عند العيال كانو بالمجلس يتقهوون ويسولفون والوضع ازعاااج
عبدالعزيز بصوت عالي: خلونا نتوقع شيء
التفتوا له بأهتمام كلهم
عبدالعزيز بأبتسامه: تتوقعون مين اول واحد بيتزوج بعد عمي؟
معاذ: ياويلك ياباسل احسه دورك
فيصل: لاااا باسل مافي وحده تتحمل جدّيته
مازن: ليه مو بتال؟
عبدالعزيز: طيب ليه محد توقع اكون انا طايح من عينكم؟؟
فيصل بمزح: اوووه لايكون فيه احد ببالك؟
عبدالعزيز ناظر بتال بتحدي وابتسم: ايه، وقريب بتسمع الخبر
كلهم فزّو وفرحوا له الا معاذ الي التفت لبتّال وفهموا قصده
المغرب راحت اصيل لبيتهم تبدل وتستعد للعشاء ولما دخلت ماشافت ابوها على غير العاده وراحت لغرفتها
اختارت فستان أحمر قصير وسوت شعرها كله ويفي وثقّلت ميكبها وهي طالعه سمعت ضحك وابوها ومريم بالغرفه وزعلت مرره كيف مافقدها وهي من الظهر مارجعت البيت معهم؟
كملت طريقها وعيونها دمووع طلعت من البيت وشافت بتال بطريقها
بتال وهو بعيد عنها شوي مايبي احد يشوفهم: مساءالخير اصيل
اصيل ناظرته بدون رد
استجمع قوته بتال ومسك يدها وسحبها ورا الفلل بسرعه قبل يشوفهم احد
اصيل: عما وش فيك؟
ابتسم بتال وناظرها: حتى بأكثر اللحظات عاطفيه بالنسبة لي معصبه
اصيل عقدت حواجبها: عاطفيه؟
بتال تنهد بقوه وكأنه يستجمع قوته لرفضها وتكلم بسرعه بدون مايعطيها فرصه ترد: انا أحبك، لاتسألين متى وكيف بس انا أحبك كثير وحاولت اتجاهل هذي المشاعر بالبداية بس فاااضت ياأصيل ماقدرت الا اني استسلم قدامها وقررت ماأخجل من هذي المشاعر ، تعودت عمري كله افخر بكل اختياراتي وقراراتي وبالنسبة لي انتِ اهمها حاليًا وانا والله اني شاريييك
رغم معرفة اصيل بمشاعره بس انصدمت من اعترافه وقالت بملامح مليانه ذهول: كيف تبيني اصدق مشاعرك وانت بكل مره تشوفني تحاول تضايقني وتتهاوش معي؟ انا احترم كل مشاعرك هذي بس ليه ماشفتها؟
بتال: مرّات كنت اسوي كذا عشان اقنع نفسي اني ماأحبك، مرات كنت ادور سبب اتكلم معك فيه وهذي طريقتي الوحيده عشان الفت انتباهك
مسك يدها وناظر عيونها: اسمحي لي اكون اقرب لك وانا مستعد اعوضك عن كل لحظه سيئه عشتيها بسببي
ابتسمت اصيل: "مثل ماتشعر تأكد اني اشعر" تتوقع كانت اغنية عشوائيه؟
مرر بتال اصابعه على وجهها بأنبهار: طيب قولي انك تحبيني انا، خليني ارتاح
وخرت اصيل يده عن وجهها وقالت وهي ماشيه: احبك بتال
تنهد بتال براحه وكان سعييييد حس انه فاز بقلبها اخيرًا وتطمن ان المشاعر له وفرصة عبدالعزيز معدومه معها
بينما اصيل ابتسمت ابتسامة انتصار ثانيه، مليااانه وعود لنفسها انها تعيشه ايام اسوأ من الي عاشتها بسببه
دخلت البيت وصادفت البنات ولونها كان مخطووف من التوتر
نجد: بسم الله وش فيك؟
اصيل حاولت تكون طبيعيه: مافيني شيء بس نعست شوي مانمت كويس امس
وبسبب قرب مهره لأصيل عرفت ان صاير شيء وناظرتها بشك وبعد وقت سحبتها بدون ماينتبه احد: صايرلك شيء؟
اصيل ضحكت: بتال اعترف لي
مهره صرخت: احلففيي!!
اصيل قفلت فمها: اسككتتيي لاتفضحينا
مهره: اخيييرًا مابغينا، كيف جاب رقمك؟
اصيل بضحك: ماودي اصدمك بس كان الاعتراف ورا البيوت وش هالبداية المليانه بؤس
مهره: يااابنت المهم يعترف لك لو بالشارع
دخلت لين: تخيلو جايبين سماعات ويبونها حفله وماعلمونا!
مهره: والله ماطاح الرقص الي براسي عادي خلونا نرقص
لين: يلا اجل تعالو ترا الكل موجود
نزلوا البنات وتوجهت انظار الاغلب لأصيل بحكم انها بنت العريس وماشافوها ابدًا توترت من نظراتهم بس تعودت ماتظهر توترها لأحد وكملت بعدم مبالاه وراحت للبنات
زينه: اصيل كيف النظرات معك؟
اصيل ضحكت: شكلي لازم اتعود هالفتره، حطولي فزي له بس برقص
ليان: خلاااص فزي له خلااص
اصيل: لياان احب ارقص عليها وش فيك علي
ليان: اه ياقلب ليان امشي ارقص معك
ضحكو على خفة ليان عند دلع اصيل ودخلت ترقص مع اصيل
نظرات الجده مافااارقت اصيل كاارهتها كانت تشوف نورة الي اخذت سيف منها تمشي قدامها
حصه همست بأذن امها: يمه انتبهي لنظراتك ماله داعي تحسسين الناس بشيء
انتبهت الجده وشتت نظرها عنها
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
