اول مابدت تشرق الشمس صحت اصيل وجلست ثواني تستوعب الوضع وسبب وجود بتال نايم معها شهقت وجلست تصحيه
بتال وهو شبه نايم: وش فييك
اصيل: قوم ندخل لايشوفنا احد هنا
بتال فتح عيونه: بااقي ظلام محد بيشوفنا خليك بحضني شوي
اصيل: الشمس بدت تشرق يابتال خلينا ندخل يلا
وقف ودخلها معاه بفروته واتجهوا للفيلا الي يحتاجون دقايق عشان يوصلونها
اصيل: كويس اني صحيت قبل يفقدونا او يشوفنا احد ماادري كيف نمنا
بتال ابتسم: انتي نمتي بحضني وماطاوعني قلبي اصحيك وأحرم نفسي من هذي اللحظات
اصيل خزته: تستهبل صح؟ يمه بتال ماتخاف ماتفكر؟
بتال: ماأخاف من شيء الا عليك، ولاتخافين وانا معاك
اصيل: ادخل قبلي مابي احد يشوفنا سوا
بتال: واتركك هنا؟ لا أدخلي اول
كانت نعسانه مالها خلق تجادله وفعلًا دخلت قبله وعلى طول دخلت الغرفه ونامت
وبعد دقايق دخل بتال لغرفة العيال وناام وريحة اصيل باقي معاه
الظهر دخل ابو معاذ يصحيهم لصلاة الجمعة
صحوا ووقفون يتوضون
معاذ ناظر عبدالعزيز باستغراب: متى جيت؟
عبدالعزيز: الصباح
جا سيف وشافهم كيف مفهييين وبوجههم النوم
سيف بصوت مرتفع: تحسبونه لاين واقفين على مغسله وحده؟ تحركوا للمغاسل الثانيه دخل وقت الصلاة!
اول ماراح سيف قال مازن بوجه ميت نوم: سبحان الله ذبات الخال الثلاثيني
ضحكوا العيال على اخلاق مازن وراحو يصلون جماعه بالمجلس بعدها جلسوا يتقهوون
عبدالعزيز: بتال كيف الدوام معاك؟
بتال بدون نفس: الحمدلله
سيف: تأخر الغداء صح؟
ابو فيصل: ام فيصل الله يعافيك صحي البنات عشان يتغدون، فيصل بتال واحد يقوم يشوف الطباخ
قام بتال: ابشر
وراحت ام فيصل للبنات تصحيهم
جلست اصيل بفراشها ماسكه راسها من الصداع
مهره: وش فيك؟
اصيل: مانمت كويس
مهره همست لها: ليه تاخرتي امس خوفتيني عليك
اصيل ضحكت: نمت بالغلط
مهره بصدمه: نمتي معاه؟؟
اصيل: وش نمتي معاه الكلمه تشكك! كنا جالسين ونمت بالغلط وش اسويي
مهره: يمه تخيلو احد شافكم طيب؟
اصيل: لا صحيت بدري ورجعنا
قاموا البنات تسبحوا ولبسو سريع ونزلو
وكان اوول لقاء بين انتصار وفيصل تعلقت عيونهم ببعض لحظات لدرجة الكل انتبه لهم
فز قلبه لها وكان مشتاااق لها مره وعرف انه ماتخطاها زي ماأقنع نفسه
وهي بعد كانت تتمنى لو كل هذا ماصار اشتاقت ترجع تعيش معاه ف بيت واحد وترجع تتهنى بحبه وحنّيته عليها
استوعب فيصل ولف وجهه عنها وكملت هي طريقها مع البنات
سيف: اصيل ليه ماجففتي شعرك الجو بارد
اصيل: شوي يجف لحاله
مريم قررت تتكلم معها لأنهم قدام ناس بس: بتمرضين
ناظرها اصيل بعدم اهتمام ولفت عنها بدون ماترد
تفشلت مريم وحسّوا عليها كلهم
حاولت هند ترقع الموقف: اصلًا شكلك تعبانه وش فيه وجهك
ناظرها بتال باستغراب
اصيل ابتسمت لها: لا عمه بس مصدعه مانمت كويس
ابو فيصل: متى وصلت عبدالعزيز؟
عبدالعزيز: اول الصباح
ابو فيصل: عساك شبعت نوم؟
عبدالعزيز: ايه نمت ياخالي ماعليك
دخل ابو معاذ: الغداء جاهز برا يلا
طلعوا يتغدون كلهم و زي العاده الرجال بجهه والبنات بجهه
سيف الي حااس بزعل اصيل: اصيل بابا تعالي جنبي عشان اقشر لك الربيان
اصيل ناظرته باستغراب: لاعادي اقشر لنفسي
سيف: ادري فيك ماتحبين يلاا تعالي
قامت اصيل وسط نظرات الجده ناااقده كيف يجلسها وسط العيال
جلست اصيل جنبه وهمست: شدعوه ماتخاف افشلك ولا جاكيتي الطويل ارضاك اليوم؟
سيف: بعمري ماقلت انك تفشليني اتركي عنك هالكلام وكلي
كان بتال جالس قدامها وفيصل جنبها
ناظرتها انتصار بنرفزه على جلوسها جنب فيصل وشعرها مفتوح وريحة عطرها قوييه
وناظرت مريم سيف كيف مهتم يقشر لها الربيان ويأكلها بيده وماقدرت تقاوم غيرتها حتى لو هي بنته .. تبقى تذكره بنورة
وقفوا البنات وقالت ليان: اصيل اذا خلصتي احنا عند الاسطبل
اصيل قامت: خلصت
وهم رايحين همست مهره ل اصيل: اوف لو تشوفين كيف انتصار كانت تخزك
اصيل استغربت: وش تبي!
