لين: الموفي مُمل خلونا نغيره!
نجد: ويت بنعرف وش صار على الاقل
زينه: يخرب بيت حماسك مره ممل انا بديت انعس منه
ضحكت نجد: فيني فضول تجاه الي بيصير بس
مهره: تتوقعون هي الي قتلته؟
ليان: ماأحس
انتصار: الفكره حلوه بس الاحداث ممله
لين: صادقه
مهره فزت: بنات تسمعون؟؟
ليان: وش؟
زينه بتوتر: اصوات برا صح؟
قاموا البنات يركضون للحوش وشافو الكل عند باب بيت سيف
فيصل صرخ: لمتى بننتظر الاسعاف خلاص انا اخذه للمستشفى!
الجد بعصبيه: فيصل اسكت مو وقتك الاسعاف اسرع افهم
الجده وهي حاطه راس سيف بحضنها وتبكي: فيصل معاه حق تأخروا سوو شيء!
ابو فيصل اخذ نفس يحاول يكتم عصبيته فيه: يمه خلاص لاتضغطينه اكثر وتبكين عنده
مريم الي كانت بنفس حالة الجده ويمكن اسوأ: الاسعاف يتصلون
اخذ منها فيصل الجوال رد وصف لهم البيت وطلع يفتح لهم البوابه
دخلوا المسعفين سوو له الاسعافات الأوليه بينما سيف كان زي الجثه بين يدينهم
المسعف: وش صار له بالضبط؟
مريم وهي تبكي: كان مضغوط من موضوع ودخل بحالة زي الانهيار العصبي بعدين تشنج وطاح
المسعف: فيه سكر او ضغط؟
ابو معاذ: لا
نقلوه للسيارة وبالطريق ركبوا له الاكسجين ومهدئات
لحقوهم الرجال بسياراتهم
اتصل ابو فيصل على بتال
بتال: هلا طال عمرك
ابو فيصل: وينك؟
بتال: بالوادي مع العيال امر
ابو فيصل: سيف طاح علينا والبيت مافيه رجال واتوقع البوابات مفتوحه روح انتبه لهم
فز بتال بسرعه: وش فيه عمي؟
ابو فيصل: مدري شكله انهيار عصبي
توجه بتال لسيارته والعيال وراه بخوف يسألونه وش صاير
بتال: ابشر وعلمني اي مستشفى تروحون
قفل وناظر معاذ: عمي سيف طايح عليهم
معاذ بخوف: ليه؟
بتال ركب السيارة: مب وقت تحقيق يامعاذ اخلص
ركب معاذ السيارة وانطلقوا للبيت
بتال اتصل على اصيل وبعد مده ردت
اصيل: هلا حبيبي
بتال بهدوء عشان مايفجعها: اهلين محبوبتي وينك؟
اصيل: راجعين للبيت
بتال بعد تفكير: عمي سيف يبي يشوفك
اصيل بعصبيه: يوه بتال كم مره اقول لك تقفل الموضوع
بتال بانفعال: اصيل حرام عليك ابوك تعب مره ارحميه طمنيه عليك
اصيل بتردد: ليه تعب؟
بتال بدأ يمهد الموضوع: يقولون كان متوتر بعدين داخ شوي واخذوه المستشفى
اصيل بخوف: تشنج صح؟
بتال يحاول يداري خوفها: لا بس..
قبل يكمل كلامه اصيل صرخت: بتال لاتكذب انا اعرفنناا لما ننضغط نتشنج قول الصدق وش فيه بالضبط
بتال بهدوء: والله يااصيل ماأدري قالو لي انهيار عصبي بس
بكت اصيل: اي مستشفى؟
بتال ناظر رسالة ابوه: دله
قفلت اصيل وقالت لشهد تروح للمستشفى وهي منهااره خوف عليه
وصل بتال للبيت وفعلًا بواباته مفتوحه قفلها ودخل يتطمن على اهله
دخل مجلس الجد وماكان فيه احد على غير العاده
دخل بيتهم وبرضو ماكان فيه احد
معاذ بالحوش: تعال نشوف بيت عمي
راحو لبيت سيف وأول ماشافوا الباب مفتوح وسمعوا اصواتهم تقدم معاذ طق الباب
طلعت لهم هند: هلا
بتال: جدتي بخير؟
هند بحزن: والله على اعصابها طمنونا
بتال: مارحنا لهم باقي الحين بنروح بس جينا نتطمن
هند نزلت دموعها: تكفى يابتال طمنونا اول ماتعرف شيء
قرب بتال حضنها: شدعوه ياعمه ابشري الحين بنروح ومابتسمعين الا كل خير ان شاءالله
هند: ان شاءالله، انتبهوا بالطريق لاتسرعون
راحوا للسيارة وانطلق بتال للمستشفى وهو على اعصاابه
اتصل نواف على معاذ يستفسر عن المستشفى
معاذ: دله
نواف: تمام احنا جايين
معاذ: لاتشغلون نفسكم معنا يانواف ان شاءالله الموضوع سهالات
نواف: اعقب بس مابيننا هالسوالف وهذانا جايين
ابتسم معاذ: تمام
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
