رجعت اصيل بعد يومها الحافل ونامت على طوول ، كأنها شخص ركض عمره كامل واليوم اول مره ينام مرتاح بعد عمر من التعب
وجا الصباح أعلن بداية يوم جديد وكلًا اتجه لدوامه وابتدأ الأسبوع بشكل جدًا روتيني
الظهر نزل معاذ من غرفته بسرعه وينادي امه بصوت مرتفع
طلعت امه من المطبخ بسرعه بخوف وجت ليان من الصاله: وش فييك؟
ابتسم: قبلوني ارامكو
فزت له بفرحه وحضنته: مبرووك ياحبيبي الله يوفقك ويجعلها بداية خير لك
باس راسها: اللهم امين الله يبارك فيك
حضنته ليان: ياعمريي معاذ تستاهل كل خير والله مبروك
معاذ: الله يبارك فيك حبيبتي ، وين لين؟
ليان: بالجامعة
معاذ: بروح ابشر جدي وجدتي
ام معاذ: يلا وارجع عشان تتغدى
طلع من البيت واتصل على مهره ردت وصوتها ناايم: همم
معاذ: صحيتك حبيبي؟
مهره: عادي
معاذ: صحصحي معاي بقول لك شيء
مهره: وش فيك
معاذ: قبلوني ارامكو
فزت مهره بفرحه: احللف معاذ
ضحك معاذ: والله ياروح معاذ
خبت وجهها بالمخده صارخت بفرحة ورفعت راسها: مبرووك حبيبي والله انك تستحق هذا المكان وأفضل منه بعد
ضحك معاذ بقوه من صراخها: والله ان أفضل مكان بالنسبة لي هو المكان الي يجمعني فيك .. وفقط
ابتسمت مهره: أحبك كثير
معاذ: وانا أحبك اكثر ، تسمحين لي اقفل حبيبي بروح ابشر جدي
مهره: خذ راحتك ، انا بقوم اصحصح بعد
اتصلت شهد على اصيل
اصيل: هلا حبيبي
شهد: اهلين عسولي خلصتي دوامك؟
اصيل: ايه بطريقي لبيت
شهد: وش رايك نطلع نتغدى عندي سواليف بقولها لك وابي أعرف وش صار معاك
اصيل: مع ان فيني نوم بس كم شهودي عندي؟ تم
شهد: اعشقك ، وين؟
اصيل: رونالدوز بيتزا؟ اشتهيته فجأه
شهد: يلا تم ماهوب بعيد عني
اصيل: حتى انا هذاني حول التخصصي بنتظرك هناك
وقفت اصيل قدام المطعم تنتظر شهد وبعد عشر دقايق وصلت
نزلت اصيل من السيارة وجت شهد حضنتها بقوه: طمنيني عنك وش صار معاك
ابتسمت اصيل وتنهدت: ااهه ياشهد الحمدلله
شهد: ابي ديتيييلز
اصيل: يلا خلينا ندخل وبسولف لك
دخلوا المطعم طلبوا وجلست اصيل تتكلم لشهد عن الي صار عند خوالها وهي متحمسه ومبسووووطه
شهد: ياربي اصيييل احس راح ابكي مره ارتحت انهم كويسين معاك
اصيل: شهد نظراتهم لي مليانه حب مليانه لهفه ماتصدقيين الي شفته الا لما تشوفينه بعينك
شهد: طيب اخذتي قرار؟
اصيل: لا
شهد: خلاص خذي وقتك وانتظري تتعرفين عليهم اكثر وقرري ، وتأكدي اني معاك بكل قرار تختارينه الا انك تسافرين
اصيل: ياكثر الحب ياشهودي ، علميني وش صار معاك انتي؟
ابتسمت شهد بأحراج: قابلت نواف امس
انفعلت اصيل وأرتفع صوتها: اييشش!
