المغرب اتصلت شهد على نواف
نواف: اهليين شهد
شهد: هلا نواف كيفك؟
نواف: الحمدلله وانتي؟
شهد: بخير ، بتال عندك؟
نواف: لاوالله مارجع باقي
شهد: مداوم؟
نواف: ايه اتذكر انه مداوم وش فيك
شهد: اصيل قالت لي اسألك من الظهر مختفي مايرد عليها
استغرب نواف ونغزه قلبه: خلاص بشوفه وأرد لك
قفل منها واتصل على بتال جواله مقفل ، اتصل على معاذ
معاذ: هلا
نواف: متى اخر مره كلمت بتال؟
سكت معاذ يفكر: الصباح رد على الستوري سناب
نواف: مارجع للبيت وجواله مقفل وشهد دقت تسألني يقولون مختفي من الظهر
خاف عليه معاذ مره: بسم الله، طيب بروح لمكتبه الحين اشوف
نواف: يلا حتى انا اشوفك هناك
اخذ معاذ جاكيته وطلع بسرعه
دخل سيف بيته وشاف هند ومريم يتقهوون
سيف: اووه هند عندنا
هند: اييه ماأتذكر اخر مره قلت عندي اخت ازورها ببيتها ف قررت اجي انا انكد عليك
ضحك سيف: اف وش هالنكد ياربي الواحد يدخل بيته بيرتاح
حذفته هند بالمخده: وقح
جلس سيف: كيف صار غيث؟
مريم بدون ماتناظره وبأسلوب مستتفز: كثر الله خير هند جت تصرفت
خزها سيف لحظه وشال عينه عنها
حست هند بتوتر الموقف: عاد انا برجع البيت نكدت على سيف اقدر اروح مرتاحه
سيف: والله ماترجعين تغدي معنا
هند: اي غداء ياحبيبي الناس مغرب
سيف: مالك شغل احنا هذا وقت غدانا
مريم: صدق ماراح تروحين قبل تتغدين معنا
طلع سيف غرفته وبعد مابدل وغسل راح لغرفة اصيل طق الباب
اصيل: ادخل
دخل سيف وشافها على مكتبها تذاكر: كيفك حبيبي
اصيل: كويسه وانت؟
سيف: الحمدلله ، انزلي تغدي معنا عمتك هند هنا
اصيل: بالعافيه عليكم
سيف: اصيل متى اخر مره نزلتي اكلتي معي؟ شدعوه اشتقت اكل معاك
تضايقت اصيل من ضغطه عليها لانها ماتطيق تجلس معهم: طيب بنزل
نزل سيف وكان الاكل جاهز على الطاولة ، جلس مع مريم وهند وبعد دقايق نزلت اصيل وراه
سيف: هلا والله، مابغيتي تفتحين نفسي للاكل
ضحكت اصيل: شدعوه بابا لاتبالغ
سيف: لاوالله مابالغت كم لك ماأكلتي معي
هند: لايكون مزعل بنتنا ياسيف؟ ترااها ماتهون علي
سيف: ولا يهون علي ازعلها تطمني
ابتسمت اصيل واكلت بهدوء وكل تفكيرها ببتال وخوفها اكثر ان حتى نواف مايدري عنه
بعد ماوصل معاذ وشاف نواف بسيارته قدام المكتب وقف سيارته وركب مع نواف
معاذ: وش صار؟
اشر له نواف على المكتب: زي ماأنت شايف مقفل
سكت معاذ شوي: وش نسوي؟
نواف: نكلم ابوه؟
هز معاذ راسه برفض
نواف بحده: وش نسوي اجل؟
معاذ: عمي سيف؟ فيصل؟
نواف: كلمهم
اتصل معاذ على فيصل اول وبعد لحظات رد فيصل وبعد السلام والمقدمات
معاذ: متى اخر مره كلمت بتال
تنهد فيصل: العصر تقريبًا
معاذ: وينه؟؟
فيصل: مسجون
معاذ بصدمه: تستهبل؟
ناظره نواف بخوف: وش فيه
فيصل: لاوالله مااستهبل ولاتقول لأي احد مايبي احد يدري
معاذ: ليه؟
فيصل: فيه شيكات واوراق مزوره بمكتبه
عصب معاذ: مايسويها!
فيصل: ادري انه مايسويها بس الناس مايدرون
معاذ: وين طيب؟
فيصل: بتأكد اذا نقلوه او لا وابلغك
قفل فيصل وسكت معاذ تحت الصدمه
نواف بعصبيه: يخوي انطق تكلم وينه
معاذ: مسجون
خاف عليه نواف: ليه
قال له معاذ السالفه وبعد مابلغهم فيصل بالمكان توجهوا له وهم ساكتيين ومصدومين
دخلوا وطلبوا يقابلونه وخلال دقايق طلع لهم بوجه أسووود من الهم الي شاله على ظهره الايام الاخيره وجلس قدامهم بنظرات جااامده
نواف: سلاامات وش صاير
حرك بتال اكتافه ب ماأدري
معاذ: لازم احد يدري عشان نقدر نطلعك
بتال بهدوء: اذا كل الااحتمالات تقول ان ابوي الي ساجني مين بيطلعني؟
نواف: اي احد ماتجلس هنا بتال
بتال: اتركوني لاتتكلمون كأنكم ماتدرون وش صاير ، فيصل بيحاول وهو الشخص الوحيد الي ممكن يقدم لي شيء
معاذ: عمي سيف محامي اكيد له معارف
ضحك بتال بخيبه: عمي سيف مصدق الموضوع
معاذ: مستحيل والله انه واقف معاك
بتال: معاااذ! رفض يزوجني اصيل ومافيه مبرر ثاني لرفضه
ناظره نواف بصدمه: كلمته ورفضك
بتال: تكفون مافيني حيل اتكلم افهموني ، بلغوا اصيل بس وقولوا لها ماتقول لأحد
نواف: خلاص ابشر واحنا بنسوي اي شيء نقدر نسويه مابنتركك هنا
وقف بتال: لاتحاولون مابيدكم شيء انا عارف ، بدخل انام
رجع بتال قبل يسمع منهم رد ماكان يبي احد يشوفه بهذي الحالة وهو جددًا مكسور من ابوه
وطلعوا نواف ومعاذ بضييق على حاله وبدون اي حوار بينهم كل واحد يفكر وش يقدر يسوي
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
