The Heiress

TH Chapter 53

Masuyo nyang hinalikan ang noo ng dalaga.

Napapikit naman si Maymay sa ginawa nya.

"Ahm, sorry guys but I have to remind you Dale about tomorrow!" si Juliana na naruon din pala kasama ni Marco.

Saka lang binitawan ni Edward ang dalaga.

Sinamaan nya ng tingin si Marco.

"Ay, oo nga pala! Sorry Edward pero kailangan ko ng matulog!" pero umiiwas sya ng tingin dito.

"Matulog na rin tayo Edward para makasama tayo bukas sa kanila!"

Tumayo na ang dalawa.

"Okay lang naman Dale di ba?" tanong ni Marco dito.

"Oo naman! Kung gusto nyong sumama bakit hindi!"

Naglakad na sila papasok ng mansyon.

"Ano'ng meron bukas?" tanong ni Edward kay Mary Dale.

"Thanksgiving celebration for a bountiful harvest!"

"Masaya yun bro!"

Paakyat na sila sa kanya-kanyang kwarto nila.

Hinatid ni Marco sa tapat ng kwarto nito si Juliana.

Habang si Edward ay inihatid din si Mary Dale.

"Good night Edward!" alangan na paalam ng dalaga.

Tatalikod na sana sya ng hawakan ni Edward ang braso nya.

Humarap sya dito.

"Bakit?"

"You still haven't told me that you forgive me!" nahihiyang sabi ng binata.

Napangiti naman ulit ang dalaga.

"It's okay Edward, let's just forget about it!"

"Can you do me a favor and please stop calling me Edward?"

"Ano naman ang gusto mong itawag ko sa'yo?"

"Pwede Dodong na lang? It's what my mom used to call me when I was a kid."

"Sige, Dodong! Pero dapat Maymay na rin ang itawag mo sa akin!"

"Sure, My May!"

"Maymay."

"Yeah, My May!" at ngumiti pa ito sa dalaga.

"Sinasadya nya ba talagang ibahin ang pagbanggit ng palayaw ko?" naiisip ni Maymay.

"Sige na matulog na tayo!" at pumasok na ang dalaga sa kwarto nya.

Sumunod sa kanya si Edward.

Hindi sya napansin ni Maymay kaya nagkabungguan sila ng isasara na sana nito ang pinto.

"What are you doing in my room?!?"

"Sabi mo matulog na tayo!" at ngumiti ito ng nakakaloko.

Nakaisip din ng kalokohan ang dalaga.

Lumapit ito sa binata at ngumiti ng nakakaakit.

Napaatras ang binata sa may pinto.

Lumapit lalo si Maymay sa binata.

Napalunok si Dodong.

Bigla syang kinabahan sa ginawa ng dalaga.

Unti-unting nilapit ni Maymay ang mukha nya sa binata.

Panay na ang lunok ni Dodong.

Hindi nya namalayan na napapikit sya.

Bahagya pa syang napanguso.

Pigil na pigil naman ni Maymay ang tawa nya.

Nilapit nya ang labi nya sa tenga ni Dodong at bumulong.

"Lumabas ka na kung ayaw mong habulin ng itak ni Nanay Remedios!"