ظهر اليوم الثاني صحى معاذ يتألم من جروحه فتح جواله وشاف رسايل من بتال ونواف وكل اصحابه يتطمنون عليه ابتسم وقفل جواله وقام بصعووبه ياخذ ادويته
في بيت هند دخل عبدالعزيز الصاله عند امه بعد اتصال منها
عبدالعزيز وعينه بالارض: امري
ناظرته هند بحده: اجلس
جلس عبدالعزيز قدامها ينتظرها تتكلم
هند: اذا تبي ترجع البيت تروح لسيف اول وتجيب ولدك من عنده ، وتتزوج السلقه الي فضحتونا انت وهي وتستر نفسك من هذي الفضيحه
عبدالعزيز: ابشري راح اجيبه ، لكن هي ماراح تتزوجني انا ادري وش اسوي؟
هند: تتصرف
تنهد عبدالعزيز: ابشري
هند: وش تنتظر؟ روح لسيف الحيين
وقف عبدالعزيز: تروحين معاي؟
هند: اروح وش اسوي؟ ارقع سواد وجهك؟ تحرك بس وتأكد ان سيف بالبيت قبل تطق بابه
طلع عبدالعزيز وهو مضغووط من اسلوب امه معاه لكن مابيده شيء الا يداريها عشان ترضى
اتصل على انتصار وهو متضاايق
انتصار: هلا حبيبي
عبدالعزيز: كيفك؟
انتصار: بخير وانت
عبدالعزيز: الحمدلله ، فيصل بالبيت؟
انتصار: لا وش فيك
عبدالعزيز: بمرك اذا فاضيه
انتصار: اكييد ياروحي حياك
ابتسم عبدالعزيز وهو عارف انها ماراح تصده لو الكل وقف بوجهه: الله يبقيك ، دقايق وأكون عندك
بدلت انتصار وجهزت القهوة وجلست معاه تهديه وتقنعه يداري امها الى ان ترجعه البيت
عبدالعزيز: الحين اروح لعمي سيف وش اقوول له بالله هات ولدي الي عندكم؟
انتصار: خلاص انا بروح معاك لاتشيل هم وانا الي بتكلم
عبدالعزيز: بكل الاحوال ماالي وجه اتكلم افهميني
انتصار: ليه مالك وجه؟ لاتحط نفسك بمصيبه وموضوعك تافه خلاص
عبدالعزيز: اصلًا عمي سيف ماهو موجود ولا ادري متى بقابله وتكونين فاضيه
انتصار: بكون فاضيه بكل وقت ماعليك
صحت اصيل من اتصال شهد
ردت بصوت نايم: هلا
شهد: نايمه ماداومتي؟
اصيل بخموول: لا ماعندي دوام
شهد بحماس: جايبه لك خبر
اصيل: وش
شهد: حفلة مجيييد نهاية هالاسبوع بالرياض
جلست اصيل بحماس: تمزحييين
شهد: والله ، وازهليني بموضوع التكت
صرخت اصيل: اعشققك شهد
ضحكت شهد: والله ماأخليها بخاطرك ، امووت عليك
حطت اصيل يدها على راسها: اف حماس مره قريب ، اي يوم بالضبط؟
شهد: الجمعة
اصيل: موعدي الجمعة!!!
شهد: يووه كذابه
اصيل: بالطقاق الموعد مجيد اهم
شهد: مب على كيفك والله ان تروحين له
اصيل: يووه شهد الموعد يتأجل عادي ، وش بنلبس بس؟
شهد: انا ودي اخذ عباية جديدة ، نطلع المول اليوم؟
اصيل: اوكي تمام بس نرجع بدري عشان اذاكر
شهد: اجل قومي تجهزي نطلع الحين
اصيل: يلا بس انتظريني اخذ شاور
قفلت اصيل وقامت تاخذ شاور وتلبس
نزلت مهره للصالة وكانوا امها وابوها يتقهوون باست روسهم وجلست: غريبه يبه مو بشغلك
ابو فيصل: احس اني مرهق ومالي خلق اروح
مهره: بسم الله عليك ليه يوجعك شيء
ابو فيصل: لاوالله بس ارهاق
ام فيصل: انتي كيفك الحين حبيبتي؟
مهره بأستغراب: كويسه مافيني شيء
ابو فيصل: لايضيق صدرك على موضوع الخطبه ياقلبي يمكن هذي رسالة من ربي انه شخص مايناسبك والله بيعوضك بالافضل ان شاءالله
استوعبت مهره الموضوع وابتسمت: شدعوه مافكرت بالموضوع ابدًا والله ، ماكان عاجبني من البداية وافقت انهم يجون عشان ماأزعلكم بس
ابتسم ابو فيصل وقام باس راسها: الله لايحرمني منك ، انا بروح لمجلس ابوي
وقفت مهره معاه: بجي معك
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
