صحت اصيل الصباح على المنبه وقامت بتداوم لكن لما وقفت وداخت تذكرت انها تعبانه وماتشوف كويس ورجعت نامت
صحى بتال تسبح ولبس ثوبه وشماغه ووقف يتبخر
نزل وشاف ابوه وامه بالصاله: صباح الخير
امه وابوه: صباح النور
ام فيصل: تعال تقهوى وافطر قبل تطلع
بتال: عطيني فنجان بس
شرب قهوته وهو واقف وطلع لمكتبه
كذلك سيف صحى وتسبح ووقف قدام المرايا يتعطر
صحت مريم وابتسمت لما شافته: صباح الخير
قرب وباسها: صباح النور
مريم: تفطر؟
سيف ابتسم بخبث: اذا انتي فطوري ايه
ضربت مريم كتفه وضحك: لا باخذ قهوتي واطلع مابي اتأخر
ركب بتال سيارته وشاف فيصل طالع ببدلته العسكريه
فتح الشباك وابتسم: يبدو لي ان الرائد فيصل انتهت اجازته
فيصل ضحك: المفروض هذي اشارة ان الاخلاق سيئه لاتحارش
بتال: حشى ماحارشت، بالتوفيق
ركب فيصل سيارته: وياك
الظهر نزلت مهره وشافت امها تفطر باست راسها وجلست معها
ام فيصل: تعالي افطري
مهره: لا بنتظر اخواني يجون واتغدى معهم
ام فيصل: يتأخرون افطري اول
مهره: لا مابي بنتظرهم
بعد صمت قالت ام فيصل: اقنعي بتال يغير رايه عن اصيل
مهره: ليه يمه حرام عليك البنت كويسه
ام فيصل: والله البنت كويسه مافيها شيء بس ماتناسبه ادري، بعدين بتكبر المشاكل بينهم وتصير بين العايلة يكفي فيصل
مهره: هو شايف وعارف ومع كذا اختارها وشايف انها تناسبه او يقدر يغيرها ماتدرين
تنهدت ام فيصل: الله يصبرني بس
ارسلت مهره لبتال الي صار بعدها قالت له: اذا كلمتك بالموضوع قول لها انك مابتتزوج غير اصيل صدقني بتوافق كذا
دخل ابو فيصل للبيت بعصبيه: مين دخل البيت اخر الايام؟
ام فيصل: بسم الله، محد غريب
ابو فيصل بغضب: مين دخل بالضبط
ام فيصل بتوتر: ماأذكر يعني متى! خواتك وبنات اخوانك بس
جلس ابو فيصل مسك راسه بغضب: طالع من عندي شيك بقيمة ٤ مليون وشوي ودفتر الشيكات انا تاركه بمكتبي هنا
مهره: طيب شوف الكاميرات مين دخل مكتبك
راح ابو فيصل بسرعه لشاشات الكاميرات
ام فيصل ناظرت مهره بخوف: الله يستر
بعد ثواني وصلهم صوت ابو فيصل مععصب: كسسر ان شاءالله
رجع لهم يهاوش: انا مركب الكامييرات زينه كل يووم مفصوله وش هالاستهباال مين الي لاعب فينا كذا!!
ام فيصل طبطبت على كتفه: اهدأ خلاص، بلغ الشرطه وان شاءالله حقك بيجيك
مهره جابت له دواء الضغط: صدق يبه بلغ لاتسوي بنفسك كذا
اخذ الدواء وجلس يهز رجله بعصبيه وجنبه ام فيصل ماسكه يده تهدّيه
ابو فيصل: وش اقول لابوي وش اقوول له هذا شغله وحلاله
ام فيصل بحنيه وهي تمسح على ظهره: انت ماأهملت بشيء مسكت حلاله واشتغلت فيه كأنه حلالك وبكل موضوع وارده الاخطاء والمواقف والخسارات عادي روح قول له الي صار وقول أنك بتبلغ وبشغلك بتعوض الي راح
ارتاح ابو فيصل شوي من كلامها: بنام واذا صحيت اروح له
ام فيصل: ماراح تقدر تنام بتتعب من التفكير، روح الحين وانا معاك تكلم مع عمي صدقني بترتاح وتقدر تنام
اقتنع ابو فيصل بكلامها وقاموا لمجلس الجد خليفه
دخل ابو فيصل: السلام عليكم
الجد والجده: وعليكم السلام
ابو فيصل جلس: اشوفكم لحالكم
الجد: الناس بدواماتهم
ابو فيصل بتوتر: يبه صار شيء بالشغل
الجد بأهتمام: وش صار عسى خير
ابو فيصل: مشكلة وان شاءالله بتنحل، مصروف شيك بمبلغ كبير ولا أدري من وين انا متأكد ماوقعته
الجد: كم المبلغ؟؟
ابو فيصل: ٤ مليون وشوي
الجد بغضب: وش هالفوضى؟ كلمت البنك؟
ابو فيصل: كلمتهم وببلغ الشرطه الحين لأنها سرقه
عصب الجد مره: البنك لازم يعرفون الشيك وين انصرف ومين صرفه الدنيا ماهي فوضى
ابو فيصل باحراج: اعذرني يبه والله ماأدري شلون صار كذا
الجد: انا ماألومك يامنصور انت اشتغلت على اكمل وجه بس الحين لازم نعرف هالتفاصيل
ابو فيصل: ابشر ماراح اغفل عن اي شيء
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
