Mali ba'ng maging makasarili paminsan-minsan?
Nais ko lamang atensiyon mo'y sa akin ilaan,
Batid ko namang ika'y napakaabalang tao,
Ngunit hangad ko lamang ay ilang minuto.
Araw-araw ay naghahangad ng pagkalinga,
Pagmamahal sa akin ay maipadama,
'Pagkat araw ko'y hindi kumpleto,
Kapag wala ka sa tabi ko.
Minsa'y 'di maiwasang magtampo,
Sa tuwing lilipas ang araw na wala ka rito,
Ni 'ha', ni 'ho' ay walang nadinig,
Nananabik na sa iyong tinig.
Negatibong bagay sa utak ay iwinawaglit,
'Pagkat alam kong ako'y 'di mo ipagpapalit,
Araw-araw pa rin akong maghihintay,
Sa akin ay huwag ka lamang mawalay.
BINABASA MO ANG
Mga Natatanging Tula
PoetrySa paggawa ng tula ako'y masaya, Tunay na ako ay naipapakita, Aking talento'y aking naibabahagi, Habang mga gawa ko'y kanilang pinupuri. © PLEASE DO NOT COPY WITHOUT THE AUTHOR'S CONSENT!
