وقف سيف يناظر اصيل على السرير تتلوى من الألم مو قادرين حتى الاطباء يفحصونها
مسك سيف يدها: تحملي يابابا بس شوي عشان يفحصونك
غرست اظافرها بيده من قوة الالم: لايلمسووني ماأتحمل الالم
حاول سيف يشتتها عنهم وكل محاولاته فاشله اول مايلمسون بطنها تصرخ وتدفهم
الدكتور ناظر سيف: اول ماياخذ المسكن مفعوله بندخلها اشاعه
سيف: طيب وش متوقعين؟
الدكتور: قوة الالم تخليني أشك انها التهاب الزايده ، حصى بالكلى ، التواء مبيض لكن ماأقدر اتأكد قبل نتيجة الاشاعه
هز سيف راسه وناظرها بضيق
هند: ماعليه لاتشيل ان شاءالله أمرها بسيط
مريم: هي امس كانت طالعه اليوم كله يمكن اكلت شيء مو كويس بس
جلس معاذ برا وارسل لمهره: باقي ماخذك سوء ظنونك مني؟
وصله رد بعد اكثر من نص ساعه: ماأثبت لي شيء عكس ظنوني
معاذ: قولي ابغى وانا اقول لك حاضر ، وش يثبت لك بس؟
مهره: فزتك لها أثبتت لي كثير ماعاد احتاج منك اثباتات اخرى
معاذ: كل مره يمرض احد وانا موجود اسوي نفس الشيء ليه هالمره فكرتي فيني كذا؟
مهره: لأن هالمره انا شايفه شيء يخليني انتبه ، كنت منعميه بس
تنهد معاذ وقفل جواله اول ماطلع سيف من الغرفه
سيف: ماطلعت اصيل من الاشاعه؟
معاذ: ارسلت لعمه هند اسألها وماردت
طلعت مريم وراه: نروح لهم؟
سيف: معاذ كلم نواف او احد يمرك وأرجع البيت ، ماقصرت حبيبي
معاذ: لاعادي عمي ببقى معاك اخاف تحتاج شيء
سيف: لاتشيل هم لو احتجت شيء بكلمك ماراح اتردد
اتصل معاذ على نواف وبعد السلام
معاذ: وينك؟
نواف: بالمكتب وش بغيت؟
معاذ: خلاص كنت ابيك تمرني
نواف: الحين اخلص شغلي وامرك
معاذ: بالتخصصي ماني بالبيت
نواف بخوف: عسى ماشر وش فيك
معاذ: ماشر ، بنت عمي تعبت وأسعفتها
نواف: ماتشوفون شر ، شوي وبكون عندك
جلست هند جنب سيف: ممكن افهم وش صاير فيكم انتوا؟
ناظرها سيف بأستغراب: وش فينا؟
هند: انت وبنتك كل يومين احد طايح بالمستشفى بسم الله وضعكم ماهو طبيعي
تنهد سيف: والله ماأدري وش فينا
هند: حصنوا نفسكم ياسيف ، وتقرب لبنتك اكثر ترا ماهيب طبيعية والكل ملاحظ هالشيء
سيف: ليه وش ملاحظين؟
هند: بعيده عنك تعبانه دايمًا وجهها تعبان انت ابوها كيف ماتنتبه
سيف: بالعكس انا قريب منها كثير ولو فيها شيء بنتبه
هند: كل هذا وقريب منها؟ حتى بنتك تشكي للبنات انك بعيد عنها
ناظرها سيف بصدمه: اصيل قايله كذا؟
هند: اييه قالت كذا وماألومها و..
قاطعتهم مريم دخلت معها قهوة وسكتت هند ، وسيف لازال يناظرها مصدوم
ركب معاذ مع نواف: تأخرت عليك؟
نواف: لاعادي
معاذ: فاقدك ياكلب
نواف: والله اكثثر طمني عنك
معاذ: بخير الحمدلله وانت؟
نواف: الحمدلله
معاذ: كلمت بتال اليوم؟
نواف: كلمته الفجر
معاذ: قال لك ان ابوه كلمه
ناظره نواف بأستغرااب: تمزح!
معاذ: والله كلمه يبيه يرجع
نواف: ووش رد بتال؟
معاذ: رفض
ارتفع صوت نواف من الصدمه: رفض يسامح ابووه؟؟
معاذ: لاا ياغبي ، قال انا مسامحك وتمون على رقبتي بس ماراح ارجع
نواف: بيذبحني عناد هالولد ، فصل علي الفجر تدري؟
معاذ: ليه؟
نواف: لو اقول لك تموت السالفه بيننا وتنسى اني بتكلم عن بنت عمك؟
ناظره معاذ بأهتمام: تكلم
نواف: الفجر اصيل وشهد سوو حادث بالتخصصي وتهاوشوا مع الولد الي صدموه ورحت لهم ، كبرت السالفة وضربت الولد وهاوشت اصيل وشهد
عصصب معاذ: صادق؟ الولد سوا لهم شيء؟
نواف: ماباقي كلمة قذره ماقالها وحاول يتهجم بيده بس اخوياه مسكوه
معاذ: لييه ماادقييت عليي؟
نواف: عطيته حقه وتحولت جنائيه ماراح شيء ، مب هذا موضوعي
معاذ: باااقي بعد؟ وش الموضوع
نواف: تتذكر الكلام الي قلته لي ان اصيل سبب أصرار بتال على السفر؟
معاذ: ايه؟
نواف: امس تعبت وصارت ترجف جتها حاله غريبة زي التشنج
قاطعه معاذ: ايه حتى عمي سيف كذا اذا عصب او تضايق
كمل نواف كلامه: بكت وقالت انها تحبه وتبيه ومستعده تسوي اي شيء عشان ترجع له ، الي فهمته منهم ان كل الي سوته لأنها مضغوطه بسببه
معاذ: اسألك بالله!! غريبيين
نواف: وبالنسبة له تقول كلنا اذينا بعض ومحد قادر يتنازل ويجي للثاني ، وكل هالكلام قلته لبتال
معاذ: ليه قلت له فكه منها ومن اذاها؟
نواف: لو انها جارحته هالكلام بيشفي جرحه بس الي صدمني قال لاتوجع قلبي عليها وتشتتني تخيل ان بتااال قال لي كذا؟ وقال بذمتك ماتأذيها بكلامك مره ثانية انت حر مع شهد بس اصيل لاتنوجع عشان مايحن قلبي عليها
كان معاذ يحاول يربط المواضيع من الصدمه: لحظه ، هذا رد بتال على كل الي صار؟ تهاوشت مع ولد بالشارع وطالعه الفجر وككلل هذا تركه وعلق على انها بكت عليه بس؟ وضعف قداامها؟
نواف: بعمري ماشفت بتال بهالضعف
معاذ: حتى بعزاء باسل ماضعف!
نواف: وماأخذت اجابه عن وش صار بينهم ، بس طلع كلامك صح بخصوصها وكانت سبب من الأسباب
معاذ: حتى ابوه كلمه وأعتذذرر وعند بتال كل شيء يهون الا اهله ، ومع كذا رفض يرجع
نواف: والله غريب امره وش الي سووه ببعض ووصلهم هالمرحلة
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
