في الليل
بعد مانامو الكبار جلسو البنات سوا والعيال سوا
كانت جلسة العيال متوتره بسبب بتال وعبدالعزيز طفش بتال من الوضع وطلع برا يدخن ولحقه معاذ
معاذ سرحان بالطريق ومد يده لبتال: عطني زقاره
بتال: سلامات من متى؟
معاذ: احتاجها بجرب لو بتصفي راسي
اعطاه بتال الباكيت وناظر الطريق معاه: وش فيك
معاذ: لاتسألني ماأقدر اتكلم
بتال: من متى مانتكلم لبعض؟ احد مضايقك
ضحك معاذ: هل انا ساكت وهادي لدرجة بنظركم يضايقني احد وماأدافع عن نفسي؟
ناظره بتال بنص عين: وش فيك انت؟
معاذ نفخ الدخان من فمه: بديت احس ان مالي وجود حتى بعيون الاشخاص الي اهتم لهم
بتال: الاشخاص الي يهتمون لك مستشعرين وجودك ويعني لهم وهذا المهم ، الي مايشوفك لاتشوفه عز نفسك
معاذ: واذا ابي الشخص يشوفني؟
بتال رفع كتوفه: خش بعينه
معاذ بضحكه: زي الي تسوينه مع اصيل؟
بتال خزه: سد فمك لاأسده لك
معاذ تأكد ان بتال مهتم لأصيل لانه صار يتدخل بكل شيء يخصها : قم قم ننام بس
دخلو العيال الفيلا ينامون تحت عشان يتركون البنات فوق زي العاده
لما ناموا تسحب معاذ وطلع للحوش فتح محادثة مهره الي اخذ رقمها من جوال امه بدون مايعرف احد وتردد كثير بأنه يرسل لها وارسل: لاتقولين لأحد اني ارسلت لك .. اذا ناموا البنات انزلي تحت ابيك
مهره فتحت المحادثه بأستغراب وارسلت: مين؟
معاذ: انا معاذ
مهره: بتال فيه شيء؟؟
معاذ: مافي شيء تطمني، ابيك بموضوع ثاني
انصدمت مهره من رسالته وكانت بترفض بس جاها فضول بتعرف وش يبي، لما كانو اطفال كان فيه شرارة اعجاب صغييييره بقلب مهره لمعاذ بس معاذ كبر وصار بقلبه برااكين مو شراره
وفعلًا لما نامو البنات نزلت مهره وهي متوووتره وخايفه احد يشوفها اول مافتحت الباب شافت معاذ جالس على الكنب بالحوش توجهت له ووقفت وهي ساكته
معاذ نسى كل الكلام الي رتبه عشان يقوله لها بعد صمت قال: اجلسي
مهره: ناديتني عشان اجلس؟ تكلم بسرعه قبل يصحى احد يشوفنا
معاذ استوعب موقفهم وتوتر: صدق انا مارتبت كلامي بس ماأدري كيف ارتبه اصلًا ولا ادري لو بتصدقينه او تحسبيني مو جاد فيه..
قبل يكمل كلامه سمعوا صوت باب انفتح مسك يدها وركض للمجلس وقفل الباب
مهره بنبره خايفه مره: مافيه مفتاح؟؟ اخاف احد يجي
مسك معاذ يدها: ااشش اهدي ظلام محد بيجي
مهره سحبت يدها بقوه: شفيك انت؟
معاذ سكت شوي: انتي
وبعد صمت اخر.. انتي الي فيني، مهره انا أحبك ولا كنت عارف كيف اقول لك ولاأدري وش تشوفيني حتى، فكرت كثير قبل اجي اقول لك هالكلام بس صرت احسك ماتشوفيني اصلًا! ولا كأن لي وجود بالمكان الي تدخلينه لأنك دايمًا تدخلينه بالغلط .. ماأدري انبسط بجيتك ولا ازعل لانه بالغلط
سكتت مهره ماتدري وش تقول ومعاذ يتمنى لو يقدر يفتح النور ويشوف ملامح وجهها يمكن يقرأ فيها اجابه
معاذ: ماراح اطلبك رد الحين بس عطيني فرصه وبتشوفين اني صادق بكل حرف قلته لك
مهره من لما كانو اطفال كانت مستبعده حب معاذ لها لأنها اكبر منه اصلًا بس معاذ قرر يرمي كل العوائق التافهه ويعترف خلاص
مهره بعد صمت مانطقت فيه ولا حرف قالت: تأكد من فيه ابي اطلع
حس معاذ بخيبه شوي وطلع تفقد الحوش وارسل لها: مافي احد ادخلي وانا بدخل بعدك احتياط
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
