Chapter 77 – အလုပ်များတဲ့ဆောင်းဦးသီးနှံရိတ်သိမ်းချိန်
.နှစ်ယောက်သားအထဲဝင်လာကြပြီးနောက် ပညာတတ်လူငယ်များနေရာကလူများသည် သူတို့ကိုလှမ်းကြည့်လာကြသည်။ ပိုပြီးတိတိကျကျပြောရရင်တော့ ကျန်းကျွင်းမော့ကိုကြည့်ကြတာပင်။
ခုနကရှစ်ချွင်းယန်ရဲ့အသံကို လူတိုင်းကြားသွားကြတာ ဖြစ်နိုင်သည်။ ကျန်းကျွင်းမော့သည်အနေရခက်တဲ့အခြေအနေထဲ ရောက်နေတာကိုမြင်လိုက်ရတော့ လုရှလက်ဦးမှုယူကာစကားပြောလိုက်သည်။
" ကျွန်မဖရဲသီးတွေဝယ်လာတယ် အတူတူခွဲစားကြတာပေါ့"ဒီစကားကြားလိုက်ရတော့ လူတိုင်းသည်အကြည့်တွေနေရာရွှေ့လိုက်ကြသည်။
" အိုး ဒီဖရဲသီးကကြီးလိုက်တာ ရဲဘော်လုကရွေးတဲ့နေရာမှာအမြင်ကောင်းကောင်းရှိတာပဲ ချိုလောက်မယ်ထင်တယ်"လုရှပြုံးပြုံးလေးနဲ့ပြန်ဖြေလိုက်သည်။
" ဦးလေးလီကကျွန်မကိုကူရွေးပေးလိုက်တာပါ ကျွန်မအတိုင်းဆိုမသိပါဘူး"တခြားသူတွေသည်ရယ်မောကာ လုရှကိုကျေးဇူးတင်လိုက်ပြီးမှ ဖရဲသီးခွဲကာစားလိုက်ကြသည်။ ထိုစဉ် ကျန်းကျွင်းမော့သည်အခွင့်အရေးယူကာ သူ့အခန်းဆီပြန်သွားသည်။
ဒါပေမဲ့ လူတိုင်းမှာအတွေးကိုယ်စီရှိနေကြဆဲပါပဲ။ ညနေစောင်းတွင် အမျိုးသမီးပညာတတ်လူငယ်များသည် အိမ်ထဲမှာအတူထိုင်ပြီးဝိုင်းဖွဲ့စကားပြောနေကြသည်။ လူတိုင်းကျန်းကျွင်းမော့အကြောင်းပြောနေတာကိုကြားလိုက်ချိန်တွင် လုရှသည်စွင်းရှန်နန်နဲ့အတူချည်ထိုးသင်ယူနေသည်။
ပညာတတ်လူငယ်အားလုံးသည် ကျန်းကျွင်းမော့အတွက်စိတ်မကောင်းဖြစ်သွားကြသည်။ ရွာခံလူတွေနဲ့ဒီလိုအရှုပ်အထွေးထဲပါသွားတာက ကံဆိုးတာပင်။ ပြီးခဲ့တဲ့အခေါက်ကအဖြစ်အပျက်ပြီးကတည်းက အမြဲလိုလိုနှုတ်ဆိတ်နေတတ်တဲ့ချန်းရွှယ်ပင် ဒီတစ်ခေါက်မှာဝင်ပြောလာသည်။
" ဒီရွာသားတွေမှာ ကိုယ်ပိုင်အမြင်တွေအကြံအစည်တွေရှိကောင်းရှိနိုင်ကြပေမယ့် တကယ်တော့သူတို့ကအတော်လေးစည်းလုံးကြတယ် ငါတို့နဲ့အတူကျေးလက်ကိုရောက်လာတဲ့ အမျိုးသမီးပညာတတ်လူငယ်တွေကြားမှာ ဝူယွီလို့နာမည်ရတဲ့မိန်းကလေးတစ်ယောက်ပါတယ် သူကအရမ်းလှလွန်းတော့ ရောက်ရောက်ခြင်းပဲရွာသားတစ်ယောက်ရဲ့အာရုံဖမ်းစားသွားတယ်
YOU ARE READING
အဆုံးမရှိတန်ခိုးထွားလှပါသောအမြောက်စာခင်ပွန်းသည်
FantasyGenre- Drama Fantasy Historical Romance Slice of Life Author(s)- 静似骄阳 Associated Names- 穿书七零:我的炮灰丈夫十项全能 Eng Name- Transmigrating into a Novel: My Cannon fodder husband is almighty This is not my work. JUST FUN TRANSLATION.