အခန်း ၃၁ - အရာခပ်သိမ်းကိုချေမှုန်းခြင်း
နတ်မျက်စိသည် ကမ္ဘာပေါ်ရှိ မကောင်းဆိုးဝါးမှန်သမျှကို ဖောက်ထွင်းမြင်နိုင်စွမ်းရှိသည်။ ဝင်္ကပါဖြစ်စေ ပုံရိပ်ယောင်များဖြစ်စေ တစ်ဖက်လူထံမှ အနိုင်ပိုင်းမခံရသေးသရွေ့ အလွယ်တကူ ဖြတ်ကျော်သွားနိုင်ပေသည်။
သူ၏နတ်မျက်စိအာရုံအောက်တွင် လျှို့ဝှက်နည်းဗျူဟာများစွာသည် သေချာပေါက်ဖော်ထုတ်ခံလိုက်ရသည်။
ဘယ်လိုနည်းဗျူဟာမျိုးပါလိမ့်.....
အမှောင်ထဲရှိ အနက်ရောင်၀တ်လူသုံးယောက်က ထိုအရာကိုမြင်တော့ ထိတ်လန့်သွားကြသည်။
လျှို့ဝှက်မြူဆိုင်းအစီအရင်ကို ကျင်ကြံစဉ်တူသူအချင်းချင်းပင် မြင်နိုင်စွမ်းမရှိ။
သူတို့သုံးယောက်သုံးထားသော အစီအရင်သည် သွေးတွင်းအနှစ်သာရကို လောင်ကျွမ်းစေသည်အထိ ပေးဆပ်ထားသည်ကိုမူ မဆိုထားနှင့်။
ပင်လယ်ရေလှိုင်းအဆင့်အထွတ်အထိပ်ရှိသူတစ်ယောက်ပင်လျှင် ထိုအရာကို ထိုးထွင်းမမြင်နိုင်ချေ။
လျှို့ဝှက်မြူဆိုင်းအစီအရင်သည် ရေအလျဉ်ပြည့်လျှံရေးအဆင့်ကျွမ်းကျင်သူက အင်အားသုံးဖြိုခွင်းမှသာ ကျိုးပျက်သွားနိုင်သောအရာပင်။
သို့သော်လည်း ယဲ့ချိုပိုင်သည် ခရမ်းရောင်ဘုံဗိမာန်အဆင့်တွင်သာ ရှိသေးသည်။
သူ့ကျင့်ကြံစဉ်မှာ သူတို့ထက်နိမ့်လှသည်။
သူ ဘယ်လိုလုပ်လိုက်တာလဲ။ ဒါက တိုက်ဆိုင်မှုလား....
သို့သော် သူတို့ ထိုအကြောင်းတွေးတောနေခိုက်မှာပင် ဓားသွားစျာန်အဘိညာဉ်သည် ယဲ့ချိုးပိုင်၏ခန္ဓာကိုယ်ထဲမှတစ်ဆင့် ကောင်းကင်ယံဆီသို့ ပျံတက်သွားသည်ကို ခံစားလိုက်ရသည်။
ဓားသိုင်းစျာန်အဘိညာဉ်လား။
ယဲ့ချိုးပိုင်၏အချက်အလက်များအရ သူသည် ကျင့်ကြံရေးသက်တမ်းဆယ်နှစ်မျှသာ ရှိသေးသည်ဟုသိရသည်။
သို့ဖြစ်ရာ ဓားသိုင်းစျာန်အဘိညာဉ်ကို သူ ဘယ်လိုသိမြင်နိုင်မှာတဲ့လဲ ။
YOU ARE READING
ငါ့တပည့်တွေက ဘုရင်တွေ
ActionAdmin ဆီက ခွင့်ပြုချက်မရသေးပါဘူး free တင်တဲ့ အတိုင်း တင်ပေးပါ့မယ် admin တွေ လာပြောရင် ဖျက်ပေးပါမယ်။ Start date -21•4•2024(Sunday) End date-
