في الليل بصالة العمه هند
عبدالعزيز جا باس راسها: مساء الخير
هند: مساء النور حبيبي
عبدالعزيز: اشوفك رايقه
هند: اي ليه ماأروق الحمدلله
عبدالعزيز: كويس بكلمك بموضوع
هند: الله يستر تكلم
عبدالعزيز ابتسم: ابي اتزوج خلاص
هند فررررحت من قلبها: اخيييرًا مابغينا
ضحك عبدالعزيز: خلااص ماعاد فيها انتظار اكثر ببدأ رتبت الموضوع فبالي وكل شيء ممهد
هند: خلاص ماعليك انا اعرف ذوقك وبختارلك بنت تعجبك
عبدالعزيز: لا انا مختار البنت خلاص
هند ضحكت وضربت كتفه: مب هيّييين والله مين سعيدة الحظ؟
عبدالعزيز ابتسم: اصيل
هند باستغراب: اصيل بنت سيف؟
عبدالعزيز: ايه بنت عمي ليه نبعد؟
هند: والله ابرك الساعات وخير ماأخترت، بس تعرف غلاتها عند ابوها مااتوقع يوافق بسهوله الا وهو ضامنك وضامن مستقبلها معك
عبدالعزيز: الارض الي عطاني اياها ابوي بتخرجي بنيت نصها وماباقي لي كثير، مبالغ اجارات كثير موجوده مالمستها يعني مبدئيًا المهر جاهز وابوي ماهو مقصر معي اكيد
هند: خلاص ابد اول فرصه مناسبه بكلم سيف فيها
عبدالعزيز مايبي بتال يسبقه: يعني وش ممكن يكون الوقت المناسب غير الحين دقي عليه
هند: جالس يجهز لشهر العسل مب فاضي لا لك ولا لأصيل
عبدالعزيز: يمه تكفيين نبي لو كلام عشان نضمن وضعنا
هند: اف شكثر مزعج خلاص بكلمه لاتزعجني
على العشاء جالسين سيف ومريم ياكلون
سيف: انا اشوف اجواء هالايام يبي لها جزيره، نروح المالديف او بالي افضل شيء
مريم: مو مشكله بس بنروح مدينه بعد خلينا نتسوق من برا
سيف ضحك: احس حنيت للندن شكلنا بنروح نتسوق هناك
مريم: صدق ليه جلست كل هالعمر بلندن بعيد عن اهلك؟ اشوف ان شغلك ناجح هنا
سيف تغيرت ملامحه: اصيل ماكان ودها ترجع وانا تعودت على الحياة هناك وكنت ماشي صح بشغلي ف صعب علي اني اترك كل شيء وارجع بسهوله كذا، لولا تعب ابوي ماتركت الشغل الي هناك
انقذه اتصال هند
سيف: هلا بالقاطعه يومين ماشفت لك اتصال
هند ضحكت: توك عريس خذ راحتك لاحق على ازعاجي
سيف: فجأه عقلتوا كلكم يومي صار بدون ازعاجك وبدون ازعاج اصيل ماتعودت
هند: لا اذا على اصيل من الحين اقول لك تعود
سيف: كيف يعني؟
هند: عبدالعزيز مزعجني يبيها كانك بتعطينا اصيل قولها وفكني منه واذا مابتعطيها عاد انت وبنتك الخسرانين حاصل لكم ولدي
سيف ضحك: افاا عشقان الولد وانا اخر من يدري؟ والله العيال كبروا ياهند صارو يخطبون وينخطبون شيبنا خلاص
هند: ماعاد باقي بالعمر شيء ياسيف خلهم يعيشون الي ماعشناه بس
سيف فهم قصدها بأنه يترك القرار لأصيل ومايظلمها زي ماأنظلموا هم بزواجاتهم: ابد ماعليك القرار قرارها بالنهاية وعبدالعزيز ولدنا ويشرفنا والله
هند: خلاص اجل ماأطول عليك
قفلت هند وابتسمت بعد ماسمعت ضحكة سيف وصوته الي واضح مبسوط ومرتاح
سيف ابتسم والتفت لمريم: عبدالعزيز ولد هند يبي يخطب اصيل
ابتسمت مريم: ماشاءالله الله يتمم لهم على خير
سيف: ماودي اكلم اصيل الحين ابي تركز بدراستها بس ماودي اطول عليهم بعد
مريم: وش صار على هديتك لها؟
سيف: سيارتها؟ توصل هاليومين لازم تستلمها قبل نسافر
مريم: كلمها بعد الهديه اجل بتكون هدت وتسمع رايك بعد
سيف: صادقه، بكره لازم اكلمهم واشوف متى يوصلونها بالضبط
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
