مساء يوم الخميس بعد الظهر
دخل سيف بيته بعد الدوام وكانت مريم تتقهوى في الصاله
سيف: مساء الخير
مريم: مساء النور
سيف: كيف تجهيزات العشاء؟
مريم: كل شيء تمام لاتشيل هم بس أكد على المطعم يوصلونه بالوقت
سيف جلس جنبها وباسها: الله لايحرمني
مريم ابتسمت: ولايحرمني منك
سيف: اصيل متى رجعت من دوامها؟
مريم: ماداومت والعامله تقول صديقتها نايمه عندها
سيف باستغراب: فيها شيء؟
مريم: ماأدري والله، يلا بدل عشان تتغدى
قام سيف لغرفته يبدل
صحت اصيل من النوم وشافت شهد صاحيه على جوالها
اصيل بصوت ناايم: ليه ماصحيتيني معك؟
شهد: توني صحيت
اصيل: حلمت اني راكبه فرس بيضاء، اليوم بابا بيسجلني بنادي فروسيه قبل اموت
ضحكت شهد: صحصحي شكلك تكلميني من الحلم
اصيل: بقوم اتسبح اطلبي لنا فطور
شهد: وش رايك نطلع ناكل برا
اصيل تأففت: عندنا عشاء اليوم مادري وش سالفته مابي اطلع
شهد عقدت حواجبها: ليه ماقلتي لي
اصيل جلست على سريرها تحاول تصحصح: واذا قلت لك؟
شهد: عشان ماأجي
اصيل خزتها: شدعوه تراك بالارض مب فوق روسنا! بعدين مابتروحين ترا اجلسي بغرفتي ونجي انا والبنات عندك
شهد: لااا اصيل تكفين فشله
اصيل: البنات كويسين والله بتنبسطين معهم خلااص فكي من جو الكئابه شوي
شهد: لا مابي
اصيل وهي قايمه للشاور: وانا قلت مابتروحين
دخل بتال للمجلس عند امه وجده وجدته
بتال ابتسم: ابشركم المكتب صار جاهز ويوم الأحد افتحه بأذن الله
الجد فز له بفرحه: مبررووك ياولدي مبرووك
الجده ابتسمت: تستااهل وانا امك تعبت ووصلت ماشاءالله
ام فيصل قامت حضنته: الله يبارك لك حبيبي وشايف على وجهه الخير يارب
باس بتال راسها وتوجه لجده وجدته يبوس راسهم: الله يبارك فيكم جميعًا، ابوي وينه ابي ابشره
ام فيصل: باقي مارجع
بتال: خلاص اجل بنتظره لحد يقول له
راح بتال لبيتهم يدور مهره وفيصل، شاف مهره بالمطبخ تسوي قهوة ودخل لها
بتال: مابتباركين لي يعني؟
مهره بدون ماتناظره: على وش؟
بتال ابتسم: مكتبي جاهز وبفتحه الأحد
شهقت مهره بفرحه وحضنته بقوه: اخيييرًا مبررروك تستاهل كل خير والله
بتال حضنها وهو يضحك: الله يبارك فيك
مهره: بكره عازمتك ترا ياويلك ترتبط بشيء
بتال: يااقلبي ماتقصرين والله، فيصل وينه؟
مهره: ماشفته يمكن في بيته او مداوم
بتال: تمام سوي لي قهوة معك اجل
مهره: يلا انتظرني بالصاله
طلع بتال للصاله وفتح جواله ارسل لاصيل: مابتباركين لي بأول خطوة مهنيه لي؟
طلعت مهره اعطته قهوته وجلست قدامه: بتجي لعشاء عمي سيف اليوم صح؟
بتال: ايه
مهره: ماعزم احد غير العايلة؟
بتال: لاا هو مسوي العشاء عشان كلنا نكون مع عمتي حصه ماراح يعزم ناس اكثر وننشغل فيهم
وصله رد اصيل: علمني ايش خطوتك الاولى وببارك لك فيها
كتب لها بتال انه بيفتح مكتبه
اصيل لشهد: شهد بتال يبشرني بيفتح مكتبه ابارك له وبس؟
شهد: باركي له، بس مو بمبروك
اصيل عقدت حواجبها: كيف؟
شهد: بوسه، حضن، سهره
اصيل طيرت عيونها: لا هذا بيفلها كل يومين حضن
شهد حركت كتوفها ب لامُبالاه: عوديه عشان الحرمان يكون اقسى
اصيل ابتسمت وكتبت له: ببارك لك، لكن بطريقتي
بتال حاول يخفي ابتسامته: وش طريقتك؟
اصيل: بالوقت المناسب بتعرف
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
