ثاني يوم الككل واقف على قدم وساق لخطبة أعز واغلى حفيده ولأستقبال عائلة تجار من مستوى عائلة الجد خليفه
بعد العصر طقت اصيل باب غرفة مهره ودخلت بيدها ستاربكس وقالت بمزح: كيف احوال العروسه؟
مهره بنفسيه وهي مخنووقه: أصيل اسكتي عني
ضحكت اصيل واعطتها قهوتها: روقي روقي ماتسوى عليك كل هذي النفسيه
التفتت لها مهره بأستغراب: شايفه اني بوضع يسمح لي اروق؟
سندت اصيل ظهرها للتسريحه ووقفت تتقهوى: انا شايفه انك بوضع صعب انتِ حاطه نفسك فيه! لو طلعتي الحين وقلتي انك رافضه اقصى شيء ممكن يصير انهم يزعلون منك يومين وانتِ الي حطيتي رضاهم فوق رضاك مالك حق تزعلين من وضعك صراحه
كان كلام اصيل قاسي شوي عليها لكن خلاها تستوعب انها فعلًا حطت نفسها بهذا الموقف وهذا الي كانت اصيل تبي توصله بقسوتها ان مهره تصحى على نفسها
مهره بتردد: معاذ الى الان ماأرسل شيء ولا تراجع عن كلامه
تنهدت اصيل: كل رجال هذي العائلة فيهم نفس الأطباع ، المكابره والغرور وعزة النفس ولو بتبقين تدورين رضاهم بتضيعين نفسك وانتِ ماحصلتي على رضاه وشوفيني اكبر مثال قدامك
ناظرتها مهره الغرقانه بحيرتها: طيب وش اسوي الحين؟
اصيل: بخصوص ايش؟
مهره: كل شيء
مسكت يدها اصيل بحنيه وأبتسمت: انا ماأقدر املي عليك وش تسوين هذي حياتك وقراراتك يامهره اعطيتك رأيي ولك حرية التصرف
شدت مهره على يدها وتنهدت: محتااره
اصيل: اذا تبين رايي؟ حتى لو معاذ يحبك ترا تنازل من اول عائق وقال لك وافقي ماحاول اكثر
دمعت مهره: هذا الي قاهررني احس بحبه لكن ماأشوف شيء يثبت لي
اصيل: عشان كذا اطلعي لأهل الولد وأستخيري ولو ارتحتي وشفتي انه انسان مناسب لك لاتوقفين نصيبك عشان جبان ماتجرأ يقول لك لاتوافقين انا أبيك
تنهدت مهره وسكتت تفكر لثواني: ساعديني بالميكب
ضحكت اصيل وحضنتها: هذا الي ابي اسمعه ، قرارك انتي بدون اي ضغط من احد
حضنتها مهره وأبتسمت: ماأدري وش كنت بسوي بمواقف كذا بدونك
رفعت اصيل شعرها: انا بحط لك الميكب ، قررتي ايش تلبسين؟
مهره: ايوه بلبس فستان بينك ناعم
بدت أصيل تجهز الميكب: بحط لك لاتيه ميكب
طق الباب ودخلوا ليان ولين
ليان بأبتسامه: ايووه مهره اشوف وجهك اسفهل اليوم
ضحكت مهره: ايه قررت اشوف الوضع مابي انفس وانا ماأدري وش بيصير
ليان: برافو عليك والله قابلي اهله وشوفي العائلة كيف واسألي عن الولد واذا كان كويس وارتحتي ليش ترفضينه
لين: اهم شيء استخيري
مهره: ادعولي بس اتخذ قرار سليم لأني محتاره ومتشتته
لين: الله يوفقك حبيبتي
ليان: بالتوفيق ولاتتوترين بالعكس اهدي وروقي
مهره: وش رايكم وش اسوي بشعري
اصيل: رأيي انك ماتحركين راسك خليني اعرف اركز بالميكب
ضحكت مهره: طيب
ليان: خليه ستريت ، خلي شكلك هادي وطبيعي اكثر
أستمروا البنات بالتجهيزات مع مهره الى ان وصلو الضيوف بعد المغرب ووصلت مهره ذروة توترها
وبجهه أخرى معاذ بذروة غضبه وصراعاته مع نفسه
وكان مضطر يستقبل الضيوف بكل رحابة صدر وأبتسامة رغم ان ضلوع صدره ماتوسع حتى لأنفاسه ، وبعد ماأستقبلوهم ورحبوا فيهم
همس الجد لمعاذ: اوقفوا انتو قهووهم وطلعوا القهوجيين
ناظره معاذ بأستغراب والتفت لأبوه
ابو معاذ: هذي عاداتهم يعتبرونه عدم تقدير لو القهوجي الي يقهويهم
يوسف "ابو حمد": ياأبو فيصل احنا جاييك نبي القُرب منك وماراح نلاقي اعز وأطيب منكم
ابتسم له ابو فيصل: هذي الساعه المباركه والله ، الرجال شرواكم نسابتهم تنشرى بفلوس
ابو حمد: وحمد ماسك لنا تجارات كثير ورجال تعتمد عليه بكل امور الحياة انسان مصلي مسمي ماله باللعب ابد
وقف معاذ عند حمد يقهويه وهو يناظره بحده بدون مايحس ، كان وده يفرغ الدله على راسه
فيصل:ماشاءالله ، حمد موظف ولا بس شغلك بالتجاره؟
حمد: درست ادارة وتخرجت لكن شفت ان الشغل مع ابوي يناسبني اكثر واساعده بشغله بعد
وحده من الاشياء الي بدأت تحرق صدر معاذ اكثر ان حمد ماكان ينقصه اي شيء مبدئيًا رجل كامل وبدأت ملامح الرضا والاقتناع عليهم ، ترك الدله وطلع برا عند الباب يحاول يستجمع انفاسه وفتح جواله يبي يرسل لمهره مايدري ايش يبي يقول لكن ماراح يبقى ساكت في هذي المرحلة
قبل يرسل طلع وراه حمد وقف عند الباب يدخن
خزه معاذ: حشم البيت الي انت واقف قدامه والناس الي جاي تخطب منهم!
ناظره حمد بهدوء وبرود: وش مشكلتك انت؟ نظراتك وتصرفاتك مامرَت ولا راح تمر ترا
ضحك معاذ بأستفزاااز: ولا بتمر؟ تهددني ببيتنا انت ماتستحي على وجهك؟
حمد: افهمها زي ماتبي
معاذ: خلك رجل زي مايقولون عنك داخل ونفذ بدون تهديد
ابتسم حمد بهدوء: حاليًا بسكت لك عشان تتم الخطبه لكن أبيك تتأكد ان موضوع تشكيكك برجولتي تحديدًا ماراح يعدّي عليك
تفل معاذ على الارض قدامه وقال وهو داخل: ضيفها لقائمة تهديداتك
واهانته هذي لحمد كانت كافيه انها تخلي حمد يغلي من جوا وحلف انه ماراح يسكت
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
