Maharverse : ထိပ်သီးနတ်ဘုရားတစ်ပါး၏အမျိူးသားမဟေသီအဖြစ်တက်လှမ်းခြင်း [COMPLETE]

EPISODE 40

Unicode

ကောင်းကင်ပေါ်တွင် သတ္တဝါကြီးနှစ်ကောင်၏တိုက်ပွဲကပြင်းထန်နေဆဲပင်။

ဂဠုန်သတ္တဝါသည် ခန္ဓာကိုယ်အရွယ်အစားကြီးမားသလို လှုပ်ရှားမှုတို့ကလျင်မြန်၏။နေနတ်ဘုရား သူရိယဒေဝါ ဟူသည်လည်း သက်တမ်းရင့် နတ်ဘုရားတစ်ပါးဖြစ်လေရာ တိုက်ပွဲ၏အခြေအနေသည် နေနတ်ဘုရားတစ်ဖြစ်လဲ ဂဠုန်ကြီး၏လက်တွင်း၌သာရှိနေလေသည်။

ဂဠုန်ကြီးက နဂါးကြီးအား နှုတ်သီးဖြင့် ထိုးဆိတ်လိုက် ခြေသည်းတို့ဖြင့် ကုပ်ချီရန်ကြိုးစားလိုက်ဖြင့် ရှေ့တိုးတချီ နောက်တိုးတစ်လှည့်ဖြင့် နည်းပရိယာယ်ကြွယ်၀စွာဖြင့် တိုက်ကွက်ခင်းလျက်ရှိသည်။ နဂါးကြီးမှာ တစ်ဖက်မှတိုက်ခိုက်လာသည်များကို တစ်ဖက်သတ်ခုခံရင်း တိုက်ကွက်ဖွင့်ချိန်ပင်မရ။ မရဆို တစ်ဖက်ကဂဠုန်ကလည်း သူ့ကို အခွင့်အရေးမပေးဘဲ တိုက်ခိုက်နေသည်လေ။

အခြေအနေအရ ဂဠုန်ကြီးကအသာစီးရနေသောကြောင့် လနတ်ဘုရားတို့အဖွဲ့ဟာ ရွှေဉာဏ်တော်စူးရောက် လုပ်ရပ်တစ်ခုကိုပြုလုပ်ဖို့ ကြိုးစားလိုက်ကြသည်။

အမှန်ပင် သနားစရာ နတ်ဘုရားများပါတကား။
မဟေသီဘုရား ရူစန္ဒာအဏီရာကို ဖမ်းဆီးဖို့လုပ်ကြသည်တဲ့လေ။

မဟေသီဘုရားက တိုက်ပွဲကိုသာအာရုံစိုက်နေချိန်တွင် နတ်ဘုရားအုပ်စုကြီးက တစ်ဖြည်းဖြည်းနှင့် သူ့အနားကိုရောက်ရှိလာကြောင့် သူမသိလိုက်။ခဏအကြာ ဘုန်းဟူသော အသံကြီးနဲ့ အတူ နတ်ဘုရားများ အနောက်ဘက်သို့လွင့်သွားတာကို မြင်လိုက်ရ၏။
မဟေသီဘုရားကြည့်လိုက်တော့ ပုံလုံဟူက မြေပြင်ပေါ်တွင် မှုန်ကုပ်စွာရပ်ကြည့်နေပြီး နတ်ဘုရားအုပ်စုကမူ မြေပြင်ပေါ်တွင်လဲကျကာ အလူးအလဲဖြစ်နေကြ၏။ ရူရူတစ်ယောက် ထိတ်ခနဲဖြစ်သွားရင်း ပုံလုံဟူလေးအနားကိုပြေးသွားကာ ခေါင်းကိုခေါက်ထည့်လိုက်သည်။

"လျှောက်မသွားနဲ့၊ ခေါင်းပြုတ်ချင်နေသလား၊ ဒီလောက်ရက်စက်ကြမ်းကြုတ်တဲ့သူတွေရှိနေတာကို ဂရုစိုက်မှပေါ့၊ နောက်တစ်ခါဆို ဒီထက်နာမယ် ! "
လနတ်ဘုရားနှင့်ကြယ်စင်အစုအဝေးနတ်ဘုရားများ