The Heiress

TH Chapter 92

Bagamat nag-aalala pa rin sila sa dalaga ay masaya silang nagsalu-salo ng agahan.

Binanggit ni Edward sa dalaga ang kagustuhan ng lolo nyang makilala at makita muli ito.

Nahihiya man ay pumayag din si Maymay.

Curious din sya kung anong klaseng pagkatao meron ito at naging matalik na magkaibigan sila ng lolo Joe nya.

Pagkatapos kumain ng agahan ay bumalik silang apat sa kwarto ni Maymay.

Doon ay sama-sama nilang tiningnan ang mga larawan na kinuha ni Juliana.

Pinakilala ni Maymay kay Edward ang mga magulang at lolo Joe nya sa pamamagitan ng mga larawan.

Nakakita pa nga sila ng mga lumang litrato ng magbestfriends na Kevin at Lorena nung mga bata pa sila.

Pati ang larawan ng magcollege bestfriends na Lorena at Cathy.

"You're beautiful like your mom!" sabi ni Edward kay Maymay.

"And you look just like your father when he was young!" balik ni Maymay sa binata.

Asaran at tawanan lang sila sa mga itsura nilang magkakaibigan.

"Who's this chubby guy in between you and Juliana?" tanong na pang-aasar ni Edward kahit na nakilala nyang si Marco iyon.

Natawa naman si Juliana.

"Of course, the one and only Italian mafia guy here! Your best buddy Marco!" sagot ng dalaga.

"Ang sama mo sa baby fats ko bro!"

"Hahahahahaha!" tinawanan lang sya ni Edward.

"Tawa ka dyan! Ikaw nga dyan noong tinubuan ng katawan!"

"Hoy! Dahan-dahan ka sa pagsasalita mo Marco Antonio nasasagasaan din ako!" sinamaan sya ng tingin ni Maymay.

"Hahahahahaha! Oo nga pala! Sorry naman!"

"Nasagasaan din ako ha!" sabay pout ni Juliana at cross arms.

Niyakap naman sya ni Marco.

"Sorry na babe! Nakalimutan ko!" pilyong ngiti nito sa dalaga.

"Tse!"  sabay irap ng dalaga.

Nakita naman ni Edward ang iba't-ibang ibang larawan ni Maymay sa tuwing nananalo ito ng medal sa martial arts competition simula elementary ito.

Napalunok na lang sya ng maalala ang pag-ipit ni Maymay sa mga binti nya kagabi.

Mukhang kayang-kaya nga syang balian ng buto ng dalaga kung gugustuhin nito.

Napansin naman ni Marco ang pananahimik ng binata habang tinitingnan ang mga iyon.

Tinapik nya sa likod ang binata.

"Kaya kung ako sa'yo bro, wag kang magkakamaling magloko kung ayaw mong mabalian!"

Napalunok pa lalo sya sa sinabi ni Marco.

"Wag mong tinatakot si Edward, babe!" saway ni Juliana kay Marco.

"Eto Edward, nakita mo na ba yung mga pictures ni Dale sa mga shooting competitions na sinalihan nya?" sabay abot nito ng isang buong album sa binata.