طلع الدكتور وركضوا له كلهم
الدكتور: مين ابوه؟
ابو فيصل: ابوه مو موجود احنا خواله
الدكتور: محتاجين له نقل دم بشكل طااارئ نحتاجه الان
معاذ: طيب وش فصيلة دمه؟
الدكتور: روحوا للمختبر وتأكدو انا لازم ارجع له
بتال: يبه انا ببقى اذا جيتوا اروح
طلعوا ابو فيصل وابو معاذ ومعاذ
جلس بتال ربع ساعه تقريبًا مرت كأنها سنه عليه ينتظر رد من ابوه او من الدكتور و اعصابه تلفففتت
قطع انتظاره صوت انذار "كود بلو" وخلال ثواني صار المكان زحممه كله اطباء وممرضين يدخلون غرفة العمليات وهو ماايدري لباسل او لغيره
انهاار وهو يصرخ عليهم يبي اجاابه وحده تطمنه وماكان احد يرد عليه
بعد وقت قصير طلع له نفس الدكتور: وين خاله؟
بتال: وش صار؟؟؟
الدكتور: احنا سوينا الي علينا لكن اصاباته بليغه، الله يصبر قلوبكم عظم الله اجركم
جلس بتال على الارض مو مستوعب ولا مصدق كلام الدكتور كان يحس انه كابوس هذي نهايته وبيصحى منه خلاص
بس قاطع احساسه ابوه الي لما شافه جا يركض لعنده يسأله ينتظر رد
بتال بهدوء وملامح جامده: ماأدري وش يقول
ابو فيصل صرخ: وش قاال لك
بتال باقي مصدوم مو مستوعب: يقول عظم الله اجركم
وقفوا بصدمه كلهم ودموعهم تنزل بصمت
ابو فيصل بصوت مسموع: انا لله وانا اليه لراجعون
ابو معاذ جلس على الكرسي رجوله ماعاد تشيله: لازم نروح لحصه
كل واحد فيهم ساعد ابوه يوقف وطلعوا من المستشفى يفكرون كيف ينقلون خبر وفاته لحصه
معاذ: يبه اكلم امي تروح لعمتي حصه؟ لازم يكون عندها احد لما تعرف
ابو معاذ: كلمها ولاتفجعها
اتصل معاذ على امه وردت عليه
معاذ: انتي بالبيت؟
ام معاذ: لا عند جدك
معاذ: من فيه
ام معاذ: عماتك وخواتك وام فيصل وبنتها وش فيك تبي شيء
معاذ مايبي يخوفها: لا خلاص ماعليك انا جاي
قفل معاذ والتفت لابوه: كلهم ببيت جدي
نزل ابو معاذ راسه وتنهد: لاحول ولاقوة الا بالله
دخلو المجلس بأشكال مرعبه بالنسبة للجالسين
ابو فيصل منزل عقاله
معاذ مغطي وجهه بشماغه مو باين منه الا عيونه الحمراء
ابو معاذ رجوله مو شايلته ووجهه دموع
وبتال ثوبه دم وباااارد بدون اي ردة فعل او زعل او دموع، وقف يناظرهم كيف كلهم فزو بخوف ينتظرون احد يتكلم يقول لهم وش صاير
الجد: وش صاير؟
هند: احد فيه شيء؟
حصه ماكانت متطمنه من اول: باسل وينه؟
مسك ابو فيصل يد حصه بحنيه واخذها معاه للصاله ولونها انخططف من الخوف
الجده صرخت بوجه ابو معاذ: تكلم وش فيه
ابو معاذ بصوت يرجف: ان الذين اصابتهم مصيبه قالو انا لله وانا اليه لراجعون، ولا حول ولاقوة الا بالله احسن الله عزاءنا في ولدنا باسل وعظم الله اجرنا
في الصاله
حصه: ارجوك تكلم ميين باسل ولا احد ثاني؟؟
ابو فيصل ماسك يدها ويناظر للأرض: كل شيء له اجل وكل شيء زائل الا وجهه سبحانه ومايبتلى الا المؤمنين ياحصه والموت شر لابد منه، انا لله وانا اليه لراجعون وعظم الله اجرك في باسل
وقفت حصه بصدمه تستوعب الموقف وبعد ثواني صرخت صرخه هزت المكان: ببباااااسسسسللل
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
