Chapter 76 – လုရှရဲ့သတိပေးချက်
.
ဒီနေ့တွင် လုရှနဲ့စွင်းရှန်းနန်တို့သည် အတူအလုပ်ပြီးစီးသွားကြပြီးတော့ ထိုစကားဝိုင်းကိုကြားလိုက်ကြသည်။
စွင်းရှန်းနန်သက်ပြင်းရှိုက်လိုက်သည်။
" ရဲဘော်ကျန်းရဲ့အခြေအနေကသိပ်မကောင်းဘူးလို့ ငါထင်တယ်"
လုရှပဟေဠိဖြစ်သွားသည်။ " ဘာဖြစ်လို့လဲ? ချွင်းယန်ဆိုတဲ့ဒီမိန်းကလေးကြောင့်လား? သူအဲ့ဒီကောင်မလေးကိုလက်မထပ်လောက်ပါဘူး"
သူမကကျန်းကျွင်းမော့နဲ့မကြာခဏအတူသွားချက်ပြုတ်စားသောက်တတ်လို့ သူနဲ့ပတ်သတ်ရင်သူများတွေထက်အများကြီးပိုသိတာကြောင့် ဒီကိစ္စနဲ့ပတ်သတ်ပြီး လုရှအတော်လေးသေချာပါသည်။ သူကကျန်းမာရေးမကောင်းသော်ငြား သူ့မှာအတော်လေးမြင့်မားတဲ့ကိုယ့်ကိုကိုယ်တန်ဖိုးထားမှုရှိသည်။ သူကရွာသူမလေးတစ်ယောက်ကို စိတ်ဝင်စားမှာမဟုတ်ပေ။
ဒါပေမဲ့ စွင်းရှန်းနန်သက်ပြင်းထပ်ရှိုက်လိုက်သည်။
" ရဲဘော်ကျန်းကဒီမိန်းကလေးချွင်းယန်ကိုစိတ်မဝင်စားလောက်တာ ငါသိပါတယ် ဒါပေမဲ့ ချွင်းယန်ကရွာစာရင်းကိုင်ရဲ့သမီး သူကရုပ်ရည်ကြည့်ကောင်းတော့ ရွာထဲမှာအမြဲလူကြိုက်များထင်ရှားခဲ့တာ ရွာလူကြီးသမီးကလွဲရင် ဘယ်သူမှသူနဲ့မယှဉ်နိုင်ဘူး
ရွာထဲကအမျိုးသားအများအပြားကသူ့ကိုသဘောကျကြပေမဲ့ အလယ်တန်းကျောင်းကဘွဲ့ရပြီးတော့ သူကမြို့သားကိုပဲရှာဖို့ အမြဲရည်စူးထားခဲ့တာ ဘာကြောင့်လဲတော့မသိပေမဲ့ သူကအခုရဲဘော်ကျန်းကိုစိတ်ဝင်စားနေတာ ရဲဘော်ကျန်းသာသူ့ကိုငြင်းလိုက်ရင် နောက်ဆိုရဲဘော်ကျန်းအတွက်ခက်ခဲသွားနိုင်တယ်
နောက်ဆုံးမှာတော့ စာရင်းကိုင်တို့မိသားစုကသူတို့သမီးကိုဖူးဖူးမှုတ်အလိုလိုက်ထားတာလို့ကြားတယ်"
ဒီအကြောင်းကြားလိုက်ရပြီးနောက် လုရှလည်းကျန်းကျွင်းမော့အတွက်စိတ်မကောင်းဖြစ်သွားသည်။ ကျန်းကျွင်းမော့ရဲ့မိသားစုအခြေအနေကမဆိုးရွားလောက်တာကို လုရှတွေးကြည့်နိုင်ပေမဲ့ သူတို့အခြေအနေကကောင်းတယ်ဆိုရင်တောင် အခုချိန်မှာဒီကိုလက်လှမ်းမမှီနိုင်လောက်ပေ။
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零：我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.
