفتره شايفه علي شيء تكلمي واتركي هالحركات
مهره بحده: فوق انك غلطان تقول مب ناقصك نكد؟ اسفه بس ذكرني المرات الجايه قبل اكلمك اتذكر اني مصدر نكد بالنسبة لك
معاذ بحده وقل صبر: لاتقوليني كلام انا ماقلته!! اقولك تكلمي قولي وش صاير
مهره باستفزاااز وعصبيه كاتمتها من ساعات: الي صاير انك ماتستاهلني حبيبه لك وانا اكثر من اني اكون مع شخص يلعب من وراي ويستغفلني، اذا صرت رجال ووعيت على نفسك وتصرفاتك لاتتوقع اني بكون انتظرك
قفلت بوجهه وتركته بصدمه، كييف تشكك برجولته وتتهمه كل هذي الاتهامات وتقفل عادي؟ انجن من العصبيه وجلس يهز رجله بسرعه ويحاول يستوعب كلامها
اما مهره قفلت وبكت وهي عتباااانه على نفسها كيف اول شخص تسلمه قلبها تنصدم فيه كذا؟ حبيب طفولتها الي استسلمت لمشاعرها قدامه اكتشفت فجأه انها مو الوحيده بحياته
سمعت صوت ابوها معصب ويهاوش مسحت دموعها وطلعت له: وش فيك يبه؟
ابو فيصل بعصبيه: الزفت الي مايفهم اليوم محذرهم محد يطلع والحين طالع ومايرد
ام فيصل: بشويش عليهم يامنصور والله نفسياتهم متدمره العيال مهما كابرو خلهم يريحون شوي
ابو فيصل: نفسياتهم تعبانه على خسارة واحد ينثبرون شوي قبل نخسرهم كلهم قلنا اصبرررو نشوف وش صاير ماهي فوضى!!
مهره باستغراب: ليه وش صاير؟
ابو فيصل انتبه لكلامه: مو صاير شيء بس سواقتهم طايشه، طلع برا وهو يتصل عليه ويتأكد من وجود معاذ وفيصل
مهره ناظرت امها: صاير شيء؟
ام فيصل بشك: ماقال شيء بس عصبيته على طلعتهم تدل ان فيه شيء
قاطعهم دخول ابو فيصل وقال: حتى سيف مايرد بسأله عنهم
مهره: اصبر ادق على اصيل تقول له يرد
راحت غرفتها كلمتها ورجعت لأبوها: طالعه ماتدري وين عمي سيف
ابو فيصل بصراخ: بععد؟؟ ابلش بمين ولا مين انا الموضوع مو عناااد
ام فيصل: خلاص اهدأ لاتسوي بنفسك كذا مايسوى الموضوع
ابو فيصل تنهد بعصبيه: يجون اليوم ويصير خير من سيف للعيال
رجعت مهره لغرفتها تحاول تنام
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
