Ghost Detective! (COMPLETED)

Chapter 52

A/N : MERRY PASKOOOOOOO~~~~~ yun lang! ^__^V

*********************************************************************

RODNEY

"Den, sundan natin." Pag-aya ko kay Deniro. Naguguluhan man pero tumango naman siya agad at nagmamadali kaming tumakbo para maabutan yung si Larry Peralta.

Nung nakikita ko na yung lalaking may-ari ng ID, medyo binagalan ko na yung takbo ganun din si Den na napansin ako.. hindi ko namalayan na nakapasok na kami sa isang lugar na malayong-malayo sa nakagisnan kong lugar. Ang daming mga bahay na gawa sa kahoy at dikit-dikit, may mga lalaking matatakot ka sa hitsura dahil mga shirtless sila at makikita mo ang mga nagraramihan nilang mga tats sa katawan, at yung mga babaeng mga kasing-edad lang ata namin o mas bata pa nga na may kargang mga sanggol at nagsisigawan na mga kapit-bahay. Nasa squatter's area kami.

Shit! I never thought na may pumapasok pala sa PSA na dito sa ganitong lugar nakatira. Now, remind me why did I have to follow my instincts. Tss..

"Huy dude," tiningnan ko si Den, mababakas sa mukha niya yung takot. "This place is hell! Literally... I never thought na may nag-aaral sa PSA na dito nakatira." Tsk. Parehas pa kami ng naisip. Gusto ko sanang matawa sa nakikita kong takot sa mukha niya pero pinigilan ko dahil alam kong katulad niya lang din ako.

Naglalakad na lang kami ngayon, hirap na baka kapag nakakuha ng atensyon ma-taga kami.

Nakita ko na pumasok sa isang maliit na bahay yung si Larry at napasimangot ako dahil ang dami atang tao doon at may mga lamesa na may mga taong kung hindi naglalaro ng baraha, kumakain naman ng biscuits o yung butong-pakwan.

Don't tell me.... "Pare, may patay ata sa bahay na iyon." --Den.

Tumango ako. "Yeah.... and since nandito na tayo, let's go inside."

"Hep hep hep! Papasok? Tayo? As in?"

"Oo, oo, at OO! Didn't you heard me just now?" Nauna na akong naglakad sa kanya pero kalaunan naramdaman ko na siya sa tabi ko. Magrereklamo pa alam ko naman na wala rin siyang magagawa kundi sumunod. Like he can walk away from this place alone.

Papasok palang kami sa bakuran ng makita na kami ng isang babae na nasa 40s at isa sa mga naglalaro ng baraha. Tumayo siya at tiningnan kaming mabuti. "Sino kayo mga binata? Ay teka.. parehas ng uniporme ni batang Lar ah." Magsasalita palang sana ako nung sumisigaw na tinwag niya yung kung sinuman sa loob. "Hoy!! May mga tao dito! Mga kaklase ata ng anak mo Linda!" Hindi na pala kailangan magsalita.. ginawa niya na iyon para sa amin eh. Nice..

Nakita kong may lumabas na babaeng kahit kasing-edaran lang nung babae kanina na sumigaw ay makikita mo ang kagandahan nito at ibang-iba sa mga taong nandirito. She smiled gently as soon as she sees us. Kasunod niya si Larry, na nagtatakang nakatingin sa amin.

"Hello po, ma'am!" Medyo nagulat ako sa sigaw na bati ni Den kaya nasiko ko siya. Naka-pout naman niya akong tiningnan.

Hindi ko nalang pinansin ang mga kabaklaan niya at hinarap ko yung ginang na nanay ata ni Larry. "Good evening po, ma'am.." I greeted politely at marahang yumuko. Ganun din si Den.

"Umm.. mga kaklase nga ba kayo ng anak ko?" Tanong ng ginang pero naputol na naman ang sasabihin ko nang sumingit si Larry.

"H-hindi po nay! Pero mga kaeskwela ko lang. A-asikasuhin niyo nalang po yung mga gawain sa loob ako na pong bahala dito." Hinawakan niya sa magkabilang balikat ang nanay niya at marahang tinulak papunta sa loob at saka kami hinarap. "Amm.. m-may maipaglilingkod po ba ako?"