Betaယောင်ဆောင်သောမြို့အုပ်ကတော်
Part 38
-------------
ခုတင်ခေါင်းရင်းကိုမှီလို့ ဖတ်လက်စစာအုပ်ကိုပိတ်ကာ မျက်စောင်းထိုးက နာရီကိုကြည့်လိုက်တယ် ၉နာရီထိုးတိတိကို
ပြသနေပုံက ဒါကပုံမှန်အိပ်ချိန်ဖြစ်နေပြီ မြို့အုပ်၀မ်သက်ပြင်းချ
လို့အရှေ့ကိုကြည့်လိုက်တော့ ရှောင်ကျန့်က ကလေးနဲ့ဆော့နေတုန်း။"ဘယ်သူက ချစ်စရာအကောင်းဆုံးလဲ...သားသားပေါ့..."
"ခစ်...ခစ်..."
ကလေးမွေးပြီးရင် ကျန့်ကျန့်ကအပယ်ခံဖြစ်မှာ ဆိုတဲ့စကားလေး
ကအတိတ်မှာကျန်နေခဲ့ပြီ ယခုဘယ်သူကအပယ်ခံလဲဆိုတာအသိသာကြီး ။"အချစ်ရေ အိပ်ရအောင်..."
"ကြားလားသား...ဖေဖေက အိပ်မယ်တဲ့....ဟုတ်တာပေါ့...သားသားလေးလဲအိပ်ရမယ်..."
ကလေးကိုမြူလို့ ရှောင်ကျန့်ကချီကာ မသိပ်သေးပဲနဲ့ ခဏမြူနေသေးသည် မြို့အုပ်၀မ်သက်ပြင်းချလို့ စာအုပ်ကိုဘေးနားကခုံပေါ်တင်ကာ သူအရင်လှဲလိုက်သည်။
"ကြည့်ပါဦး သားသားရယ် သားဖေဖေက ကောက်သွားပြီ..."
ရှောင်ကျန့်ပြောလို့ ကလေးခမျာ မျက်လုံးလေးကလယ်ကလယ်
နဲ့ မြို့အုပ်၀မ်ဘက်ကိုကြည့်လိုက်သည် ။"သွားမို့လား ဖေဖေ့စီသွားမို့လား...လာ..ဝှီး..."
အနှီးမပတ်တော့သော သားလေးကို လက်ရှည်လေးလုံးစွပ်လေးတွေနဲ့ ဘောင်းဘီရှည် ခြေအိတ်လက်အိတ်လေးတွေ၀တ်ပေးထားရသည် ကလေးကိုချီကာ
မြို့အုပ်၀မ်နားသွားထိုင်လိုက်သည်။"သားလေးရိုက်လိုက်...ဖေဖေ့ကိုနိူး.."
*ဖတ်*
ဖတ်ခနဲပဲမြို့အုပ်၀မ်ပါးပေါ်ကို လက်ဝါးသေးသေးလေးကကျရောက်သွားတော့ မှိတ်နေတဲ့မြို့အုပ်၀မ်မျက်လုံးလေးတွေကပွင့်လာသည် ။
"သားသားက မောင့်ကိုတွေ့ချင်လို့တဲ့..."
"ဟုတ်လားသား...ဖေဖေ့ကိုတွေ့ချင်တာလား"
မြို့အုပ်၀မ်ကသားသားလက်ကိုကိုင်လို့ ပြောတော့ သူ့လက်လေး
ကိုမွေးတုန်းကလိုမျိုးဆုပ်ကိုင်ထားလို့ပြုံးပြသည် မြို့အုပ်၀မ်က
အိပ်နေရက်နဲ့ပဲ ရှောင်ကျန့်လက်ထဲကနေ ကလေးကိုပြောင်းယူလို့
ချီကာ တစ်ဖက်လှည့်သွားသည်။
YOU ARE READING
Beta ယောင်ဆောင်သောမြို့အုပ်ကတော် ( Complete)
Fanfictionမြို့အုပ် ficကိုမှ AOB typeလေးရေးကြည့်ထားတာပါ အားပေးကြပါဦးနော်