Chapter 84 – တရားဝင်အထောက်အထားတွေနဲ့ ထောက်ခံစာ
.
ဒါပေမဲ့ ရွာလူကြီးသည်ခဏလောက်တုံ့ဆိုင်းနေသည်။
ရှစ်ချွင်းယန်ဘာတွေတွေးနေတာလဲဆိုတာ သူမသိပေမဲ့ လက်တလောမှာသူမရဲ့ကျန်းကျွင်းမော့နဲ့အရှုပ်အထွေးက ရွာထဲမှာအတော်လေးအုတ်အော်သောင်းတင်းဖြစ်ခဲ့သည်ပင်။ ဒါတွေကိုရပ်တန့်ဖို့ကျန်းကျွင်းမော့က မည်သည့်အပြုအမူမှလုပ်ဆောင်ခဲ့သည်ကိုမမြင်ခဲ့ရတာကြောင့် ပြောစရာမလိုပဲသိသိသာသာသဘောတူထားတာဖြစ်နိုင်တယ်လို့ ထင်ခဲ့သည်။
သူသာလုရှနဲ့ကျန်းကျွင်းမော့အတွက်ထောက်ခံစာနဲ့ တရားဝင်အထောက်အထားထုတ်ပေးလိုက်မယ်ဆိုရင် ရှစ်ချွင်းယန်ကိုဆန့်ကျင်မိသွားနိုင်ချေရှိသည်။ ဒါပေမဲ့ သူတို့နှစ်ယောက်လက်မထပ်အောင်တားမြစ်ဖို့ကျ သူ့မှာအဲ့လိုလုပ်ဖို့အခွင့်အာဏာမရှိတာကြောင့် မထုတ်ပေးဖို့ကလည်းရွေးချယ်စရာတစ်ခုမဟုတ်ပေ။
ထို့ကြောင့် ရွာလူကြီးမှာဘေးကျပ်နံကျပ်အနေအထားဖြစ်နေလေသည်။
ရွာအတွင်းကစည်းလုံးညီညွတ်မှုကိုသိသွားပြီးနောက်မှာ လုရှသည်ဒါကိုကြိုတင်ခန့်မှန့်ထားပြီးသားဖြစ်သည်။ သူမကပြုံးကာ " ဒါ့အပြင် ရဲဘော်ကျန်းနဲ့ကျွန်မမှာနောက်ထပ်တောင်းဆိုစရာလေးရှိပါသေးတယ် ကျွန်မလက်ထပ်ပြီးသွားရင် ပညာတတ်လူငယ်များနေရာမှာဆက်နေဖို့ အဆင်မပြေတော့ဘူး ဒါကြောင့် အိမ်တစ်လုံးဆောက်ထားဖို့ ရွာကိုခွင့်ပြုချက်လျှောက်ချင်ပါတယ် အိမ်ကူဆောက်ပေးဖို့ ရွာသားတွေကိုအကူအညီတောင်းလို့ရမလား? လုပ်အားအတွက်ကျွန်မတို့ငွေပေးချေမှာပါ"
ဒီစကားတွေကြားလိုက်ရတော့ ရွာလူကြီးသည်အနည်းငယ်စိတ်ယိုင်သွားသည်။
ဆောင်းဦးသီးနှံရိတ်သိမ်းချိန်ပြီးနောက် ရွာထဲမှာအလုပ်များများစားစားမရှိပေ။ အရင်တုန်းကတော့ သူတို့သည်ခရိုင်ရဲ့လမ်းပြင်အဖွဲ့နဲ့ပေါင်းပြီး ကာယအားသုံးရတဲ့အလုပ်မှငွေနည်းနည်းပါးပါးရှာရန် ရာသီဥတုပိုအေးလာတဲ့အချိန်ရောက်ရန် စောင့်ဆိုင်းနိုင်သည်။ ဒါပေမဲ့ အားလုံးကခက်ခဲကြမ်းတမ်းတဲ့အလုပ်တွေဖြစ်ရာ ဆောင်းရာသီပြီးသွားရင် အရမ်းပင်ပန်းရသည်။ လုရှနဲ့ကျန်းကျွင်းမော့တို့ကသူတို့အိမ်အတွက် အလုပ်သမားတွေကိုငှားမယ်ဆိုရင် လူတိုင်းအတွက်ကျောရိုးကျိုးမတတ်လုပ်စရာမလိုပဲ အပိုဝင်ငွေတွေရှာနိုင်ပေလိမ့်မည်။
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零:我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.