مهره: عشانك جلستي جنب فيصل
اصيل ضحكت: الحمدلله والشكر
مهره: البنت كانت كويسه مادري شفيها استخفت يارب انها نفسية حمل بس
وصلوا للخيل وتوزعوا يصورون
ركبت اصيل خيل بتال وصورت عليه بعدين ناظرت البنات: مين يسابق؟
مهره بغرور مصطنع: اكيد انا
ضحكت نجد: يووه الوضع بيكون حامي
اصيل وهي ترفع شعرها: يلا تعاالي خليني اذوقك مرارة الخسارة
ركبت مهره الخيل واخذت مكانها جنب اصيل: لاتغترين بنفسك واجد ماشفتيني بالخيل
اصيل ابتسمت وهي تمسح على الخيل: اذا ماأغتريت بنفسي بغتر بخيل حبيبي
مهره ضحكت: يححق لك اذا بتال حبيبك اغتري بكل شيء يخصه
لين من بعيد: بسرعه يلا بنصوركم
مهره بصوت مرتفع: مين بيروح للنهاية يشوف طيب؟
زينه: اوصلوا النهاية وارجعوا نحكم من هنا لان المكان بعيد مره
اخذوا البنات اماكنهم وبدأ العد وانطلقوا بسرعه
كانت المنافسه حاااااميه بحكم ان اصيل ومهره خيّالات من صغرهم بس كانت الكفه ترجح لأصيل اكثر لانها تدربت على الخيول الانقليزيه اضخم واسرع من العربية
وصلوا للنهاية وكانت مهره الاولى، ورجعوا بتركيز اكثر لان هذي المره هي بتحدد مين يفوز
بمجرد ماوصلو وبدأ صراخ البنات لأن اصيل بتفوز قفز الخيل سور الاسطبل بقوة وطاح وطاحت اصيل معاه وتحول صراخهم لصراخ لخوف
ركضوا لها البنات واول ماشافو راسها ينزف بعد ماضرب الحاجز ركضت ليان للكبار تناديهم
رفعتها نجد عن الارض وضغطت على جرحها بالجاكيت وليان تحاول تصحيها وتغسل وجهها
اول ماوصل سيف انهاار خوف عليها وشالها من يدين نجد ركض فيها للسيارة وبتال وراه شغل السيارة وتحرك لأقرب مستشفى
كان بتال يحاول يخفي خوفه عليها لكن ماااقدر كل شوي يلتفت ورا يطمن قلبه ولحسن حظه سيف مو منتبه لنظراته
شاف سيف يدينه الملياانه دم وصار يرجف مااقوى قلبه
لكن تطمن شوي اول مافتحت اصيل عيونها وعقدت حواجبها بألم: ااهه راسي
حضنها سيف وباسها: عادي بابا ارتاحي الحين نوصل المستشفى
اصيل وهي تحاول تركز: ليه؟
سيف: طحتي حبيبتي لكن لاتخافين انجرحتي بس
اصيل بصوت خفيف وتمتمه: ماأشوف كويس
تقشعر بتال لما تذكر ان باسل قال له كذا قبل يتوفى
سيف انقبض قلبه وقال بصوت مرتفع: بسرعه يابتال
بتال بصوت يرجف: اللوكيشن مطلع لي ٣ دقايق ياعمي اصبر
وفعلًا وصلوا بعد ٣ دقايق الي كانت ٣ ساعات بالنسبة لسيف ونزل بسرعه وهو شايلها بين يدينه
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
