The Heiress

TH Chapter 77

Matalik na magkaibigan ang lolo Joe nyo at ang lolo Edison ni Edward.

Napagkasunduan nila na kapag nagkaroon sila ng mga anak ay ipapakasal nila ito sa isa't-isa.

Sakto naman na nagkaroon ng anak na lalaki si kuya Edison at anak na babae ang lolo mo.

Naging matalik na magkaibigan si Kevin at si Lorena simulang mga bata pa sila.

Wala silang kamalay-malay na ipinagkasundo sila ng kanilang mga ama.

Nang mag-aral sa Maynila si Lorena ay nakilala nya si Catherine at naging matalik na kaibigan nya rin ito.

Nang minsan na umuwi sya dito para magbakasyon ay isinama nya si Catherine.

Ipinakilala nya ito kay Kevin na noon ay bakasyon din sa eskwela.

Nainlove si Kevin kay Catherine habang ang ama mo naman ay nanliligaw na rin sa ina mong si Lorena.

Dumating ang ika-dalawampu't apat na kaarawan ng iyong ina at inanunsiyo nila ang pagpapakasal ni Kevin at Lorena na ikinagulat nilang apat.

Hindi pumayag si Kevin at ganun din ang iyong ina.

Pinagbantaan pa ni kuya Edison na tatanggalan ng mana si Kevin pero hindi ito nagpatinag.

Tinanggap nya ang parusa ng ama at nagpakasal pa rin sya kay Catherine.

Habang ang iyong ama at ina ay ipinaglaban din sa lolo mo ang kanilang pagmamahalan.

Sa pagsusumikap ng iyong ama ay napatunayan nya sa lolo mo na karapat-dapat sya sa iyong ina kaya tinanggap na rin sya ng lolo mo.

Nanatiling magkaibigan ang iyong ina at sila Kevin at Catherine.

Dahil mabuting babae si Catherine ay natanggap na rin sya ni kuya Edison.

Madalas nagpupunta sila dito kasama si kuya Edison para magbakasyon.

Nauna lang ng ilang buwan ang ipinagbubuntis ni Catherine na si Edward, sumunod kang ipinagbuntis ng iyong ina.

Kaya nasa sinapupunan pa lang ay magkakilala na kayo ni Edward.

Taon-taon ay dito sila nagdiriwang ng Pasko at Bagong Taon.

Bata pa lang ay malapit na kayo sa isa't-isa.

Madalas pa ngang nagbibiruan sila Lorena at  Catherine na ipagkakasundo kayong dalawa dahil kapag nandito sila ay hindi kayo mapaghiwalay ni Edward.

Pero dahil natuto na ang mga lolo nyo ay hindi nila sineryoso yon.

Madalas ka pa ngang umiiyak kapag uuwi na sila Edward.

Tatlong taon si Edward ng halikan ka nya dyan sa larawan.

Umiiyak ka kasi dahil pauwi na sila.

Kaya para tumahan ka ay hinalikan ka nya.

Yun din ang huling araw na nagkita kayo.