بعد العشاء راحو البنات ملعب البادل وصارو يتجهزون بيلعبون
مهره وقفت جنب اصيل: منجد هذي مشاعرك لبتال؟
اصيل وهي تلبس القلفز وتصور: ماأقدر اجاوبك لاني مااعرفه، بس عاجبني
مهره: وش الي عجبك فيه؟
اصيل توترت بس تداركت موقفها: احب الشخص الي مايلين الا عندي، واضح انه من هذا النوع لأنه جالس يخفي مشاعره بالاستقعاد ولو بانت راح يلييييين
مهره: اخ بس ياويل قلب اخوي والله محظووظ
اصيل كانت مبسوطه انها اخيرًا بتبرد قلبها فيه ولو ان حبها لمهره مخليها تتردد بس هي عاشت كثير بدونهم وبتقدر تكمل بدونهم عادي
ثاني يوم الكل جالس على الغداء
ابو فيصل: بعد العصر بأذن الله نمشي
باسل: والله انبسطنا كثير ماودنا نرجع
عبدالعزيز: اي والله الجو هنا رهيب
ابو معاذ: يلا اعتبروه تغيير جو قبل الدوامات
سيف: صح على الطاري، وش افضل جامعات خاصه هنا؟
ابو معاذ: ليه وش عندك؟
سيف: بسجل اصيل تو وصلت اوراق دراستها
ابو فيصل: بسأل لك واعطيك خبر
هند: اصيل كم باقي لك وتتخرجين؟
اصيل: سنه ونص، وسنه امتياز
هند: ناويه تتخصصين؟
اصيل: ايه اكيد
هند: وش ناويه تدخلين؟
اصيل: كنت بتخصص اشعه لأنه تخصص مره قوي برا بس بابا قال لي انه هنا مايسوى شيء، الحين متردده بين اعصاب واورام وبشوف الي يقبلوني ابتعاث عليه باخذه
الجده: تطلعين برا لحالك؟ عاد ليه الشقا بالنهاية زوجك يصرف عليك
اصيل تنهدت بقل صبر: الله يهديك يابابا
ضحكو كلهم على استفزاز جدتهم الداائم لها
بعد الغداء مهره ارسلت لمعاذ: اكتشفت ان منجد مابعد العداوة الا حب
معاذ استغرب رسالتها مايدري تقصد مين: مافهمت
مهره: اصيل قالت ان بتال عاجبها بعد
معاذ: تمزحييين!
مهره: والله ماامزح
معاذ: بس الغبي بيخرب كل شيء يلفت انتباهها بطريقة غللط
مهره: بس طريقته الغلط نجحت هنا الصدمه
معاذ: وطريقتي نجحت؟
مهره: ولو اني كنت مستبعده هالشيء من لما كنا اطفال.. نجحت
معاذ: من لما كنا اطفال؟
مهره: تتذكر كيف كنت تطقهم لما يضربوني وتدافع عني😂؟ تخيل انه سبب اعجابي فيك للحين
معاذ: افاا، مالقيتي فيني شيء تحبينه الا اني دافعت عنك؟
مهره: ولأنك انت، ولا مره شفت فيك شيء غلط ولا مره شفتك تأذي احد كنت دايمًا الشخص الهادي الي يصلح ومايضر شيء، حتى لو كنت مااعرف اعبر لك ترا فيك اشياء كثير احبها
شافت مهره ابتسامه معاذ الملياااانه حب وكتبت له: ولانتراسل قدام احد لاينتبهون لنا
قام الكل يتجهزون عشان يمشون وركبوا السيارات وبقت اصيل
سيف بصوت مسموع: يلا ي بابا وش فيك تأخرتي؟
اصيل بنبره مليانه ضيقه: بابا سلسالي الي دايمًا البسه ضاع جالسه ادوره
دخل سيف يدور معها ومالقوه
اصيل بعصبيه: خذيته من فان كليف غالي اخاف رموه الخدامات وهم ينظفون
سيف: لاتشيلين هم الغالي يرخص لك نروح ونشتري الاغلى منه
حضنته اصيل: احبك
مسك يدها وطلعوا للسياره
ابو فيصل: لقيتو اغراضكم ياسيف نمشي؟
سيف: مالقيناها بس خلاص بنمشي
توجهت كل السيارات للفلل وبمجرد وصولهم نزلو يرتاحون بعد يومين مُرهقه وممتعه
الا بتال الي رجع للمزرعه يدور سلسال اصيل وبعد وقت لقاه بملعب البادل حطه بجيبه ورجع للبيت
ابو فيصل: بتال تعال ابيك
بتال: سم يبه
ابو فيصل: ماودك تفتح لك مكتب؟ اخذت شهادة القانون وجلست تشتغل معي لمتى؟ طوّر نفسك خلاص
بتال: افا يبه ماتبيني اشتغل معك؟
ابو فيصل: اكيد ودي تشتغل معي بس شهادتك الي تعبت عليها حرام تروح كذا افتح مكتب وكمل شغلك معي عادي شوف عمك سيف محامي وين وصل؟ عاش افضل حياة برا يوم ابوي حرمه من الشغل والمصروف
بتال: خلاص ابشر ببدأ اشتغل على هالموضوع
مهره: بابا انا بتوظف عند بتال اذا فتح مكتب
بتال: ابد تم نصير شركاء اجل
ابو فيصل: اخيرًا اقتنعتي، خلاص شوفو كم يكلفكم وبلغوني
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
