Chapter 87 – မိသားစုအခြေအနေ
.
ကျန်းကျွင်းမော့ရဲ့မိဘတွေသည်အာဇာနည်တွေဖြစ်ကြပြီး သူမွေးဖွားပြီးနောက်သိပ်မကြာခင်မှာ တိုင်းပြည်အတွက်အသက်တွေစွန့်လွှတ်စတေးခဲ့ကြသည်။ ထို့ကြောင့် သူ့ကလေးဘဝတွင် ဦးလေးဖြစ်သူရဲ့မိသားစုနဲ့အစ်မလေးယောက်ရဲ့ ပြုစုစောင့်ရှောက်ပေးပြီး ကျွေးမွေးပျိုးထောင်တာခံခဲ့ရသည်။
သူ့ဦးလေးမိသားစုကသူ့ကိုအလွန်ကောင်းမွန်စွာ ဆက်ဆံခဲ့သည်။ သူကျန်းမာရေးမကောင်းဖြစ်နေချိန်မှာပင် သူတို့ကသူပြန်ကျန်းမာလာအောင် နည်းလမ်းအမျိုးမျိုးကြိုးစားကာ ကူညီပေးခဲ့ကြပြီး သူတို့သားအရင်းထက်ပင် သူ့ကိုပိုကောင်းကောင်းဆက်ဆံသည်။
တကယ်တော့ ဒီကျေးလက်သွားဖို့တာဝန်က မူလကသူ့ဦးလေးရဲ့သားအတွက်ရည်ရွယ်ခဲ့တာဖြစ်သည်။ ဒါပေမဲ့ သူ့ဝမ်းကွဲရဲ့ကလေးဘဝတည်းကအိပ်မက်က စစ်သားတစ်ယောက်ဖြစ်လာဖို့ပါပဲ။
ဒါပေမဲ့ အစိုးရမူဝါဒအရ မိသားစုတိုင်းကကျေးလက်ကိုမိသားစုဝင်တစ်ယောက် လွှတ်ရမှာဖြစ်ရာ သူ့ဝမ်းကွဲနဲ့သူအပြင်မိသားစုထဲမှာ လိုအပ်ချက်နဲ့ကိုက်ညီတဲ့သူတခြားဘယ်သူမှမရှိပေ။ သူကကျန်းမာရေးမကောင်းတာကြောင့် သူ့ဝမ်းကွဲကစစ်သားတစ်ယောက်ဖြစ်လာဖို့အိပ်မက်ကိုလက်လျှော့ပြီး အဲ့ဒီအစား ပညာတတ်လူငယ်တစ်ယောက်အဖြစ်ကျေးလက်ကိုသွားရန် ဆုံးဖြတ်လိုက်သည်။
ဒါပေမဲ့ သူ့ဝမ်းကွဲစစ်တပ်ထဲဝင်ခွင့်ရစေဖို့အတွက် ကျန်းကျွင်းမော့ကကိစ္စတွေကိုကိုယ့်ဘာသာကိုင်တွယ်လိုက်ပြီး သူ့အတွက်သူတိတ်တိတ်လေးစာရင်းပေးသွင်းလိုက်သည်။ ဒီအကြောင်းကိုသူမိသားစုသိသွားချိန်မှာတော့ နောက်ကျသွားလေပြီ။ သူ့ဦးလေးကသူ့နေရာကိုဝမ်းကွဲနဲ့အစားထိုးချင်ခဲ့ပေမဲ့ သူကငြင်းဆန်ခဲ့ပြီး အဖိုးကိုပင်တောင်းဆိုခဲ့ပေမဲ့ အဖိုးဖြစ်သူကလည်းသူ့ကျန်းမာရေးကို စိတ်ပူသည်။
နောက်ဆုံးတွင် သူကကျေးလက်မှာကောင်းကောင်းလုပ်ပါ့မယ်လို့ အထပ်ထပ်ကတိပေးခဲ့ပြီးတော့မှ သူတို့ကတုံ့ဆိုင်းစွာသဘောတူပေးခဲ့ကြသည်။
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零：我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.
