The Heiress

TH Chapter 34

Pagkabalik ni Marco kay Edward ay iniabot nito ang susi ng kotse sa kanya.

"I'll just take a cab."

"No you won't! Sumakay ka na! Dun ako matutulog sa condo mo! May kailangan tayong pag-usapan!"

Nang hindi pa sya agad sumakay sa kotse ay nagsalita ulit si Marco.

"Get in the car Edward!"

Napagtanto naman ni Edward na seryoso ang kaibigan dahil tinawag sya nito sa pangalan nya.

Sumakay na rin sya sa passenger seat.

Saka lang sumakay si Marco nung pumasok sya.

Tahimik lang silang dalawa habang nasa byahe.

Naninibago si Edward sa kaibigan.

Seryoso ang mukha nito habang nagmamaneho.

Palangiti ito at napakamaloko kaya naninibago sya sa seryosong ekspresyon nito.

Pagkarating nila ng condo ni Edward at pati sa elevator ay tahimik pa rin silang dalawa.

Habang tumatagal tuloy na hindi nagsasalita si Marco ay naguiguilty na sya sa sinabi nya kay Maymay.

Mali ba na binigyan nya ng malisya ang pagiging malapit ni Marco sa dalaga?
Ano ba kasi talaga ang relasyon na meron sila at parang masyado silang malapit?
Meron bang hindi sinasabi si Marco sa kanya tungkol kay Maymay at Mary Dale?

Naputol ang pagmumuni-muni nya ng tumunog ang elevator at bumukas.

Lumabas sila ni Marco at tumuloy sa unit nya.

Pagkapasok ay dumiretso si Marco sa mini bar para maglagay ng maiinom para sa kanila ni Edward.

Bumalik ito sa sala na dala ang inumin at inabot ang isa kay Edward.

Umupo ito sa couch at hinarap si Edward.

Inisang tungga nito ang inumin.

Napangiwi ito ng bahagya sa tapang ng ininom.

"So... what happened between you and Maymay?"

Inisang inom din ni Edward ang inumin bago ito sumagot.

"Nothing!"

Tumayo ulit si Marco at kinuha na ang bote ng scotch at saka bumalik sa pwesto.

Nilagyan nya ulit ang baso nila ni Edward.

Uminom ulit si Marco ng konti bago nagpatuloy sa pagtatanong kay Edward.

"Wala? Eh bakit ganun ang itsura ni Maymay nung nagyaya umuwi?"

Uminom din si Edward bago sumagot.

"Bakit ba masyado kang concerned sa kanya?"

"Natural! Bro, kababata ko sya! Mas matagal ko pa syang kakilala kesa sayo!" at tumungga ito ulit ng alak.

"Kababata lang ba talaga?" sabay inom din ng alak.

"Seryoso ka ba dyan sa tanong mo?" inom ulit.

"Oo! Hindi kasi yun yung nakikita ko!" inom ulit.

"Teka lang! Umamin ka nga bro! Nagseselos ka ba sa amin ni Maymay?!?"

"And what if I am?"