انصدم باسل من وجود شهد بس حاول يتغاضى قدام العيال
لكن ماكان اقل من صدمة شهد الي اول مادخلت قالت لها اصيل: وش فيك؟
شهد: باسل وش يسوي عند بيتكم؟
اصيل حاولت تربط الأمور ببعض: اي باسل؟ ولد عمتي حصه عادي
وبعد صمت اصيل حطت يدها على فمها وقالت بصرخه: هو نفسه حبيبك؟؟
شهد لازالت اثار الصدمه على وجهها: يمه ياصغر الدنيا
طلعوا للغرفه وهم للحين يهوجسون بالموضوع وقطعت هواجيسهم اصيل وهي تقول لشهد الي صار مع مريم
شهد: هي غلطانه وانتي شادتها معها بزياده
اصيل: لا ماني شادتها ليه تتطفل كذا؟
شهد: اصيل انا مو ضدك وانتي تدرين بس انا صديقتك ومحد بيكون صريح معك غيري، من قبل تدخل البيت اصلًا وانتي شادتها معها ف سواء غلطت او ماغلطت انتي تدورين الزله عليها
قبل ترد اصيل قاطعتهم رسالة لجوال شهد
شهد: باسل يسألني وش تسوين بالبيت هذا
اصيل: انتي ماقلتي له؟
شهد: بس قلت اني طالعه لصاحبتي، تحسين لو عرف بتصير فجوه بيننا او شيء؟
اصيل: لا مااتوقع باسل دايمًا هادي واحسه عاقل بس اكيد انتي ادرى
شهد: اصيل شافني ادخل بيت خواله وانا حبيبته! هو كل خوفه يصير شيء يمنع زواجنا
اصيل: تراك مو داخله تسوين مشكله ولا قاصده، جايه لصاحبتك لاتعطينه اهميه وتكبرين الموضوع بعينه
تنهدت شهد وردت عليه: قلت لك رايحه بيت صاحبتي بس انت الي وش تسوي؟
باسل: مين صاحبتك؟ هذا بيت خوالي
شهد سوت نفسها مصدومه: منجدك؟؟ انصدمت مره لما شفتك
باسل: مين صاحبتك وتدري بعلاقتنا ولالا؟
شهد ناظرت اصيل: اقول له انك تدرين بعلاقتنا؟
اصيل اعطتها قهوتها: لا هو متحفظ مره ومابيستفيد لو عرف اني ادري، خلاص تقهوي وطنشي الموضوع بقولك سالفة المجنون الي بلكني واضح اليوم مو يومنا
ردت عليها شهد: اصيل، لا ماتدري
نزلت جوالها وجلست اصيل تروي لها الي صار مع بتال من مكالمتهم الى ان بلكها
اول ماوصلت رسالة شهد لباسل زفر بضيق وقفل جواله
بتال: وش فيك؟
باسل: تتوقعون حياتنا المستقبليه كيف بتكون؟
معاذ بضحكه: هذي هواجيس الوادي بالليل اعرفها
بتال طلع الباكيت شغل زقاره وجلس يدخن: انا ماأحس الاقدار واقفه معاي ابدًا
معاذ: وش فيكم اليوم انتوا
باسل: تهقون بناخذ من حياة اهلنا شيء؟
معاذ: من اي ناحيه؟
باسل وهو يسند ظهره ويناظر من المطل: كلهم مُقرر لهم وش بيعيشون قبل يقررون هم! وش بيتوظفون من بيتزوجون وين يعيشون
معاذ: لا احس اهلنا عاشو شيء ماراح يسمحون لنا نعيشه
بتال ناظره بطرف عين: اهلنا راضيين بهذي الحياة ويشوفونها من منظورهم افضل حياة كريمه تقدمت لهم، شوفهم وش كثر ناقدين على عمك سيف لانه يبي يعيش زي مايبي
باسل ضحك: من متى وانت تنصف عمي سيف
بتال وهو ينفخ الدخان من فمه: لاني شفت الحقيقه بعيني الحين
كملوا سهرتهم وكلامهم وهم مستمتعيين بجو الوادي في الليل
دخل سيف للبيت وتوجه لمريم الي تقفل الشنط
سيف: خلاص اكيد مو ناقصك شيء؟
مريم بدون ماتناظره: مو ناقصني شيء
سيف: وش فيك؟
مريم: مافيني شيء بس بنام اليوم كان طويل
استغرب سيف بس تركها على راحتها ودخل ينام هو بعد
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
