طقت مهره باب الغرفه ودخلت شافت ليان جالسه تنتظر اصيل تخلص شاور
مهره: لياني خلاص حبيبي ارتاحي انا بساعدها
ناظرتها ليان بأستغراب: مب متهاوشين؟
سكتت مهره شوي: ايه براضيها
وقفت ليان وقالت وهي طالعه: يلا يارب تتراضون
جلست مهره دقايق الى ان طلعت اصيل وناظرتها بأستغراب بس تجاهلتها وجلست قدام المرايا تجفف شعرها بالمنشفه
مهره: اساعدك؟
اصيل بدون ماتناظرها: لا
مهره: طيب ممكن اتكلم معك شوي؟ بليز
اصيل ببرود: ما عندي شيء اقوله اذا انتي عندك شيء تقولينه تكلمي اسمعك
مهره: اصيل ماأعرف اعتذر ولا أعرف كيف اتصرف عشان اوضح لك اسفي بس انتي اكثر انسانه تدرين اني أحبك مره وأثق فيك ولا ماسلمتك كل اسراري بهذي البساطه ، والله كانت لحظة غضب ونفسيتي تعبانه وفصلت على معاذ
التفتت لها اصيل وناظرها بحده: لا مافصلتي على معاذ وبس كملي الي صار! ناظرتيني زي مايناظروني كلهم وحسستيني زي مايحسسوني كلهم اني مب متربيه وقليلة ادب ككلل الي يسوونه وتدرين انه كذب ويضايقني وسويتيه ، ليه تهونين على نفسك غلطك وانتي الغلط راكبك من راسك لرجولك
دمعت عيون مهره: اصييل والله غرت على معاذ وانا من قبل مضغوطه بس ، وأدري اني غلطانه وغلطي مو بسيط بس الموضوع كبر بعيني لاني متضايقه من قبل
ضحكت اصيل باستهزاء: تغاااريين علييه منيي؟؟ يخرب بيتك قبلها بدقايق كنت ابكي عندك من حب اخوك!! رسميًا انتي زيهم تناظريني كأني من رجل لرجل
مهره انهاارت من كلام اصيل: لاااواالله اصيل ماأشوفك كذا قسم بالله كنت معصبه وانفعلت بس ، انا اقرب وحده لك لو اشوفك كذا ماتقربت لك ولا جيت اعتذر لك ارجوك افهميني قسم بالله زعلك مو هيين علي
اصيل: صدقيني ماعندي اسباب تخليني اصدقك وارجع استثنيك لأن الموقف خلاني اشوف كثيييير منك ، ماصرتي تفرقين عن اي احد منهم بشيء
بكت مهره: طيب قولي لي وش تبين اسوي وتصدقيني والله اني أحبك ولا يهون علي زعلك
اصيل وهي تناظر لها بصدمة: ليش تبكين انتي الحين؟
مهره: لاني اسفه وابي افهمك بس ماني قادره اوضح لك موقفي
قامت لها اصيل اول مابكت وحضنتها: ياملعونه لما اتهاوش معك لاتبكين لاني ماراح اقدر اهاوشك اكثر ، خلاص سامحتك
ضحكت مهره ومسحت دموعها: كريهه والله اني احبك ومايهون علي زعلك لاتفهميني غلط ، والله اني اسفه و..
قاطعتها اصيل: خلاص ياماما والله اني مصدقتك لاتشيلين هم ولاتبكيين
مهره: وترى بصفقك لاتتحركين وانتي تعبانه، يلا خليني اساعدك ونطلع نسهر مع البنات
ساعدتها مهره تمشط شعرها وتلبس وطلعوا للصالة سهروا سوا
ليان: اخييرًا تراضيتوا ما بغيتوا
ضحكت اصيل وجلست جنب مهره: مين قال لك اننا متزاعلين اتدلع عليها بس
ناظرتها مهره بصدمة: هذا كان دلعك؟ الله يستر من زعلك اجل
ضحكت اصيل مع انه كان جددًا واضح عليها التوتر والخوف من النتيجه مهما ادّعت عدم الأهتمام لذلك البنات كانو يضحكونها ويحاولون يغيرون الجو
ظهر اليوم الثاني أرسل الجد في القروب ان الغداء في الخيمة اليوم بمناسبة سلامة اصيل وضرووري الكل يحضر ، واقعيًا مابانت اي نتيجة سلامة لأصيل لكن يبي يكسر زعل سيف بدون مايعتذر ويجرح كرامته لأنه عاارف مدى صعوبة الموقف على سيف
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
