දේවගැතිවරයා යම් ආවේශයකට ලක්ව ඇතිවාක් මෙන් කියවාගෙන යාම ජිමින්ව පුදුමයට පත් කලා.
"ඔව්.... හීතල...මට තාම දැනෙනව වගේ...මගෙ ඇඟේ දැනුත් හිරිගඩු පිපෙනව ඒක හිතල මතක්වෙනකොට.... පස්සෙ මං ඒක ඇතුළට ගියා බ්ලේස් කරන්න... එකකොටනං මට ඒක හොඳටම ඇහුනා.............ඔව්....."
" මොකක්ද ෆාදර්....''
"මෙහෙන් මකබැවෙයං.... මකබෑවෙලා පලයං... කියන ටික... විතරක් නෙවෙයි... ඒ කාමරේ තිබ්බ අඳුර අතරින් කවුරු හරි මං දිහා බලාගෙන ඉන්නව වගෙත් මට දැනුනා.....මට තවත් එහෙ ඉන්න පුළුවන්කමක් තිබ්බෙ නෑ...මං ඉක්මනට පහළට ආවා... ඔයාට මතකද මන්ද...මම කලබලෙන් වාගේ පහළට ආව හැටි....ඒ ඇවිත් ඉක්මනට පිටවුණ හැටි..... "
එදා දේවගැතිවරයාගේ හැසිරීම් රටාව සිහියට නගා ගැනීමට ජිමින් උත්සාහ කළේය. එදා තමන්ට ඔහුගේ හැසිරීමේ එතරම් වෙනසක් නොතේරුණ ද, ඒ මොහොත පිළිබඳ හොඳින් කල්පනා කර බැලීමේ දී, දේවගැතිවරයා යම් කඩි කුලප්පුවකින් මෙන් හැසිරුණු බව ජිමින්ගේ සිහියට එන්නට විය.
" එච්චර විතරක් නෙවෙයි..... මං අඩියට දෙකට මිදුලට ඇවිත් වාහනේට නගින්න කලින් ගෙ දිහා බැලුව මගෙ ඇස් එකපාරටම ගියේ මැහුම් කාමරේට.........මං දැක්ක දේ....ඕ....මයි...ගෝඩ්...."
"මොකක්ද.....මොකක්ද...... ඔයා දැක්කෙ ෆාදර්...... "
"මැහුම් කාමරේ ජනේලෙ ළඟ කවුරු හරි ඉදල මං බලන කොටම අහකට ගියා, මං ඒක හොදාකාරවම දැක්ක...."
තමන් එම නිවසට පැමිණි පළමු දිනයේදීම නිවස තුළට බඩු බාහිරාදිය ගෙන ඒමට පෙර මිදුලේ සිටි අවස්ථාව ජිමින්ට සිහිවිණි. මිසි එදා එම ජනේලය අසල සිටියකුට අත වැනූ බව ඔහුගේ සිහියට ආවේය.
________________________________________
©all right reserved
YOU ARE READING
✞ 𝗔𝗠𝗬𝗧𝗜𝗩𝗜𝗟𝗟𝗘 ✞ 𝐁𝐓𝐒 𝐕𝐞𝐫𝐬𝐢𝐨𝐧 ▮✓✓▮
Horrorසත්‍ය සිදුවීමක් ඇසුරින් නිර්මාණය කර ඇත. මෙය සත්‍ය සිදුවීමක් උනත් චරිත වල නම් ගම් මනඃකල්පිතයි. මොකද මෙක amityvile seen එකේ BTS version එක.
