The Heiress

TH Chapter 31

Nakaramdam ng lamig si Maymay kaya inayos nya ang jacket ni Edward na pinahiram sa kanya.

Nakita ito ni Edward kaya hinubad ito ni Edward sa kanya.

"Ano'ng ginagawa mo?" ang takang tanong nya sa binata.

"Isuot mo kasi para hindi ka lamigin." at isinuot nga nito ang jacket sa dalaga.

Naiilang man ay hinayaan na lang ni Maymay na isuot ito sa kanya ng binata.
Ito pa ang nagzipper ng jacket.

"Ayan!"

"Ikaw hindi ka ba nilalamig?" ang tanong nya sa binata.

Nakaisip naman ng kalokohan ito.

"Nilalamig na nga rin ako eh! Pwede bang payakap ako?" at bigla nyang binackhug si Maymay.

Nagulat naman ang dalaga kaya hindi sya nakakilos.

Naramdaman naman ni Edward ang paninigas ng katawan ni Maymay kaya napangiti sya.

"Relax, Maymay, yakap lang ito." ang bulong nya dito.

Hindi alam ni Maymay kung bakit hinayaan nya na lang gawin ng binata iyon sa kanya.

Sigurado syang nawala na ang epekto ng alak sa kanya pero bakit parang sobrang lakas ng loob pa rin nya para gawin yun sa lalaking kakakilala pa lang nya.

Naaamoy ng binata ang bango ng buhok ng dalaga kaya mas nilapit pa nya ang ilong nya sa buhok nito.

Naramdaman naman iyon ni Maymay kaya nagtindigan ang mga balahibo nya.

"Hindi na pwede ito Maymay!" ang sigaw ng isip nya.

She tried to wriggle herself out of his arms.

Lalo lang hinigpitan ni Edward ang pagkakayakap sa bewang nya.

"Please stay." ang bulong nito.

"Aaano?" ang nauutal nya pang tanong sa binata.

Hindi nya magawang lingunin ito dahil kinakabahan sya sa pwedeng mabasa nya sa mga mata nito.

"Ang sabi ko wag kang malikot."

"Ah okay!" ang sagot na lang nya sa binata pero sigurado na sya sa narinig nya.

Sinabi nitong "Please stay!" kaya bumalik na naman tuloy ang paghihinala nya na may sikreto talaga itong itinatago.

Determinado na talaga syang alamin ito.

"Pwede bang magtanong Dodong?"

"Ano yun Maymay?"

"Hanggang kailan ka magpapanggap?"