Kung sakaling ako'y lilisan at mawawala,
Sa akin kaya ika'y mananabik pa?
Mas pipiliin ba'ng maghanap ng iba,
O mananatiling tapat sa pag-iibigan nating dal'wa?
Magiging makasarili ba ako kung aking hihilingin,
Na sana ako lamang ang iyong iibigin?
Kahit ako'y wala na sa iyong tabi,
Sana sa puso mo ako'y manatili.
Siguro nga lahat ay may hangganan,
Mga tao sa iyong buhay ay kailangang lumisan,
Ngunit ito'y iyong pakatatandaan,
Kahit sa kabilang buhay, sa puso ko ika'y maninirahan.
BINABASA MO ANG
Mga Natatanging Tula
PoetrySa paggawa ng tula ako'y masaya, Tunay na ako ay naipapakita, Aking talento'y aking naibabahagi, Habang mga gawa ko'y kanilang pinupuri. © PLEASE DO NOT COPY WITHOUT THE AUTHOR'S CONSENT!