Chapter 80 – အဖြစ်အပျက်များနောက်ကွယ်ကလက်သည်
.
ချန်းအာ့ကိုသူမအများကြီးလုပ်လို့မရဘူးဆိုတာ လုရှသိပေမဲ့ ဒီလောက်အလွယ်တကူလွှတ်ပေးလိုက်ဖို့လည်းဆန္ဒမရှိပေ။
ကျွမ်းဟုန်မိန်သူမကိုပစ်မှတ်ထားတဲ့အကြောင်းတွေးကြည့်လိုက်တဲ့အခါ ပွင့်ပွင့်လင်းလင်းပဲပြောလိုက်သည်။
" နင်ဒီအတိုင်းပဲထွက်သွားလို့ရမယ်လို့ထင်နေတာလား? အဲဒီလောက်လွယ်မနေဘူး"ချန်းအာ့ ဆွဲဆွဲငင်ငင်အော်ငိုလိုက်သည်။
" မမလေးရယ် ကျုပ်မှားသွားပါတယ်ဗျာ ကျုပ်ကိုတခြားဘာများလုပ်စေချင်နေသေးတာလဲ?"လုရှ သရော်တော်တော်ပြုံးလိုက်ပြီး တိုက်ရိုက်ပြောလိုက်သည်။ " နင်ဇနီးတစ်ယောက်လက်ထပ်ယူချင်တယ်မဟုတ်လား? နင့်ကိုမိန်းမရှာဖို့ငါကူညီပေးမယ်"
ချန်းအာ့ကြက်သေသေသွားပြီး မသိစိတ်နဲ့အလိုလိုမေးလိုက်မိသည်။
" ဘယ်သူ့ကိုလက်ထပ်ရမှာလဲ?"လုရှသည်အဓိပ္ပာယ်ပါပါလေသံနဲ့ပြန်အဖြေပေးလိုက်သည်။
" ဒါပေါ့ နင့်ကိုပြဿနာတွေဒီလောက်အများကြီးဖြစ်စေခဲ့တဲ့သူပဲပေါ့"ချန်းအာ့သည်ငတုံးမဟုတ်ရာ ချက်ချင်းပင်သူမဆိုလိုတဲ့အဓိပ္ပါယ်ကို သဘောပေါက်သွားသည်။ ဒါပေမယ့် သူကအနည်းငယ်ချီတုံချတုံဖြစ်သွားသည်။ သူကဇနီးတစ်ယောက်လိုချင်ပေမယ့် တိကျတဲ့စံသတ်မှတ်ချက်လည်းရှိသည်။ သူလိုချင်တဲ့သူကပညာတတ်လူငယ်လုလောက် ရုပ်ရည်ကြည့်မကောင်းရင်တောင် ဘာပဲဖြစ်ဖြစ်အလုပ်လုပ်နိုင်တဲ့သူဖြစ်ရမည်။
ကျွမ်းဟုန်မိန်ကရွာထဲမှာ ကောင်းမွန်တဲ့ဂုဏ်သတင်းမရှိသလို အလုပ်လုပ်ရာ၌လည်းမတော်ပေ။ ထို့ကြောင့် ချန်းအာ့အနည်းငယ်ဝန်လေးမိသည်။
သူ့မျက်နှာပေါ်ကအထင်သေးမှုကိုသတိပြုမိလိုက်တော့ လုရှမှာပြောစရာစကားပျောက်ရှသွားရသည်။ ကျွမ်းဟုန်မိန်ကဆိုးရွားလွန်းလို့ ရွာရဲ့ပြဿနာကောင်ချန်းအာ့ပင် သူမကိုအထင်သေးမယ်လို့ မမျှော်လင့်ထားခဲ့မိပေ။ ထို့ကြောင့် သူမအေးစက်စက်ပြုံးလိုက်ပြီး...." နင်အခုချေးများနေတာလား? သူကမကောင်းကောင်းမကောင်းနိုင်ပေမယ့် ပညာတတ်လူငယ်တစ်ယောက်လေ နင်ကရော? နင်ကဘာမို့လို့လဲ?"
STAI LEGGENDO
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零:我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.