المغرب بعد ماراحوا هند وحصه
تجهزت اصيل ولبست ونزلت لابوها وجلست على الطاولة: كل الاشياء الي وعدتني تسويها لي هنا وينها؟
سيف: وش الي تبينه؟
اصيل: الرخصه والسيارة، ودراستي! ترا باقي لي سنه وباقي لي الامتياز في حال كنت ناسي
سيف: بحجزلك موعد للرخصه وبتجيك السيارة ودراستك اوراقك ماوصلت للحين من توصل بسجلك بجامعه خاصه، باقي الناس اجازه
اصيل سكتت شوي تدور سبب عشان تتهاوش مع ابوها وتفرغ لو شوي من الي فيها بس مالقت وصارت عيونها دمووع: ترا بطلع مع صديقتي
سيف باستغراب: كيف صار عندك صديقات هنا
اصيل: الكترونيه
سيف: طيب انتبهي لنفسك
ماردت اصيل وقامت بترجع غرفتها
سيف: اصيل
وقفت بدون ماترد
سيف: ادري وش تفكرين ووش يدور ببالك انتي بنتي افهمك حتى ماتكلمتي ، والله ي بابا كل الي سويته عشانك عشان ماابيك تفكرين تفكير سلبي بنفسك او يضيق صدرك
وسط كلام سيف نزلت دموعها وغطت وجهها
قام لها سيف بسرعه وحضنها: والله انك اغلى ماأملك بهذي الدنيا ويعز علي اشوفك زعلانه مني صدقيني يابابا خبيت عنك هذا الموضوع عشانك بس عشان صحتك النفسيه تهمني كثير
اصيل: حتى انا كذبت عليك، ماني مرتاحه هنا ولا الناس طايقيني ولا قادره اتحملهم اذا هذا اول اسبوع صار بيني وبينك كذا وش بيصير بعدين؟؟ وش بيسوون فيني اكثر ووش بشوف من سوء معاملة بعد؟
سيف وهو يمسح على شعرها: محد بيعاملك بشكل سيء وابوك موجود انا تصرفت ياحبيبتي من امس اي احد بيضرك او يضايقك بيلاقيني بوجهه
قاطع كلامهم اتصال جوال اصيل ردت على شهد: هلا
شهد: ماعندك عبايه صح؟
اصيل: صح
شهد: كويس اني جبت لك معي يلا خليك جاهزه دقيقتين واكون عندك
راحت اصيل غرفتها تمسح دموعها وتعدل ميكبها ونزلت لشهد وبعد الحضن والسلام الحار عند الباب اخذت اصيل العبايه لبستها وركبت سيارة شهد وطلعو
بس الي مايدرون عنه ان عبدالعزيز كان بسيارته وطلع وراهم بدون ماينتبهون
في الكوفي
اصيل جالسه تقول لشهد الاحداث الي صارت بحكم ان شهد مره قريبه لها: ادركت ان احيانًا شيء رائع انك تكون منسي مو محط اهتمام احد المهم انك تكون بمرحلة امان لاني من جيت وصرت بين عائلة زي ماكنت ابي ماصرت احس بالامان حتى بابا انصدمت منه وش بنتظر بعد؟
شهد: ابوك وقف جنبك يقاوم كلام اهله ويتصدى عنك كل اذى ممكن يجيك تحمل عشانك عمر ف الحين لاتحملينه هم فوق همه وتزعلين عليه، حياتك حاليًا فيها عدة نوافذ ناظري من الافضل والأنسب لك، وبتّال هذا واضح عنده عقد من الطفولة ياليت يحلها مع نفسه قبل قبل اطيح فيه احل بطنه
ضحكت اصيل: صدق احتاجك تطيحين فيه لأول مره احس اني مقيده كذا لااقدر العن شكله براحتي عشان بابا ولا اقدر اسكت ويهنا لي بال
عند بوابة الفلل واقفين معاذ وبتال ونواف "اعز الاخويا" يسولفون
معاذ: دايم تجيني تساؤلات ليه تزين سوالفنا بأكثر مكان غير مهيأ للجلسه والسوالف .. بالشارع؟؟
نواف: بالجليس لا المكان بس مشكلتي حاليًا لا جليس ولا مكان
معاذ: كأننا مو عاجبينك؟
نواف: لااا حشا
بتال وسط هواجييس: الحين انا عايش عمري بالنادي عشان اوصل هذا الجسم بالنهاية جالس بالشارع عشان ابوي مايشوفني ويهاوشني؟
معاذ: اشتغل على شخصيتك اذا جسمك ماقام بالواجب
بتال خزه بكل هدوء: وش قصدك؟
نواف: واضحه يهينك قوم علمه جسمك كيف يقوم بالواجب
قام بتال يتضارب مع بتال وضحكهم مالي المكان
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