فزت شهد حطت يدها على شفايف اصيل: صووتك
ضحكت اصيل: سوري انفعلت ، ليه قابلتيه؟
شهد: الصدق نفسيتي كانت تعبانه مره ومضغوطه وأحتجت اشوفه
اصيل: اهم شيء سويتيها بكامل ارادتك ماضغط عليك؟
شهد: لا بالعكس انا راضيه
اصيل: شهودي والله أبيك تسوين الي يبسطك ويريحك لكن انتبهي على نفسك ، صدق اني كنت اشوف بتال وسويت هالشيء بس اخاف عليك اكثر من نفسي شوفيني كيف تورطت قدام اهلي الحين
مسكت شهد يدها: اف أحبك موت والله لاتخافين مابيصير شيء ان شاءالله
اصيل: طيب كيف كانت طلعتكم؟
ابتسمت شهد وبدت تتكلم وملامحها مُحرررجه مره وهي تسترجع الي صار
اول ماشاف نواف سيارة شهد وقفت وراه نزل من سيارته وبيده كوبين قهوة
ناظرته شهد بتوتر وفتحت مراية السيارة عدلت روجها ومررت اصابعها بشعرها ضبطته وتعطرت .. اخذت جوالها ونزلت من السيارة توجهت لنواف وهي مفتوونه فيه رغم انها ماقدرت تركز فيه كويس من الحياء ، كان ساند ظهره للسيارة ولابس ثوب شتوي وفروه
ونواف كان عكسها تمامًا ماقدر يشيل عيونه عنها ابدًا من اول مانزلت من سيارتها الى ان وقفت قدامه وماقدر يخفي طيف ابتسامه يعبر عن شووي من فزة قلبه فيها وأول ماوقفت قدامه مد لها كوب القهوة وهو مبتسم: الله يبارك بهذي الليلة دام لاح لي وجهك السَمح فيها
اخذت القهوة ورفعت راسها تناظر وجهه: الله يبارك بدنيا جابتك لي والله
مسك يدها باسها وشد عليها ومشى وهو ماسكها: طمنيني كيف تحسين نفسيتك الحين؟ هديتي؟
شربت شهد من القهوة ويدها الثانية بيده وهي تررجف: ايه الحمدلله
ابتسم نواف وناظرها: خايفه ولا بردانه؟
ضحكت شهد: كلهم
دخلها معاه بالفروه وناظر قدامه: لاتخافين وأنتِ معاي والله يافزة هالقلب مايصيبك اذى وانتِ بذراي ارتاحي
ابتسمت شهد وشدت على يده: الحمدلله انك بحياتي نواف
بدأ نواف يحاول يفتح سواليف يكسر فيها خجل وتوتر شهد منه وكان قادر يضحكها ويبسطها وهذا الشيء خلق لهم ليله لااتُنسى
شهد: متأكد هذولا انتو الي سويتو كذا؟ مو شخصياااتكم ابدًا
ضحك نواف: وكل مره يقفطنا معلم نحط بتال بوجه المدفع لأنه ملسون يقدر يدافع عننا انا ومعاذ نخااف وتجينا حالة ضحك
شهد: المشكله ماتسوون مصايب تسوى هاربين من المدرسة تفطرون فلافل! اقسم بالله اموت جوع او انقفط قفطه تسوى
نواف: تدرين مره ولد علمهم اننا هاربين وش سوينا فيه؟
شهد: ايش؟
نواف: دخلناه بالزباله ، تبين تعتبرينه تهديد صريح او بكيفك بس تراي اقدر اشيلك ب يد
شهقت شهد: اعقب نواف اول مره تشوفني وتهددني بعد؟؟ وين لهفة اللقاء الأول وين المشاعر اقسم بالله ماتستحي
ضحك نواف: انتي تحديني شهد ذبيتي على كل سواليفي
قابلت شهد وجهه وصار تمشي عكس: امون ، ولا عندك أعتراض
تنهد نواف: والله تمونين على السوالف وراعيها
وبعد ساعتين مشوا فيها وكان ضحكهم مالي المكان وصلوا عند سياراتهم
وقفت شهد قدامه ومسكت يدينه: شكرًا صدق كانت ليلة اثقل من جبل على ضلوعي وقدرت تمررها وتخليها ليلة تتخلد بالذاكره
ابتسم نواف وهو يناظر عيونها: حاضر لك دايمًا ، لك علي ان الي تبينه يصير ولي ادور رضاك ومالك إلا السمع والطاعه
تعلقت عيونها بعيونه بلحظه شاعريّه جدًا والهواء يحرك شعرها: اتوقع ماقد قلتها لك بهذا الكم من الحقيقة .. أحبك نواف
وخر نواف خصلات شعرها عن وجهها: من عرفتك وانا أحبك بالحقيقة الي ماقدرت امدّها لأي شخص غيرك
رجعت شهد عنه خطوتين لورا لأنها توترت من قربه: يلا نمشي؟
تأكد نواف من حقيقة مشاعرها بعد ماشاف شهد ولأول مره بهذا الهدوء والراحه معاه وقدر يشوف الحب بعيونها ، أبتسم وقدر يقول لها واخيرًا: أنتبهي وانتِ تسوقين وطمنيني بس توصلين ياأم العيال
ضحكت شهد من النداء وتوجهت لسيارتها: من عيوني
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
