سحبت اصيل بريك ضربوا طبلون السيارة من قوته وسط صراخ من الخوف
نواف بخوف وصراخ: شهد تكلمي وش فيك وش صار؟
اصيل بصوت يرجف: صارلك شيء؟
شهد: لا وأنتي؟
ناظرت اصيل السيارة الي اعترضت طريقهم وصرخت: االله يحرررقك
نواف صرخ: شهد وينكم وش فييه
شهد: سوينا حادث بالتخصصي
نزل واحد مععصب من السيارة الي قدامهم يصرخ على اصيل: ماتشوفيين
واصحابه وراه ماسكينه يهدّونه
نزلت اصيل بعصبيه وسط توسلات شهد انها ماتنزل وصرخت: تتستهبلل! تعترض طريقي وتصرخ بكل وساعة وجه!
قرب لها بعصبيه وهو يصرخ: اذا انك حماره ماتعرفين تسوقين انثبري ببيتكم ارواح الناس ماهي لعبة
نزلت شهد سحبت اصيل تحاول تركبها السيارة: اصيل ارجوك يمكن يكون سكران اتركيه
اصيل بنفس صراخه: الحمار الي جابك ورماك بالشارع تتفلت على بنات الناس ياعديم التربية
انجن وبدأ يصرخ بأقذر الالفاظ ويتهجم عليها
صديق الولد صرخ على اصيل وهو بالمووت ماسك صديقه لايهجم على اصيل: خلااص اركبي سيارتك مب قادر امسكه!
ضحكت اصيل باستهزاء: ليه احنا بغابة يتهجم علي وأسكت له؟ اذا انه رجال يسوي شيء ترانا بالسعودية الي اهله ماربوه القانون يربيه
صديقه الثاني: خلاص اركبوا سياراتكم يجي المرور يتصرف بالموضوع انتوا اهدأو
صرخ الولد: والله ماأخليك يابنت الكلب
اصيل وعينها بعينه: تعقب تسوي شيء والكلاب مثلك وشرواك
نواف بالمكالمة يصرخ على شهد: اركبوا السيارة تتهاوشون مع سلق الفجر انهبلتوا! انا قرييب
شهد بأنهيار وخوف: مو قادره لأصيل
بالقوة الولد بدأو اصحابه يهدونه وقال واحد من اصحابه لأصيل: خلاص اركبي سيارتك الناس بدأت تصور واطلبي نجم
مسكت اصيل جوالها ورفعت بلاغ للشرطة وبعد وقت وهواش مستمر : انت اطلب نجم انا بطلب الشرطة تجي تربي صديقك
انفجر الولد مره ثانيه وصرخ: متربي اكثر منك يابنت الليل
ضحكت اصيل ببرود: الداش كام مسجله كل كلامك وتهجمك وبابا من اكبر المحاميين اذا ماخليتك زي الكلب تترجاني اتنازل
قال من بعيد باعلى صوته: تخسيين بنات الليل الي زيك يرمونهم رمي الكلاب لو وقفوا عند ابواب المحاكم
ولسوء حظه صادف كلامه وصول نواف والشرطه بنفس الوقت
نزل نواف وعيونه حمرااء من الغضب على الكلام الي سمعه وتوجه له يبي يضرربه
صرخت شهد وركضت لنواف تسحبه
دف يدها نواف وقبل يوصله استوقفته يدين الشرطيين
نواف بهدوء عكس البراكين الي داخله: والله لولا رحمة ربك ثم حشيمة الرجال الي ماسكيني اني لاأقص لسانك وارميه للكلاب
الولد بنظرات تحدي: قلت لها وارجع اقول لك تخسى
هجم عليه نواف وبسبب الشرطه واصحابه الي بينهم ماقدر الا يضربه ضربه وحده على وجهه نزف انفه من قوتها ورجع الموضوع تفلت وتهجم من الطرفين وقدروا الشرطه يسيطرون عليهم بسرعه
اخذ الشرطي نواف معاه ووقف عند اصيل ياخذ اقوالها
الشرطي: يعني تبين تفتحين محظر بالشرطة وتحولينها جنائيه؟
اصيل: ايوه
حاول الشرطي يحلها بشكل ودي بينهم ويقنع اصيل انها بنت ومب حلوه بحقها تدخل مركز شرطه هالوقت
اصيل: العيب اني أسمح لحقير زيه يتطاول علي وأسكت له
