The Heiress

TH Chapter 35

"Ano'ng balak mong gawin dyan sa pagseselos mo?"

Natigilan naman si Edward sa tanong ni Marco sa kanya.

Ano nga ba ang dapat nyang gawin sa nararamdaman nya para kay Maymay?

Sapat na ba kung anuman yung nararamdaman nya para sa dalaga para kalimutan nya yung pamantayan nya sa babaeng mapapangasawa nya?

Pareho ba sila ng nararamdaman para sa isa't-isa?

Hindi ba parang napakabilis ng mga pangyayari para isipin na nyang mahal nya ang dalaga?

Woah!

Mahal?!?

Mahal nya ang dalaga?

Hindi pa nga nya lubos na kilala ito kaya paano mangyayari na mahal nya na agad?

Hindi kaya mere physical attraction lang ang nararamdaman nya para dito?

Maganda ang dalaga at nakakaakit ang hubog ng katawan kaya hindi nakapagtataka na nahalina sya dito.

Marami na rin syang nakita na higit na maganda at kaakit-akit pa sa dalaga pero iba talaga ang dating nito sa kanya.

Para syang palaging kinakapos ng hininga sa tuwing nakikita nya ito.

Lalo na kapag nakangiti ito.

Ngiti na gusto nyang sya lang ang pagbibigyan at makakakita.

Kaya naman ng makita nyang nakangiti ito kay Marco ay ganun na lang ang pagnanais nyang sapakin ang kaibigan.

Ngayon lang nya naranasan ang makaramdam ng selos.

Sa kanilang dalawa kasi ni Marco ay madalas sa kanya nagkakagusto ang kahit na sinong babaeng makakita sa kanila.

Kaya naman hindi nya maiwasan ang mainis dahil nakaramdam sya ng inggit kay Marco ng makita nyang nakangiti si Maymay dito.

Si Maymay lang ang nagparamdam sa kanya na maaaring may nakahihigit sa kanya.

Pagmamahal bang matatawag yon?

Yung kagustuhan na mas makilala pa ang dalaga?

Yung kagustuhan na palagi syang nakikita at nakakasama?

Yung kagustuhan na makitang nakangiti sya sa akin?

Yung kagustuhan na palagi syang titigan sa mga mata?

Yung kagustuhan na mayakap sya?

Yung kagustuhan na maangkin ang mga labi nya?

Pagmamahal na ba 'yon?

Sapat na ba ang lahat ng iyon para maniwala sya na totoo ang pag-ibig?

Pag-ibig na matagal na nyang isinusumpa at hindi pinaniniwalaan.

Natigil sya sa pagmumuni-muni ng marinig ang basong nahulog sa carpet.

Napailing sya ng makitang nakatulog na si Marco.

Nabitawan nito ang baso sa kalasingan.

Pinulot nya ang baso at ipinatong sa mesa.

Inayos nya ng higa si Marco sa sofa.

Habang sya ay tumungo sa mini bar at kumuha ulit ng maiinom.

Kailangan nya ng pampatulog.

Hindi nya pa rin alam kung ano ang gagawin nya sa nararamdaman nya para kay Maymay.