الشرطي بحده: انتبهي لألفاظك بحضور الشرطه
رفعت اصيل شعرها بتعب وقل صبر وهي بدأت تدخل نوبه عصبية: اجل لاتناقشني وحولها للمركز انا ماراح اسكت على تهجمه
نواف كان هادي خارجيًا رغم ان وده يحرق اصيل وشهد من غيرته ويروح يكسر الولد الي تطاول عليهم: اكلم ابوك يجي؟
اصيل: لا ، بكل الأحوال بيعرف بالوقت المناسب
جا الشرطي الثاني من عند العيال: تكلمت معهم ومستعدين يتنازلون مقابل انك تتنازلين
ضحكت اصيل: يتنازلون عن ايش؟ هو الي اعترض طريقي وهو الي تهجم علي
الشرطي الأول: القانون يدينك بعد حتى انتي تلفظتي عليه وبحضور الشرطه والولد ضربه
شهد بهمس وهي اعصابها تللفت من الخوف: اصيل ارجوك اتركيهم الله يحرقهم
اصيل: اذا القانون يدينني مافي سُلطه فوق القانون ولو كنت مدانه بتعاقب ، المهم هو مايطلع منها
نواف: خلاص حقه بيجيه مني ومن عيال عمك لاتدخلين القسم الحين
ناظره الشرطي بأستنكار: كيف بيجيه؟ تلمحون وقدامي انكم بتتهجمون عليه؟
نواف: ماقلت بتهجم عليه
اصيل بدأت ترجف بحضن شهد: بكل الأحوال محد بيتهجم عليه لأنها بتتحول جنائيه
الشرطي ناظر نواف: وش تقرب لهم؟
تورط نواف لثواني وانقذ نفسه بسرعه: بنات الجيران ، ممكن تعطيني ثواني بس احاول اقنعهم يتراجعون عن البلاغ؟
راح الشرطي والتفت نواف لأصيل وشهد وعيونه شراار من العصبيه: ان شاءالله عاجبكم؟
اصيل: انا عاجبني ، انت خذ شهد وارجعوا
شهد بأنفعال: والله ماأخليك
نواف بحده: بغض النظر عن ان مافي بنات صاحيين يطلعون التخصصي هالوقت واقفين تتهاوشون مع عياااال؟؟
اصيل كانت قد ماتقدر تحاول تهدأ عشان ماتدخل نوبه بوضع كذا: تتكلم بصفتك مين؟
نواف عصصب من استفزازها خصوصًا انه حاقد شووي بعد الي سمعه من معاذ عن اصيل وبتال: والله لو ماتقفل الموضوع هنا بروح لبيت عمامك الحين واعلمهم كلهم عن الي جالس يصير
ضحكت: انت جالس تهددني متوقع بخاف؟ طق بابهم بيدينك ورجولك
صرخت شهد: ممكن تسكت انت وياها وتستوعبون الوضع الي احنا فيه
رد نواف بنفس الصراخ: اقسم بالله ماراح يعدي الموضوع عليك ولا عليها ، لاتتوقعين اذا بتال مو هنا بتقدرين تسوين الي تبينه والله لو عرف بيرجع من سفره
شهد: نواااف خلااصص
اصيل: تعقب انت وبتال يكون لكم كلمة علي انا ماأدري وش جايبك لعندي اصلًا عشان تعطيني دروس ومواعظ دز امها عني
لف عنهم بعصبيه واتصل على واحد يفتح ملف لقضية جنائيه بدون مايروحون للقسم
رجع لهم وقال: كلمت واحد يفتحها وتروحون بعدين تكملونها ، خلاص امشوا الحين ماباقي ولد شارع ماناظركم او صوركم
ماقدرت اصيل ترد لأنها دخلت بنوبة تشنج واول ماأنتبهوا لها نواف وشهد ركضوا لها يهدّونها
وقبل ياخذونها المستشفى قدرت تتكلم بصعووبه: مايحتاج خفيفه
جلسوها بالسيارة وأول مابدت تهدأ احتد النقاش بينهم
كان نواف يلوم نفسه ويفكر لو بتال موجود وش بيسوي فيه وبنفس الوقت معصب ويصرخ على شهد من خوفه وغيرته عليها
كذلك شهد تلوم نواف على كلامه وماأعطته اي مجال يبرر موقفه وصراخه لأن بدورها انفعلت بعد
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
